قصه مشوقه

بسال نفسي ي ربي انا عملت شنو لمن يحصل معاي الكلام دا كلو و استغفر و ابكي لحدي م وصلنا البيت دخلت غرفتي و تميت بكاااي زين و هو جاب خروف قال عاوز يعمل كرامه بالمناسبه دي و اتصل شكلو لي ناس البيت لقيت ناس امي جوا و جاتني و دخلتها غرفتي و بقيت اشكي و ابكي ليها يمه انا عملته شنو يمه انا م عاوزه البيبي دا اتصرفي يمه انت مش جبتيني علي الحياة دي اتصرفي و اخوديني منها م قادرة اعيش انا حا بفكر اڼتحر و الله 

امي قالت لي ي بتي اعفي لي انا السبب و انا الجبتك الحياة دي بس ارضي بي الواقع و الله م بيدي شي و م بقدر اساعدك بي شي طالما ربنا رزقك البيبي دا اكيد عارفه انك بتقدرة و بتستحملي و حا تربي احسن تربيه و ابقي قريبه من ربك عسي و لعل يفرج همك و ترتاحي دنيا و اخره ي بتي و تكسبي الاجر ف الراجل دا دهو شوفي حالتي مع ابوك لي معاهو 20 سنه و صابره و ساكته لمن كملته الصبر ي بتي مافي حل غير كدا و سكتنه جاء ابراهيم قال ليها شنو ي نسيبتي يوووخ م بتباركي لي نسيبك البيبي الجاي قالت لي الف مبروك و طلعت ابراهيم قال لي انت عشان حامل حا اغير معاملتي معاك و بس عشان الولد الفي بطنك لكن ايااااك تزهجيني و الا برجع بضړبك زي زماااان مفهوم هزيت لي راسي و قلت لي تمام قال لي اطلعي عملنه لي الكرام و ف عادات حا نعملها ليك اسي و ابوك و اخوانك برا عاوزين يثلمو و يباركو عليك غيري ملامحك دي و حاولي اتونسي مع الناس م تحرجيني مفهوم و طلعنا اول م طلعنا شوفت اخواني ابوي سلم علي و قال لي شوفتي انا عارف مصلحتك كيف اسي م دهو مبسوطه و قاعده ف بيتك مرتاحه و ماكله و شاربه انا دموعي جرت هو م عارف البي و م حاسي م عارف انا ماره بي شنو حسبي الله و نعم الوكيل بس عاينت لي اخواني عيني وقعت ف عين محمد اخووي و شايفه دموعو جرت قشيت لي دموعو و قلت لي م تبكي ي اخوووي و الله عارفه م بيدك شي و لا يهمك ايااام و بتعدي و اختك صابره قال لي اعفي لي ي ريري و ضماني علي شديييد و سلمت علي احمد و قعدنا نتونس و بدو يسالوني عن حالي
قلت ليهم كويسه سالوني قالو لي قاعد يشاكلك و يضربك قلت ليهم لاااا م قاعد يضربني الحمدلله و يعاينو لي و شايفين الكذب ف عيوني بس يعملو شنو غير يسكتو علي كدا عملو عاداتهم دي و الناس طلعت ماما و ناس محمد قالو لي ماشين قلت ليهم اقعدو اتونسو نع شويه و لا بيتو ابراهيم جاء قال لي الزمن فات و الناس عاوزه تنوم خليهم يمشو و يبيتو وين كن سالتك دا بيتك لمن بتعزمي سكت و دموعي جرت محمد اخووي مسك ابراهيم من لايقتو و قال لي احترم نفسك مع اختي عشان م اخسرك ابووي جاء جرا محمد من ابراهيم و اداء كف قال لي راجل و مرتو مالك و مالهم محمد قال لي دي اخوتي ابراهيم قال لي اختك و اشتريتها من ابوك انا و اختك دي عندي زي السلعة م اكتر و تاني م حا تشوف اختك و لا حتي تدخل بيتي مسكت محمد و قلت لي امشي ي اخووي ديل عالم م بترحم و مافي حل تاني غير نسكت و نتحسبن محمد طلع و و امي و احمد لحقو ابوي قال لي معليش ي ابراهيم دا ولد طايش م تشتغل بي كتير و البت الفقور دي ااي شي بتعملو حاسبها علي و م تفوت ليها و لا غلط و ابراهيم قال لي م بتوصيني و طلع و انا دموعي تجرى دا المفروض يكون سندي ي ربي دا ابوي حسبي الله و نعم الوكيل ابراهيم دخل الغرفه و خلاني ببكي جات ريم و ريناد حضنوني و قالو لي ريل انت المصبرك علي الذل دا شنو اطلعي شوفي حياتك قلت ليهم اطلع وين و امشي لي منو م عندي سند اتكل علي و لا زول بقيف معاااي امي و انتو شايفين مغلوب علي امرهم و اخواني و ابوي اريتو لا ابوي و لا بقربني و حسبي الله و نعم الوكيل و دخلت صليت و دعيت و قريت قران كا العاده و نومته 
مرت الايام و الشهور و الحمدلله وضعت و جبت ولد زي العثل و فرحت بي شدييد