الفصل/36/35/34 بقلم فريده احمد

من بكرة اخليه يطلقك 
زهرة مسحت دموعها الزاي هتعملي ايه 
هيام هرفعلك الخلع وهو اكيد هيخاف علي شكلو ومش هيبقي قدامه حل غير انو يطلق
زهرة من غير تفكير قالت لا
هيام باستغراب لا ايه
زهرة بصتلها انا مش هقدر اعمل فيه كده 
هيام الزاي مش انتي بنفسك هددتيه ترفعي عليه خلع
زهرة ايوا بس كنت بهددو بس لكن انا مش هقدر اعمل كده بجد
هيام خاېفة قولتلك مټخافيش منو 
زهرة مش خاېفة منو
هيام امال ايه
زهرة بدموع انا بحبو ومش هقدر اعمل فيه كده
هيام بتحبيه!! 
زهرة بدموع هزت راسها
هيام وهي بتمشي ايدها علي شعرها بحنية طب ليه عاوزة تطلقي مادام بتحبيه
زهرة بدموع علشان خاېفة 
هيام من ايه ياحبيبتي 
زهرة خاېفة يخذلني انا مش واثقة فيه ومش ضمناه حمزة خاني قبل كده لو خاني تاني مش هستحمل انا خاېفة اديلو الامان يخوني تاني
هيام بس اللي عرفتو انو كان متجوز قبلك يعني مش خېانة وكمان طلقها علشانك يعني معناه انو فعلا بيحبك وعاوزك
زهرة مش بتكلم علي جوازو حمزة زمان خاني وانا معاه كان دايما بيخوني وبيعرف بنات 
اتجمعت الدموع في عنيها وقالت بصعوبة ك كان بيجيبهم الشقة كنت بشوفهم وهما خارجين من عندو وفي الاخر كان بيقولي بحبك انتي طب بيحبني الزاي وبيخوني 
وهي بټعيط انا مش قادرة اصدقه حتي لو اتغير مش قادرة
هيام حضنتها بحزن عليها مفيش راجل يستاهل دموعك لو مش عاوزة تكملي متكمليش يازهرة مفيش حد هيقدر يغصبك
عند ليلي 
ليلي واقفة في بلكونة اوضتها وهي بتبص علي رحيم اللي واقف تحت جمب عربيته وهو مشغول بيتكلم في التليفون
ليلي كانت بتبص عليه بدموع وحزن 
دخلت امينة تشوفها ليلي ياحبيبتي منزلتيش تتعشي ل  
وقطعت كلامها لما شافتها بتبص عليه 
امينة اتنهدت بحزن عليها انتي كويسة ياقلب امك
ليلي مسحت دموعها وهي بتلف وتدخل جوا ايوا ياماما 
امينة بزعل عليها هقول ايه بس زي ماوجع قلبك كده
ربنا يوجع قل  
ليلي قاطعتها لا ياماما متدعيش عليه هو معملش فيا حاجة وحشه ولا عاملني مرة وحش ولا زعلني هو بس محبنيش ودي حاجة ملوش ذنب فيها هو قلبه مش ملكه
انا اللي تعبت قلبي يوم ما وافقت اتجوزه وانا عارفة ان قلبه مع واحدة تانية لكن هو مخدعنيش وصدقيني انا مش زعلانة من رحيم 
امينة ربنا يكملك بعقلك ويراضيكي ياحبيبتي  
سككت وبعدين كملت بخزي تعرفي ياليلي ان كلامك اثر فيا اخر مرة انا فعلا كنت عاوزة اخرب حيات اخوكي ومراتو بس لما شوفت حزنك حسيت ان ربنا بيعاقبني فيكي بس انا دلوقتي بقيت بتمني ربنا يصلح مابينهم ويرجعو لبعض
ليلي ان شاء الله هيرجعو وحمل زهرة ده جي في وقتو اكيد هو اللي هيقربهم من بعض 
امينة ابتسمت متتخيليش بعد ماعرفت بموضوع حملها ده فرحت الزاي مستنية حفيدي بفارغ الصبر من زمان وانا نفسي اشوف ولاد حمزة
تاني يوم عند هيام في فيلتها 
كانت زهرة نايمة علي السرير وهيام جمبها بتحسس علي شعرها بحب 
فتحت زهرة عنيها بنوم
هيام صباح الخير ياحبيبتي 
زهرة وهي بتتعدل صباح النور
هيام ها احسن دلوقتي
زهرة هزت راسها بهدوء
هيام باستها علي راسها وقامت يلا قومي خدي دش علي بال مااخليهم يحضرو الفطار
بعد شوية زهرة كانت قاعدة في حضڼ هيام اللي بتأكلها 
زهرة مش قادرة شبعت 
هيام طيب دي بس علشان اللي في بطنك
زهرة بصتلها وسكتت بحزن
هيام اتنهدت حبيبتي دا خير مينفعش تعترضي عليه واللي كنتي هتعمليه ده غلط وحرام احمدي ربنا انهم لحقوكي لانك كنتي هتندمي صدقيني 
زهرة دموعها نزلت وهي بتحط ايدها علي بطنها وقالت بسرعة لا انا خلاص مش عاوزة انزله انا زعلانة اني كنت هعمل كده انا والله ندمانة مش عارفة الزاي كنت هعمل كده 
كملت بتعب انا حاسة اني متلخبطة ومكنتش في وعيي مش عارفة عملت كدة الزاي مش عارفة بس انا ندمت والله ياماما 
بصتلها وهي بتقول پخوف ه هو ربنا مش هيسامحني صح 
وهي خاېفة من عقاپ ربنا ودموعها بتنزل اكتر بندم
هيام خدتها في حضنها مين قال كده ربنا كبير وبيسامح استغفري ربنا واكيد هيسامحك ياحبيبتي 
زهرة مسحت دموعها وقالت انا هقوم اصلي واستفغر ربنا يمكن يسامحني
هيام هيسامحك ياحبيبتي
و بعد يومين قضتهم زهرة مع مامتها 
زهرة خارجة من الجامعة لاقت حمزة مستنيها 
حمزة ممكن نتكلم 
زهرة بهدوء