العشق قصه كامله

وقعدت أنا في البيت حزينة فكرت كتير اسمع كلام فارس ونتطلق بس حماتي مسمحتش بكده قعدت تزن علي دماغي اني أحق بفارس واني أنا اللي هقدر اجيبله الابن اللي نفسه فيه ...حاولت كتير اعارضها بس هي عرفت تقنعني ...عرفت تقنعني أن مروة متستحقش فارس ابنها واني احسن من مروة بكتير ...اقنعتني أن مروة واحدة مش كويسة واخدة حقي وانا سمعتلها 

مرت تلات ايام ورجع فارس ومروة وكانت حماتي خلاص كرهتني في مروة...كان باين أنهم مبسوطين اووي ...هما فرحانين وانا حزينة عشان كده قررت أنا اكون سعيدة كمان ده من حقي صح ...قررت اسمع كلام حماتي واعمل اللي قالتلي عليه
جالي فارس بالليل كنت نومت مراد بدري  ...قلبي كان بيدق جامد اول ما شافني اتوتر وقال
هجيلك وقت تاني 
بس قولت 
لا وقت تاني ايه نتكلم ونخلص كل حاجة دلوقتي ...
حط عينيه في الأرض وقال وهو بيناولني ورقة وقال
ده حقك في ورث اخويا الله يرحمه ...والشيك ده يبقي المؤخر ...بكرة نروح المأذون ونطلق. ..
ابتسمت وانا بقول 
طب اشرب العصير ميصحش كده ..
اتوتر وشرب العصير وبعدين قام بسرعة وقال
هعدي عليكي بكرة عشان ... 
قولت 
خليك معايا النهاردة .. حسيت أنه بدأ يدوخ وبعدين.
تاني يوم 
صحي فارس من النوم مڤزوع لما لاقاني جمبه ...
بعد ما مشي فتحت عيني وابتسمت بسعادة كنت فرحانة اووي أن اخيرا اخدت حقي من جوزي
كنت فين يا فارس 
قالتها مروة بشك وعيونها مدمعة 
اتوتر فارس وقال
نمت عند امي تحت اسف يا حبيبتي 
بجد مبتكذبش عليا 
بجد يا حبيبتي 
قالها فارس وهو بيفكر في الورطة اللي وقع فيها ...
بعدها فارس بعد عني نهائيا وبطل يجيلي مكنتش عارفة ايه مصيري معاه ...افتكرت أن بعد اللي حصل هيحن بس العكس حصل تماما لحد في يوم قررت اواجهه...كان هو ومروة قاعدين مع حماتي في الصالون قربت منهم وانا ماسكة اوراق وقولت وانا عاملة نفسي مكسوفة
انا حامل !!
انتي كدابة 
قامت مروة وصړخت وهي پتبكي ...ابتسمت حماتي بخبث فقام فارس بتوتر ومعرفش يقول ايه ...
التحاليل اهي 
قولتها وانا بوريها التحاليل 
مسكت التحاليل وقعدت تبص فيها وهي بټعيط ...رمتها علي الارض ومسكت فارس وقالت
دي كدابة صح ...قول يا فارس ...
اڼهيارها اثر فيا وحسيت قد ايه انا واحدة مش كويسه بس حبي ليه عماني ...كلام حماتي اثر علي عقلي واقنعني أن فارس يبقي من حقي أنا بس ...
مروة كانت لسه بتصرخ في فارس أنه يتكلم وهي پتبكي ...رغم كل حاجة كانت متمسكة بكلمته هو بس 
انطق يا فارس انت وعدتني  ايه اللي حصل ...
قامت حماتي وقالت لمروة ببرود
وليه إن شاء الله دي مراته زيها زيك ....انتي فاكرة نفسك ايه ...ده انتي حتة عيل معرفتيش تجيبيه واحنا مستحملين قرفك ما تتلمي وتحترمي نفسك يا حلوة ومتعمليش فيها المظلومة...مايا مراته زيك ومش من حقك تمنعيه عنها ...
جريت مروة علي شقتها فبصلي فارس بحزن وبص لأمه وقال
بتمني انك تكوني مبسوطة انك خربتى بيت وحياة ابنك يا ماما ...افرحي لاني دلوقتي بقيت تعيس ...
وبعدين طلع وسابنا ....كنت مصډومة من النظرة اللي في عينيه..كان كأنه ماټ فعلا ...اتكسر...وساعتها عرفت اني اتماديت ....حسيت اني صغرت قدام نفسي ....ياربي انا ايه اللي عملته وازاي عملت كده ..
.......
جري فارس ولقي مروة بتلم هدومها ...مسك ايديها وقال
انتي عارفة أنها كذابة ..
زقته مروة وقالت
عارفة انها مش حامل بس كونها تقول الكلام