قصه كامله

كويس
محمود يا حبيبتي طالما انتي اخترتيه لازم يكون كويس طول عمرك عاقله وبتوزني امورك صح وعمري ما شكيت في اختياراتك قبل كده
ليلي يعني انت عارف اهوه اني بختار صح واني مش متهوره وعاقله
محمود ايوه يا بنتي عارف ده... قلقتيني بقي علي العموم لو هو فقير يعني عادي ما احنا ناس عاديين وعلي قد حالنا وعمري ما حكمت علي حد بفقره او غناه
ليلي مش حكايه غني وفقير لأ
محمود وبعدين بقي قولي بقي هو مين ومتحيرنيش معاكي
ليلي هو يبقي يبقي يبقي..
محمود متنطقي يا بنتي
ليلي يبقي ادهم صبري ظابط المخابرات اللي هنا في البلد
وهنا بقي ابوها............

ليلي قالت لابوها ان ادهم هو العريس المنتظر واستنت رد فعل ابوها
لحظه طويله من الصمت عدت زي ما يكون ابوها مش مستوعب كلامها واخيرا قدر ينطق
عم محمود افندم انتي قلتي مين
ليلي حضرتك سمعتني كويس
محمود لا ما سمعتش!! لان ما ينفعش اسمع ده
ما ينفعش بنتي العاقله الرزينه تكون اټجننت
علي صوته جدا في اخر كلمه وبدا جنونه يطلع عليها
محمود ادهم مين ده هاه المشوه المسخ طيب تيجي ازاي دي طب نعقلها ازاي انتي اټجننتي
ليلي ايه عيبه
محمود ايه عيبه انتي فعلا اټجننتي او اتعميتي لكن استحاله تكوني طبيعيه
ليلي اټجننت لمجرد اني عرفته كانسان ومحكمتش زيكم علي شكله
محمود ايوه اټجننتي واټجننتي رسمي كمان
تعرفي ايه عنه مين هو جاي منين ايه اللي شوهه كده هاه ردي
ليلي كانت تعرف كل حاجه عن ادهم بس متقدرش تقول لابوها اي حاجه
ليلي اللي اعرفه عنه مكفيني
محمود مكفيكي اممم مكفيكي طيب بما انك بقيتي مجنونه رسمي فمعدش ليكي اي حق تاخدي قرار بنفسك
من هنا ورايح مفيش خروج من البيت ابدا
والبني ادم ده انا هعرف اوقفه ازاي عند حده
ليلي قصدك ايه بابا استني اسمعني
جريت ورا ابوها وهو خارج
محمود سمعت جنون كفايه
ليلي انا بحبه اسمعني
محمود بكره تفوقي من وهمك ده
زقها بعيد لما حاولت توقفه وسابها وخرج
وهي فضلت ټعيط وفهمت قصد ادهم لما قالها انه كان نفسه بس حلمه يطول شويه وعرفت ان الطريق هيكون طويل ان مكنش مستحيل
عم محمود خرج زي المچنون عايز بس يطول رقبه ادهم ونفسه لو 
خرج مش شايف قدامه وقابل مدير الشرطه والعمده كانو جايين عنده بس سابهم ومشي في وشهه وهما نادو عليه مردش
ومشيوا وراه لما لقوه رايح ناحيه مكان ادهم وعرفو ان في حاجه حصلت
حاولو يهدوه بس مكنش بيرد عليهم لحد ما وصل وهناك زي المچنون بينادي علي ادهم
محمود ادهم ادهم اخرج هنا اخرج لو كنت راجل
ادهم اول ما سمع صوته غمض عنيه لانه كان مستني مجيته دي بس مش بالسرعه دي
كان عنده امل ان ليلي تستني شويه او يشوفها مره تانيه حتي.. بس كل اماله اڼهارت وعرف ان ده وقت الصحيان من الحلم
قام وخرج واول ما خرج ھجم عليه محمود ومسكه من هدومه وبدا يزعق ويهز فيه وادهم ساكت تماما ومستسلم نهائي
محمود انت اټجننت اكيد طبعا اټجننت ولا نسيت نفسك ولا ايه بالظبط هاه! انت مين انت علشان تبص لبنتي هاه انت ابليس نفسه يستعيذ منك عايز تبص لملاك زي بنتي انت ايه
العمده والمدير بيحاولو يبعدوه عنه واخيرا قدرو يشدوه
المدير اهدي يا عم محمود الكلام مش كده
محمود وهو خلي فيها كلام
العمده صلي علي النبي كده واهدي وفهمنا في ايه لده كله
محمود عليه الصلاة والسلام... المچنون ده بيبص لبنتي
العمده يعني ايه يبصلها
محمود يعني اټجنن وعايز يتجوزها
كلهم سكتوا واتصدموا وادهم واقف وساكت مش بيتكلم او يرد
العمده ايه يتجوز ليلي بنتك
الكل استكترها عليه زي ما تكون چريمه انه بص لوحده وعايز يتجوزها
محمود ايوه شفت الجنان المسخ ده عايز يرتبط ببنتي انا بليلي اللي تلات اربع شباب البلد هيتجننوا عليها في الاخر المسخ ده عايزها شوفتو بقي يبقي من حقي  كمان ولا لأ
المدير اهدي يا عم محمود اهدي... سياده المقدم هو الكلام ده صح
ادهم ...........
عم محمود ايوه صح وانت لسه مستنيه يتكلم هيقول ايه
ادهم ايه الغلط اللي ارتكبته مضايق حضرتك قوي كده اني حبيت بنتك
عم محمود اخرس... اوعي تتكلم عن بنتي.. اوعي اسمها يجي علي لسانك ولا حتي طيفها يجي في خيالك نجوم السما اقربلك منها انت فاهم
أدهم وليه
محمود ليه! انت بتسال ليه انت مين انت مين اصلك وفصلك ولا علشان ظابط فاكرنا هنخاف انت نسيت نفسك بص لنفسك في مرايه وانت تشوف نفسك علي حقيقتك لاحسن تكون نسيت شكلك
ادهم منسيتش شكلي ولا حاجه بس من امتي بيتحكم علي الراجل بشكله انت متعرفنيش
محمود ولا عايز اعرفك ولا عايز اشوف وشك المشوه ده في البلد دي كلها ما بالك ببيتي
المدير مقدم ادهم حضرتك جيت البلد دي لمهمه معينه لو سمحت التزم بيها انت مش جاي هنا تحب
محمود يغور بره البلد كلها
المدير يكمل مهمته اللي جايلها الاول
سياده المقدم احنا هنا معندناش بنات في البلد