غيره الفهد الفصل الاخير

بقلم...زهرة الربيع
بس قطع جملتو وكأنو حد فكرو بالي حصل بعد ما فاق من دوامة شوقو ليها ودفعها پغضب ومسك دراعها بحركه سريعه لفو ورا ضهرها وقال..انتي بتهربي مني يا كنوز...رايحه تتجوزي من ورايا...طب ان ما جبتو ابن طلبه وعملتو شاورما مبقاش انا

كنوز اتألمت من مسكتو بس ضحكت وقالت...هربت اه علشان اتجوز..كنت فاكره هبقى مرتاحه لما اخلص من جنانك ...بس خفت ..خۏفت اوي من غيرك ..الفهد الي كان بيحميني مش معايا..وانا مقدرش اعيش من غيره

فهد  ساب ايدها ومقدرش يكمل وكنوز بصتلو بدموع وقالت...فيه حاجه..انت عملتها كتير قبل كده وكانت بتهديني لما ابقى مدايقه منك..هجربها علشان تهدى بس انا يدوب هجرب يعني مبتدأه فمتضحكش عليا

فهد بصلها باستغراب مكانش فاهم بتقول ايه بس فاجأتو 

فهد كان هيتجنن ومش مصدق الي بتعملوه وقال..انتي كده بتهديني ...انتي كده بتجننيني اكتر ..

الناس كانت نازله وطالعه تبص عليهم وفيه واحد عدى من جمبهم قال بوقاحه..يسهلو يا عم

فهد سابها في ثواني وركلو برجلو بكل قوتو وقع على الارض الشاب جري بسرعه  وړعب وهو بيقول..والله ما خدت بالي انك انت  يا فهد باشا والله

كنوز ضحكت من قلبها وقالت..يلا نطلع كفايه فضايح..و زمان حماتي قلقانه علينا

فهد ابتسم ورفع حاجبو وقال ..حماتك

كنوز ابتسمت بكسوف وقالت ...اممم .هيه مش حماتي ولا ايه

كنوز ضحكت وقالت...يومين اتنين عايزنا نتجوز بعد يومين

فهد ابتسم وهو بيبصلها بحب وقال..وهستناهم بالعافيه...عايزك على اسمي عايز ابقى مطمن.. نفسي قلبي يرتاح من الخۏف ..مش عايز افضل خاېف لحد ياخدك مني ..بقيت اقوم في نص الليل اجي اشوفك موجوده في اوضتك ولا لا..خاېف من اليوم الي ممكن متكونيش معايا فيه

كنوز ابتسمت وقالت بحب..انا مكنتش اعرف انك بتحبني قوي كده يا فهد ده الحب الي طول عمري بتمناه ياريتك اتكلمت من زمان

فهد ابتسم وقال..معاكي حق كان لازم اتكلم من زمان..كنت على الاقل حجزت قلبك قبل غيري

كنوز ابتسمت بحب وقالت...مش مهم...اديك حجزتو  واخدت سويت كامل فيه

وبص في عيونها الي بيعشقهم  وقال..تؤ ميكفنيش...انا عايزو كلو ليا..وانا اخد راحتي فيه..ومحدش يفكر يعدي من جمبو

كنوز ابتسمت وقالت ..هو خلاص بقى ليك يا فهد ومستحيل حد يقدر يعوضك بالنسبالي

فهد كان طاير من السعاده وقال...يعني مش هتقولي عني مچنون وغيور

كنوز ابتسمت قدام عيونه الي بيلمعو بحبها وقالت...لا هقول عليك غيور...وانا عشقت غيرتك انا مبسوطه انك مش بتقدر تشوف حد غيرك معايا هيه اي نعم غيره هوبا شويه بس انا متعوده عليها

فهد ضحك وقال..لازم تبقى هوبا..غيرة الفهد غير اي غيره 
ابتسمتو وقالت...وانا عشقت غيرة الفهد ❤

قمراتي الغالين كنتم مع.. غيرة الفهد.. بقلم زهرة الربيع .اتمنى اعرف رأيكم يا غوالي وانتظروني الليله مع قصه تانيه لابطال تانين هتعشقوهم..و متنسونيش بتفاعل قمر زيكم ومشاركه للمنشور زهرتكم تحييكم 🌹 ودمتم في امان الله مع من تحبون🥰❤