قصه مشوقه
استاذ وطلقني ونفضها سيرة ...
خطيبتي !
قالها عمر پصدمة فكملت وانا بعيط
ايوة خطيبتك منال ...اللي ناوي تتجوزها عشان تخلفلك العيل اللي انت عايزه ...روح عندها يالا جاي هنا ليه ..
يا مچنونة يا بنت المجانين بتقولي ايه !
زعق فيا عمر فضړبته امي علي كتفه وقالت
لم لسانك ...
لا مؤاخذة يا حماتي بس بنتك هطير برج من نافوخي انا نفسي اعرف مين الاهبل اللي قالي هتجوز عليكي!
ما تلمي نفسك يا بت !
والله الست والدتك هي اللي قالت كده ...دي كانت جايبة منال وبتزغرط وبتقولي اعرفك علي ضرتك ....
سكت عمر شوية وقال
معلش يا حماتي ممكن تسيبينا نتكلم شوية ...
حاضر يا بني ...
وطلعت امي ...قعد عمر جمبي وشدني ليه وقال
اسف ...اسف علي كل حاجة امي عملتها فيكي ...أنا عارف انك اتنازلتي عشاني كتير وفي الاخر برضه عاملتك بالطريقة دي ....بس دي امي ...امي اللي ليها فضل عليا مقدرش ازعلها ولا اټخانق معاها وكلام اني هتجوز منال ده كدب ...طب ما هي قدامي طول عمري متجوزتهاش ليه! بس طبعا مقدرش اټخانق مع امي بسبب كده ...
يعني هيبقي حقي مهدور عارفه أن ليها مكانة كبيرة ...طب وانا يا عمر اتظلم واسكت ..
باس راسي وقال
لا يا حبيبي انا هتصرف ....
قام عمر بسرعة ومشي وسابني مش فاهمة هو قصده ايه ...
........
في بيت والدة عمر ...
كانت قاعدة والدة عمر علي الانترية وهي حاسة بتوتر
بصتله والدته وقالت
ايه السنيورة مراتك سخنتك عليا. بقيت تكرهني ...
ابتسم عمر وباس رأسها وقال
ما عاش ولا كان اللي يكرهني فيكي يا امي ...انتي اغلي حاجة في حياتي ...ومكانتك عندي عظيمة ...انتي اقرب ما ليا ...ومهما تأذيني هفضل احبك ...
بصتله وقالت بۏجع
انا اذيتك يا عمر !!
هز عمر رأسه وقال
سكتت والدته فقال هو
انا وعدت بيان اني هتصرف عشان كده قررت مدام انتي مش قادرة تحبيها أنا هأجر بيت برا ...
لا يا ابني أنا مقدرش ابعد عنك....
مسك ايديها وقال
انا مش هبعد يا امي هجيلك كل يوم وتيجلي وتزوريني ...بس انا مش هظلم مراتي كمان ...البعد احسن في الحالة دي ...
مسح دموعها وقال
البعد احسن في الحالة دي عشان مجيش عليكي ولا عليها ولازم تعرفي انك هتفضلي التالي دايما علي قلبي واني هفضل اجيلك علطول لحد ما تزهقي مني...
بعدين حضنها جامد وقال
سامحيني ...ابوس ايديكي سامحيني بس بيان جات
