همسات من عوالم مجهولة
انت في الصفحة 5 من 5 صفحات
جدا مشي في جنازته.. كان محبوب الله يرحمه.
مقدرتش اكمل للشيخ ولا استحمل اكتر من كدا قمت معيطه وانا بكلم الشيخ عيطت بحړقة لاني افتقدته اوي .. افتقدته خصوصا بعد اللي شوفته من بعده من خناقة اخواته لبعض ومع امهم في عزاه من ضړب عم ادم وابنه اللي كان يوم من الايام صاحبه ليه من كسر محل الموتوسيكلات من اخو بدير من كتير اوي .. لدرجة ان امهم فضلت اسبوعين بحالهم تدعي عليهم بالليل والنهار وكان تعبها زاد جدا وكانت كل يوم بالليل اسمعها تنادي على بدير وتقوله تعالى يا حبيبي .. انت واحشتني اوي.
عارفين .. حماتي جالها زهايمر قبل مۏت بدير بسنة لكن ده ممنعهاش انها حست بمۏته وكرهها لولادها الاتنين وكله كوم ولما تعبت ووديناها المستشفى وفضلت تنادي عليا باسمي كوم تاني الدكتور اللي متابع حالتها من البداية استغرب ازاي عندها زهايمر وعارفاني بالاسم قولتله
وبعد مۏت بدير ب٤ شهور ماټت حماتي هي كمان وكأن روحهم ارتبطت ببعض حياة ومۏت واخر حاجة قالتها قبل ما ټموت راضية عنك يا بدير .. وانتي كمان يا حنان .
في الوقت ده بنتها الصغيرة اللي هي كمان رمتها كانت واقفة قدامها بس مكنتش شايفه غيري ومكنتش بتنادي غير عليا.. وده كان مضايق بنتها جدا.
راحت هي وبدير واخواتي التلاتة وسابوني وسط عقارب وتعابين ماشية بستر ربنا.. وراضية والله وعارفه ان ربنا هيعوضني خير على صبري ده.
اما انا كنت مواظية على الصلاة وخصوصا صلاة الفجر بس اجي اصلي مقدرش اقف خالص ولو قدرت ووقفت الاقي ډم بينزل مني يبطل صلاتي .. شهور على ده الحال .
حكيت كل ده للشيخ وبعدها سكت عرف ان حكايتي خلصت.. قالي بهدوء
_ انتي وابنك وبنتك معمولكوا عمل سفلي ده شيء واضح .. سحر مشروب او مرشوش .. لما قولتيلي هتفهم موضوع مراة اخو جوزك لما كانت بتدور في الاوض انا فهمت .. كانت عايز اي أطر ليكم .. والواضح ان السحر كان من زمان .. عليكي بالمواظبة على الصلاة في ميعادها وتقرأي اذكار الصباح والمساء وياريت لو تحفظيها .. اقرأي قرءان على ماية واشربيها .. وعلى ماية واستحمي منها بس الماية ماتنزلش على ارضية الحمام .. يستحسن يكون تحتيكي طشت كبير الماية تنزل فيه.. انتي وولادك .. اما اللي انتي فيه ده فنعمة كبيرة يا بنتي مش هتقدري تشوفيها دلوقتي .. انتي بتربي يتامى .. لازم ادم ابنك يحس بالمسؤولية شوية لانه العائل الوحيد ليكم.. اما اللي عملتلك العمل فأعلمي ان ربنا مش هيسيبها .. توكلي على الحي القيوم وواظبي على اللي قولتلك عليه وانتي هتبقي كويسة بإذن المولى .. وانا موجود في اي وقت .. ويستحسن تكلميني تاني بعد اسبوع.
اللي قولتله عليه .. ادعولي .. انا حرفيا عايشة وسط تعابين ومحدش فينا رايد لنا الخير .
اخر كلامي واللي هختم بيه هقول فيهم حسبي الله ونعم الوكيل فيهم .
تمت .
ماتنسوش تدوسوا لايك وكومنت تقولولي فيه رأيكم.