قصه كامله مشوقه

راسي عاينت لها انا ربيتك كدا ولا دا اجتهاد شخصي
رجعت لي ورا انتكلت في مقعد المركب بضحكه قالت انت المنهج دا مااديتنا له
قربت راسي منها ضړبته في جبتها وبقيت مقاصد عيونه وتاني نسيت شنو
امممم نسيت تعلمني اني لمن ازعل من حبيبي ماارجع له
وحبيبك زعلك في شنو !!
له كم يوم هاملني وشوفته مرتين العنود داخله عنده في البيت حمرت لي وقالت الجايبه لك شنو ولا هي بديل
ضحكته وقعدته جمبها متكل علي مقعد المركب وبعاين قدام علي المويه وقلت عنود زميله عمل لمن ماامشي بتجي تطمن علي وتجيب لي شغلي البيت
انت البنك دا حقك ولا شنو

امجد اخو احمد واسطه كبيره مابقدرو يسالوني
عشان كدا شغل واسطات يعني
لا يا ستي انا كمان انجازاتي كبيره 
ماعندك انجاز غير الخليجيه الماتصدق تجيك البيت دي 
انتي مراقباني يعني
ايواه مراقبه خېانتك وشفتها بتطلع منك بعد المغرب
جاتني لقتني محموم دايره تمشي من غير تعمل الواجب
الواجب دا شنو ماتكون حممتك
عرفتي كيف لسه نضيف صح
ټضرب فيني بكفت يدها ټضرب وټضرب
مسكت يدها خلاص 
ماخلاص ماخلاص البجيبها لك شنو مسكته يدها وسحبتها خليتها قصادي يابت قلت خلاص
بتجيك لشنو
اشتقت لعيونك الحمر ديل 
ماتجيك تاني عشان مااغلط معاها
واشتقت للغمازات ديل
كلمها ماتجيك انا ما بتحمل وجودكم في بيت ...ختيت مصبعي علي شفايفه وقلت هووس خليني اتاملك عشان الشوق قاټل 
لشنو لمن تزعل بتخلي شعرك كدا 
عشان ادس به ۏجعي
دا السبب الخلاك تربيه
هو اسي مربي يعني
معاك حق لا انت لا هو مربين
ضړبته علي خده انا مامربي
نهائي لو مربي بتمسكني كدا
معاك حق انا لو مربي كان دخلتك غرفه المركب 
في غرفه هنا يعني !!
لازم اكون في القبطان حينوم وين
هو المركب دا ماشي براهو ولا في زول سايقه
انتي مفتكراني خاطڤك وسارق المركب طبعا فيه زول كلمتة امجد اني حااتحرك به كلم لي القبطان
دايره اشوف غرفه التحكم نفسي اشوفهم غير في الافلام ماشفتهم
بعد شهرتك دي ماقادره تحققي احلامك الا احققها لك انا
طبعا انت مش الهيرو بتاعي قامت سحبتني ارح 
كابتن مرتي دي ماعاشت طفولته ممكن تتحملها
كلهن كدا يا استاذ
هناء انت سوداني
اكيد امجد ماحيامن مركبه علي واحد اجنبي
الكابتن ايواه سوداني من بورتسودان
هناء ممكن اسوق
ضحكنا الاتنين دايره تغرقينا صح
عاينت لي مرقرقه عيونه وقالبه شفايفه محمد دايره اسوق
هناء ماتفضحينا
قلت لك دايره اسوق قعدت علي ارض المركب ومربعه يدينها زي الشفع 
دا اسمو شنو
ماعارفه بسس
نزلته علي رجولي قعدته مقاصده حبيبتي امور الاطفال دي شنو المركب دا لو خسرتيه انا ابيع له قلبي
الكابتن قلبك خليه لها قومي يا بتي ماتزعلي نفسك تعالي اعلمك تعملي شنو
ياكابتن انت جادي 
طبعا السواقه ماصعبه تعالي لف الدفه ووراها كم زر تضغطهم من ضمنهم البوري حق الانذار حذرها منه لانه بجيب الشرطه البحريه وبعتبرو ازعاج سلطات لو مافي حالة طوراي وذر النور عاين لي شافني فاتح خشمي ومقلع عيوني زح منها وقف جمبي وقال شغاله القياده الاليه لا تقلق
ختيت يدي علي صدري وحمدت الله والله ياكابتن كنت بتشهد
ضحك وقال ماتزعلها خليها مفتكره نفسها سايقه ضحكته وقلت شكرا لك
غمز لي وقال ماتزعلها طلع فوق خلاني معاها في غرفه القياده قربت منها واقف وراها ومديت يدي مسكته المقود وقلت تعلميني زي ماعلموك اتلفتت علي وقالت مامتعلم يعني
رجعته جسمي لي ورا ويديني علي لوحه التحكم محاوطه ومدنقر فيها وقلت لا ماحصل دخلته هنا
يعني قاعد تجي
مع عنود كم مره
علي فكرة انا المتحكمه في المركب السيرة دي ممكن تخليني اقلبها
ضحكته وقلت خلاص ياغيورة جيت مع امجد واحمد ايام الاجازات نصتطاد
ختت يدينها علي دقني وقالت بتعرف تصطاد
دا سوال يتسال لي واحد مصطاد غزاله 
اممم اكيد ماقاصدني انا لانه الغزال طويل حضرتك قاصد منو
ضړبته جبهته بي راسي وبضحكه قلت والله العظيم مابحب غيرك
علي الوضعيه دي واقفين ساعه وهي مره تشاكلني من الغيره ومره تدلع علي ومره تضحك فيني مسكت شعري لمتو وقطعت من شعرها شعرايه ربطته بها وقالت كدا احلا
كشفتي شعرك قدامي يا حيوانه
انت حاضني جات علي الشعر
انا ماحاضنك انا واقف قريب منك
لا دا حضڼ
خلاص حضڼ لمي نفسك ضحكت واتلفت مني تكلت راسها علي وقالت ابيييت انا عاجبني الانحراف معاك
عدلته وقفتي مسكته علي وقلت الله يغفر لي امك حتقتلني بعد اليوم دا احسن اعيش لي دقايق حلوه معاك. 
غمضت عيونه مسكت يديني عليها وقالت انت حتسجنك وتقول استقليت بتي بس انا حتدفني جد جد
مابسمح احصل لك شي 
علي فكره يا محمد انا بحبك اكتر بي كتير مما تتخيل
وانا بحبك 
مرقت وقفت علي حافه المركب فتحت يدينها وقالت تعال نعمل تايتنك
هناء انزلي بتقعي وتمحنيني
خاېف ټتسجن
لا خاېف اتعدم السچن دا اساسا حااتسجنو اكيد امك فتحت فيني بلاغ قبيل مدته يدها جرتني وقالت ماتفكر في امي خلينا نعيش اللحظه مشيت عليها وقفته جمبها ماسك يدها شابك مصابعه مع مصابعي وبعاين جوا عيونه علي فكره عيونك دي السماهم بندقيه ماكضب
لشنو
قاتلات مجرد اعاين فيهم مابحس بنفسي
معناها الحمدلله والشكر لعيوني الخلتك تحبني
الحمدلله الدخل حبك جوا قلبي عشان اعيش كل السعاده دي
ابتسمت وهي بتعاين لي بتمني ربنا مااحرمني منك
قربته منها زحت ماشي مقرب تزح قربت تقع جريت يدها وخليتها علي الحافه
محمد ارفعني
قولي بحبك يامحمد
مابقولها ارفعني
خلاص خليك كدا
محمد عندي دوار البحر حنقع الاتنين
عشان كدا قوليها 
لا مابقولها غمضت عيونه وتصرخ راسي لفه والله
خلي العناد وقوليها 
ابييت هئئئئم. لزيته صړخت بحبك يا محمد بحبك والله جريته لعندي مسكت فيني ومغمضه عيونها 
دنقرته فيها وقلت بقت حضڼ وبحبك ماسكه في قميصي وخاېفه كل منك هظارك سخيف
معقوله اخليك تقعي يامجنونه خاېفه من شنو دا يدل علي عدم ثقتك فيني
انت مچنون انا مابضمنك 
اتصلت هند عاينته للتلفون مسكته بيدي ضاميها علي ورديت بيدي التانيه الو ياهند
محمد وديت البت وين انا قلت لك نص ساعه
خالتي سالت منها
سالت منها دي شنو خالتك ماشي القسم تبلغ فيك
تمام نحن جاين امسكيها
عليك الله يا محمد ماتخليها تعرف انه هناء كانت معاك
طيب كويس جريت هناء ومرقنا 
في شنو امي عرفتني معاك
لا ماعرفت بس متوقعه 
وحنعمل شنو
ارجعي البيت وقولي العربيه اتعطلت واضطريتي تمشي الورشه 
وحتصدق
ماضروري خليها تشك عشان تعرف انك بتحبيني 
خليت هند تشغلها جمب القسم مسافه رجعته هناء وودينا العربيه لعم عبدالقادر ومشيت شغلي جات راجعه كفتتها وتبكي قطعتي قلبي عليك حرام البتعمليه فيني دا.
المساء بتكلم معاها وبهدي فيها
خلاص ماتزعلي انا اسف علي الحصل
انت ذنبك شنو بس ماانا قعدته معاك برضاي
علي فكرة دا كان احلا يوم في حياتي
وانا كمان
شهر العسل حيكون في مركب ماداير اعتراض
اقنع امي ولو في راكوبه موافقه
امممم بتديني المهمه الصعبه صح
ضحكت ايواه مش بتحبني
بحبك بسس انا بهواك وبتحدا البقول انا لي مين غيرك حبيب اطمني
حافظ اغاني حب كتيره
بسببك حفظته لمن اشتاق لك بسمعها
كنت بتشتاق لي كتير
انا مابتمر علي ثانيه الا واشتاق لك فيها
اسي مشتاق لي
قبيل وانتي في حضڼي كنت مشتاق لك
انا كنت في يعني ...خالتي جات جرت التلفون بكرا تعال البيت دايراك
خالتي انا ...قفلت الخط رجعته فيه مقفول 
اتصلت لي هند 
امشي لي هناء امها بتكون شاكلته امشي لها وماتخليها براها وطمنيني عليها
رسلت لي بعد ساعه