قصه كامله مشوقه

بيدي وقلت افرحي لي انا وبس ضحكتك دي خليها معاي انا بس لو واحد شافها حتسحرو وانا اشيل روحه
الليله ماحنرجع البيت صح
زهجتي مني
لا بس
ماواثقه فيني
اكيد واثقه بس
بس شنو الناس
مجرد سوال يامحمد خلاص غلطانه رفعت الخاتم عاينت له وقالت نحن كدا مخطوبين صح
لا
رفعت راسها عاينت فيني لا دي شنو
جريتها علي نفس الوضيعه وقلت لا مامخطوبين متزوجين انتي كدا حقتي ومامن حق ااي ضكر افكر فيك والاسمو نايل دا ابعدي لي منه
لشنو مالو
راجل انتي مالقيتي غير راجل تعينيه مدير اعمالك انا مفروض اتحمل وجوده معاك الوقت كل ومااقول شي
نايل مامجرد مدير اعمال نايل هو سبب نجاحي فاارجوك خلي لي دا وماتهبش علاقتي به

دا معناه شنو
انا فاهمه غيرتك بس خليك واثق انه مافي واحد بملي عيني غيرك ولو قريت رواياتي حتتاكد
ذكرتيني اسئلك روايه الجوافيه دي بتحكي قصتنا صح
اقراها وحتعرف
وانا لامي فيهم عشان اقراهم
في عربيتي قلت اجي من الايفنت واغشاك اول زول افرحك بنجاحي
افتكرتيني حااخليك برااك في يوم زي دا
ماكنت دايرك تخلي شغلك عشاني خلينا نتفق علي الحاجه دي
حاجه شنو
انه ماناثر علي شغل بعض ونخلي مساحه صداقه بينا تسمح لينا بعدم الالتزام المفرط
كيف يعني
يعني انت عندك شغل ماتخليه عشان انا مكتئبه والا الومك لاخر العمر
اتفاق حلو وبنفعني انا اكتر
لا والله انا شغلي ماعندو زمن ويمكن اغيب في اوقات انت محتاجني فيها فبتمني مساحه الصداقه تخليك تغفر لي
ماعندي مشكله تغيبي في اوقات محتاج لك فيها بس لمن تجي عوضيني عن غيابك بحيث مااسمح للجفا ادخل بينا
وانا بوعدك انه انت حتكون اهم حاجه في حياتي واول اولوياتي
وانا بوعدك نفس الوعد دا بلص كل يوم احبك اكتر ومهما عملتي
مهما عملتي دي معناها شنو
انتي ماعارفه انه عندك تصرفات طفوليه
لا ماعارفه انا زوله واعيه جايه من ايفنت خاص بي تقول عني طفله
ودا احلي مافيك انك معاي بتكوني طفله وللناس بتكوني ملهمه انا بحب تميزي في حياتك اختلافي عن غيري عندكبس برضو نايل تبعدي لي عنه
خليك من نايل انت عارف انا من خلال قرايه الروايات اكتشفته شنو 
اكتشفتي شنو
لون عيوني
بجد اخيرا عرفتي اها شنو
بندقيه انا عيوني لونه بندقي
ودي في ياتو روايه دي
جومانا ابابيل
طيب بعد ارجع لها بنفسي عشان اتاكد لاني شايفه حمراء
ضړبتني علي يدي وقالت عندك عمي الوان 
عدلته قعدتي وخليته ترقد وبمسح علي وشها
دا بجد حقيقي يا هناء مابحلم زي زمان
كنت بتحلم بي
كتييير انا عشته سنه علي الاحلام مابطلع من غرفتي وراقد متغطي بس عشان بتجيني في الحلم
مروة حكت لي الحصل معاك بسببي
مابسببك دا بسببي اوعك تشيلي الذنب
ماعارفه احس بالذنب ولا افرحعشان بتحبني للدرجه دي
غمضي عيونك ونومي حابب اتفرج عليك وانتي نايمه
اممم ماضامنك
تصدقي انك مابتستحقي كل الرومانسيه دي
ضحكت وغمضت عيونه
نامت وانا بعاين فيها ربنا اجعلك نصيبي ومااوريني فراق ابدا انا مابتحمل بعادك مره تانيه
مرت الايام جميله زي جمال ضحكته شكل غمازته لمعت عيونه وهي بتضحك
بجي من الشغل بدق لها الباب اطمن عليها مرات تكون هند الموجوده مرات البيت فاضي اتصل لها اطمن عليها 
جيت راجع كعادتي مالقيتها اتصلت لها مابترد يومين علي الوضع دا اتصلت لي هند قالت مشغوله عندهم شركه دايره اصممو للطاقم بتاعهم اليونيفورم واشتغلوه في المصنع حقهم طوالي
اسبوع ماشفته حسيت روحي مشحتفه قاعد في المكتب مضايق شغال في الورق جات عنود داخله
محمد ويش صاير لك ليش مامرقت البريك
مرهق وماجعان
السنيورة مزعلتج
ختيت الورق في يدها اديتها نظره بي الف معني ومرقته شايل البدله في يدي وشعري مامربوط نازل في وشي عاينته علي بيتها ماموجوده مشيت المصنع قالو مشغوله شديد دخلت البيت جدعت البدله وعملت يانسون اتصلت لامي اتكلمت معاها سالتني الف مره مالك يا ولد قفلته منها ومسكت الريمود داير افتح الشاشه الباب دقه كوركته ادخل يا احمد القفل لسه ماصلحتو جات داخله هناء وقفت في الباب وقالت ادخل ولا ارجع 
عاينت لها ورجعته عاينته في الشاسه فتحته 
جات قعدت جمبي كيفك
ماتمام عندك حاجه هنا بتهمك دايره قلم او قماشه ناقصه
امممم زعلان يعني
مفروض ماازعل
لا ازعل بس اسمح لي اصالحك
ختيت الريمود علي الطربيزه واتلفت عليها لا يعني انا بتصل لك مابتقدري تطمنيني عليك طيب ماخايفه اكون حصل لي شي مابهمك اكون محتاج اسمع صوتك ولا انتي بتعاقبيني ودايره تفهميني انك حره واني مابقدر اتحكم فيك
مسكت يدي انا اسفه حقك علي
جريت يدي وقلت امشي يا هناء
قعدت في الارض جرت يدي مسكته وتعاين فيني خلاص انا اسفه والله الشغل كان كتير واول حاجه عملتها بعد فضيت جيت هنا شايف منظري كيف
دا مامبرر عشان تغيبي اسبوع
طيب اخر مره سامحني عشان خاطري عشان خاطري يامحمد
سحبته يدي وقلت انتي استقلاليه ومابهمك مشاعر غيرك قامت تبكي واتحركت ماشي سحبته جريته قعدته وقلت ماتبكي انا دموعك دي بتضعف موقفي
انا ماقصدته اهملك بس انا كلمتك انه لمن الشغل اجينا بكون بايخ
طيب خلاص ماتبكي
سامحتني يعني
ايواه سامحتك بس اخر مره تعمليها
شغلي كدا لازم تتاقلم
ماعندي مشكله مع شغلك بس كلميني عشان اعمل حسابي
تعمل حسابك في شنو
اقعد معاك واشبع منك عشان مااشتاق لك كدا
انا ماشي
تعالي هنا ماشي وين رجفت وقعدت خلاص ماماشي
انا مش قلت لك ماتخافي مني
انت بتخوف حكت ضهرها وقالت لسه الاثر موجود لازم اخاڤ
ضړبتها علي وشها وقلت ادخلي استحمي وانا بحضر لك اكل
لا بستحمي في بيتنا وبجيكمسكت شعري لمتو وهي بتقول ماتخليه علي وشك انا بحبو مربوط
بتحبيه ولا بتحبيني
انا ماشي استحمي
قلت لك ادخلي اي غرفه من الغرف دي واستحمي
لا الافضل بيتنا 
خاېفه من شنو ماعندي كاميرات
ياريت لو عندك كاميرات انا كدا كدا حقتك
رفعت الشبشب وهي مارقه جدعتو فيها وقلت دي امور جديده مش
جرت منه كوركت لي ولا جاني.
مشيت شلتو وقلت حتجي راجعه وبجي فيك عاينت لي ضحكت ومشت قفلته الباب وانا بضحك وبقول طفله طفله مستحيل تكبر.
لبسته وانتظرتها لحدي جات
دا شنو يامحمد انا قلت حناكل هنا
لا والله لقيت نفسي مابقدر علي شغل المطبخ دا احسن نمشي المطعم لزتني لي جوا وقالت عشان تعديها هظار واستظراف مع الويتر مش
حنغير المطعم لو علي نغم 
لا حنعمل اكل هنا
عليك الله امنعيني المرقه بسبب الست نغم
حمرت لي وقالت بسبب ظرافتك مابسببها.
ضحكته وقلت صراحه انا الخفيف جدعتني بي برطمانيه ومشت علي المطبخ مسكته البرطمان ختيته ومشيت عليها.
عملت اكل رصيناهو في الطربيزه الجمب الكنبه القصاد الشاشه وبقينا ناكل شايل صحن ختيته في الكنبه ورفعنا رجولنا متجهين علي بعض وبناكل فيه سوا 
مااتوقعتك قادره تعملي شي 
ماقادره والله بس 
بس حساده عشان مااشوف نغم مش
اااي عندك اعتراض عواليق رفستني بي رجلها
ماكنت عارفك غيوره كدا
اسي عرفتني اعمل حسابك.
علي فكرة خلصته الروايات وفعلا عيونك بندقية انا حبيبتي ذات العيون البندقيه جنس حلا هي
وايه رايك في كتاباتي
عاديه
نعم
ماعجبتني 
لشنو بس
كل نهاياتك ماواضحه
حاولته كتير اكتب نهايه سعيده بس ماقدرته بسبب الغموض الكنا فيه لو حاولته اعمل نهايه كان حتكون حزينه
بس عجبتني الطريقه الشايفاني بها ماكنت عارف انه نظرتك لي كدا
كدا كيف
جنتل مان وقلبي حار ومابرضي الغلط خصوصا في الجوافيه بس ماعجبتني لانك ذكرتي فيها حيدر متذكراهو لشنو
ابتسمت وقالت ااي قصه