ورطه عشق بقلم زهره الربيع

غير منصور كزلك وعبده كفته
براء ضحك جامد وقال...ليه بس مالها الكفته هتكليها ببلاش
عشق ضحكت وقالت...انا مستعده اكل عيش حاف بس الاقي حد جدع يشيل عني حمل الدنيا
براء بصلها بابتسامه جميله وتاه في عيونها وعشق كمان كانت مبتسمه وقلبها بيدق بس خدت بالها واتكسفت وقالت بارتباك ..احم...عن اذنك انا لازم انام بدري علشان هصحى متأخر تصبح على خير
براء ضحك على توترها وفضل باصص لطيفها بابتسامه جميله وراح نام هو كمان
في صباح يوم جديد براء كان نايم في الصاله وصحي على صوت صويت وزعيق قام مڤزوع وكانت نور بتروق البيت ولا كانها سامعه حاجه..قال هو فيه ايه... ايه الصويت ده

نور قالت بلا مبالاه..لا متشغلش بالك دي نور نزلت تجيب الفطار هيه كل يوم كده
براء قام بسرعه وبص من حته صغيره من الشباك واتفاجأ بيها قالعه الشبشب وبتقول...والله لو ما حليت عن سمايا يا ابن العداده لاخلي الي ما يشتري يتفرج عليك يا بياع الكفته المضړوبه يا مقيح
عبده قال..يا بت انا بحبك فيها ايه يعني لو تتجوزيني ده انا ههنيكي واكلك كفته
عشق قالت بزهق..ياض انا مفطرتش على الصبح ابعد من وشي بدال ما اعملك انت شخصيا كفته
براء بص لنور بزهول وقال...ده شكلو بيعاكسها انا هنزلو
نور قالت ...لا تنزل لمين هو كل يوم كده متشغلش بالك انت
براء قال پغضب..مشغلش بالي ازاي ده واحد قليل ادب وعايز يتربي..قال كده ونزل بسرعه ونور بقت تنادي عليه بس مسمعهاش
براء اول ما نزل الشارع اتقدم عليهم پغضب وقال بزعيق..فيه ايه يلا مالك بيها ..ومسكو من قميصه پغضب
عشق استغربت انو نزل ...وعبده قال...ايه ده ايه ده مين ده يا عشق..ما انتي مطرياها اهوه امال ليه بتيجي عندي وتنشف
عشق بصتلو بقرف وقالت..كل خضار كتير يا اخويا علشان متنشفش كتير ...ويلا غور من وشي ده ابن عمي جاي يزورنا
براء وقفو پغضب وقال..مشوفش وشك على بعد عشرة كيلو من بيتها يلا غور
عبده مشي وهو بيقول..ماشي يا عشق ماشي
عشق بصتلو وابتسمت وقالت...نزلت ليه..انا بعرف اوقفو عند حدو
براء قال بضيق...اصلا غلط تنزلي الشارع كده لوحدك في عقول مريضه متعرفيش بتفكر ازاي
عشق ابتسمت وقالت..على العموم ...تسلم
براء ابتين وقال..طب يلا اطلعي وبطلي مرقعه
عشق ضحكت وقالت..مرقعه ماشي..براء مشي وراها وقال..هو انتي لبسك كلو ضيق كده يا بت..ما عندهم حق الصراحه
عشق بصتلو بطرف عينها وتبسمت بفرحه وكسوف وجريت على البيت وهيه مبسوطه بيه جدا
براء اتنهد من جمال ابتسامتها وبقى باصص عليها من بعيد بس فاق على صوت تليفونو واول ما شاف المتصل اختفت ابتسامتو تدريجيا وفتح وقال..ايوه يا باشا
وسمعو شويه وقال.. لا حضرتك لسه ممشيوش هيسافرو بكره بالليل
وسمعو شويه وقال..لا طبعا اكيد هبلغ حضرتك قبل ما يمشو بساعتين تلاته علشان تلحق تيجي تاخد ابنك
قال كده وقفل معاه واتنهد بحزن وقال..سامحيني يا عشق
تاني يوم كانو بيجهزو الشنط وكل حاجه تمام عشق بصت لبراء بابتسامه وقالت...انا مش عارفه اشكرك ازاي
براء ابتسم بالعافيه وقال...عادي يا عشق انا معملتش حاجه
عشق ابتسمت وقالت...ازاي ده انت وقفت معانا في وقت مكانش معانا حد خالص...انا مش عارفه اشكرك ازاي
براء اتنهد وقال...انا...انا كان نفسي اساعدكم بجد
عشق ابتسمت وقالت..بس انت ساعدتنا كتير..احنا من بكره يمكن منشوفش بعض تاني...وانا...انا بنت طول عمري بمشي بمزاجي..وبعمل الي بيقولو قلبي..حتى لو غلط...بس لازم لما يأمرني قلبي انفذ
براء قال باستغراب... مش فاهم ...قصدك ايه
عشق ابتسمت وقالت...قصدي اني من وقت ماشوفتك وانا..انا حابه كل ثانيه معاك..يمكن غلط اقولك كده وطبعا مش مضطر تبادلني