قصه كامله

كمان يلا لو سمحتي سبيني دلوقت اخلص ضوافري واقوم اخرج.
سهي قامت پغضب هو انا بكلم مين اما بكلم لوح تلج الله يكون ف عونه يا شيخة بس مترجعيش ټندمي.
ومشيت وسابتها.
داليا ماشي ماشي يا رامي اديك اسبوع اهو مش معبرني بس انا كمان مش هعبرك الا لما تيجلي انت برجلك.
نروح عند خديجة كانت قاعده ف البيت بتلعب مع ولادها وبنات حسن لان حسن كان طول الاسبوع بيجبلها البنات تقعد معاها زي ما تفقوا ويجي بالليل ياخدهم.
وبعدين لقت جرس الباب بيرن فعرفت انه حسن جاي ياخد البنات.
فراحت فتحت الباب وفعلا كان حسن.
خديجة حسن ازيك عامل ايه.
حسن انا تمام اوي الحمد لله يا خديجة انا والله حقيقي مش عارف اشكرك ازاي علي الي انتي بتعمليه معايا.
خديجة بابتسامة عيب يا حسن قولتلك قبل كدا ان احنا اخوات مفيش داعي للشكر.
حسن ماشي يا ستي المهم البنات فين......
ولسه مكملش الجمله ولقا البنات جريوا عليه وهو شالهم وباسهم وبص لخديجة.
حسن تعبوكي
خديجة ابدا والله دول ملايكة.
حسن والله انتي الي ملاك يا خوخة
خوووووخة.......
حسن وخديجة بصوا لمصدر الصوت الي قاطع كلامهم كان صوت رامي.
حسن بصلوا استغراب.
اما خديجة برقت عنيها اول ما شفته وفضلت بصاله.
ورامي واقف باصص عليهم وهو عينه حمرا من الڠضب وبعدين مشي ناحيتهم.
رامي لخديجة مين ده يا..... يا خوخة.
خديجة بتوتر اه اه هعرفكوا علي بعض ده حسن زميلي ف الشغل ودول بناته وده.... ده ده رامي ابو اولادي وابن عمي.
حسن بابتسامة اهلا اهلا بحضرتك يا استاذ رامي.
رامي ببرود شديد اهلا.
وخديجة واقفة تبصلهم بتوتر وخوف من ملامح وامي.
حسن حس ان الجو متوتر ف قرر يمشي.
حسن طب استأذن انا يا جماعه اتشرفت بمعرفتك يا استاذ رامي... واشوفك بكرا تاني يا خديجة.
خديجة بتوتر ببب باي باي يا حسن اشوفك بكرا ف الشغل باذن الله.
وحسن سابهم ومشي 
خديجة استدارت ولسه هتخش البيت
ف جاء صوت رامي من وراها پغضب استني عندك هنا رايحة فين.
خديجة اتخشبت مكانها وقالت بتوتر راحة راحة هدخل البيت.
رامي ببرود خشي خشي عشان عايزك ف كلمتين.
خديجة بصتله پخوف.
خديجة طيب اتفضل 
خديجة دخلت ورامي كمان ورزع الباب وراه وخديجة اتخضت.
خديجة اي اي في اي براحة مش كدا.
رامي مين ده وكان بيعتمل اي هنا.
خديجة بتوتر منا منا قولتلك حسن زميلي.
رامي پغضب وبيعمل اي زفت الطين ده هنا.
خديجةوهي بتجري بيجبلي بناته يقعدوا معايا عشان عشان وراه محاضرات بعد الشغل فبيجبهم هنا يلعبوا مع الولاد ويجي ياخدهم زي ما انت شوفت كدا.
رامي وهو رايحلها يا سلااااام ومراته فين ياختي.
خديجة وهي بتبعد عنه مراته متوفيه متوفيه.... انت بتقرب كدا ليه ها رامي رامي في اي يالهوااااااااااي وجريت منه عشان كان مقرب عليها.
رامي
تعالي هنا رايحة فين اثبتي.
خديجة ابعد الاول واقعد عشان اثبت اقعد.
رامي وهو بيقعد.
رامي پغضب اديني اترزعق اقعدي بقا.
خديجة قعدت.
رامي يعني هو ارمل وانتي مطلقه .
خديجة ببراءة اه هو ارمل وانا.... اي في اي قصدك اي بقا ان شاء الله.
رامي قصدي واضح يا هانم.
خديجة قامت پغضب لالالالا يا رامي انت كدا بقيت سايكو خالص كلامك وتلميحاتك مش عجباني.
رامي پغضب انتي الي اټجننتي بتفكري تتجوزي تاني ولا اي يا هانم.
خديجة باستهزاء لا اطمن الي تعيش معاك وتتجوزك لا يمكن تكرر نفس الغلطه تاني الي شفته معاك كرهني ف الجواز وسنينه.
رامي بصلها وسكت.
خديجة وبعدين انت مالك ها اعمل الي انا عايزاه طالما بما يرضي الله مش ده شرع ربنا بردو ولا اي يا رامي بيه.
رامي پغضب يعني عايزه تتجوزي.
خديجة انا حره اعمل الي انا عايزه احب ما احبش اتجوز متجوزش اخلف بقا ولا لاء انا حره براحتي انت ملكش اي حق انك تحاسبني يا رامي انت طليقي مش جوزي روح شوف نفسك وخليك ف...... اااااااه ايدي. 
رامي مسك اديها پغضب وقربها منه.
رامي پغضب اعمي لا بقا بقولك اي انتي بتاعتي انا بس مراتي انا بس وام ولادي انا بس منتيش هتحبي حد غير ولا هتتنيلي تتجوزي غيري وابقا اسمعك تقولي نغمتك الجديده دي انا حره والله والله لاهد الدنيا علي دماغك يا خديجة ابقي وريني بقا هتتجوزي ازاي وهقولهالك تاني يا خديجة هتفضلي بتاعتي انا بس ومراتي انا بس ماشي.
وحدفها علي الكنبه.
ومشي ورزع الباب.
وخديجة فضلت تستوعب كلامه لدقايق.
وبعدين حطت اديها علي بؤها وفضلت تضحك تضحك جامد لان رامي بيغير عليها وهي اول مره تشوفه كدا.
خديجة ويا تري بقا غيرتك دي حب يا رامي ولا مجرد حب امتلاك حاجة بتعتك ف مترحش لغيرك.
واتنهدت وقالت يارب يارب اهديني للصح عشان انا تعبت.
وبعدين طفت الانوار وراحت عشان تنام.
البارت الرابع عشر
احببتك جدا لدرجة انه عندما تغيب عني يغيب معك كل شئ.
وفي حضور عينيك تتلاشى الوجوه فلا ابصر سواك.
ومالي اراك في كل الوجوه اغزوت قلبي ام غزتك كل الاماكن.
وتاني يوم الصبح خديجة صحيت وعملت الروتين اليومي بتاع كل يوم ولبست والولاد ولبست هي كمان وبعدين جايه تمشي بتفتح الباب لقت رامي فوشها.
خديجة بخضه بس الله الرحمن الرحيم.
رامي اي شوفتي عفريت.
خديجة مش قصدي والله بس مهو بردو محدش بيعمل كدا يا رامي انا قطعت الخلف يا جدع.
رامي يلا عشان هوصلك.
خديجة باستغراب توصلني 
رامي اه هوصلك مالك بلمتي كدا غريبه يعني ولا اي.
خديجةلا ابدا بس يعني......
رامي مفيش بس ومفيش يعني هاتي والولاد ويلا.
ومشي وسابها تيجي وراه.
خديجة لنفسها ماله بس يعني هو يارب ناقص برود اكتر ما هو بارد يارب لا ده وكمان جمب البرود بقا ديكتاتور يا ساتر.
رامي يلااااااااا
خديجة وهي بتمشي بسرعه جايه جايه اهو 
استرها بقا يارب.
وفعلا ركبت معاه العربيه ووصلوا الولاد عند مامت رنده ونزلت ووصلها الشركة.
وقف بالسياره قدام الشركة.
خديجة يلا اهو الحمد لله وصلنا هنزل بقا سلام.
ولسه هتنزل قاطعها صوت رامي استني هنا عندك.... هتخلصي امتي النهارده
خديجة وده ليه ان شاء الله.
رامي بصلها بصه مخيفة...
خديجة وهي بتبلع ريقها بصعوبة الساعه 3 هخلص الساعه 
رامي تمام يلا انزلي.
وبمجرد ما خديجة نزلت من العربيه رامي جري بيها بسرعة كبيره.
خديجة اي ده ياربي ده الحمد لله اليوم فله من اوله.
واتنهدت ودخلت الشركة وبدأت يوم شغلها.
ورامي راح علي مكتب المحاماه بتاعة ودخل المكتب لقا حمزه قاعد بيدرس ملف ف ايده.
حمزة اهلا اهلا بالوح...... اي ده في اي يا ساتر يارب وشك مقلوب كدا ليه اللهم احفظنا.
رامي ببرود مفيش.
حمزة اتعدل ف جلسته لا مفيش دي تقولها لمراتك لما تحب تقلب الادوار وتنكد عليها انت انما انا لا اتعدل معايا ف الكلام.
رامي بصله ببرود وهو ساكت 
حمزه شوف بيبصلي ازاي مهو اعمل حسابك انا مش هنزل من علي ودانك النهارده الا لما اعرف تجبها يمين تجبها شمال هعرف ف انجز.... اي اتخانقت مع داليا ولا الي.
رامي داليا مش ف البيت من اسبوع اصلا.
حمزة نهارك اسود اسبوع ليه.
رامي اتخانقنا سابت البيت وراحت عند اهلها ومن ساعتها وهي هناك.
حمزة الله طب مروحتش صالحتها ليه كل ده وسايبها عند
اهلها.
راميمش متنيل مصالح حد هي الي غلطانه وقت ما تعرف كدا تبقا ترجع ولا مترجعش هي حرة ولو مرجعتش يبقا اريح.
حمزة پصدمة اريح !!!! يا سبحان الخالق من 5 شهور والله 5 شهور كنت فنفس ذات مكانك ده بتقول فيها اشعار بحبها يا حمزه ھموت واتجوزها يا حمزه وشهر العسل الي اضرب ف 3 ده تقلب كدا بقدره قادر تبقا اريح !!! اي حصل لكل ده.
رامي بضيق من سيرتها سيبك منها دي بني ادمه تافهة ومش بتاعت مسؤليه لما تبقا تتعلمها بقا يبقا يحلها حلال... مش دي المشكله.
حمزة اومال اي يا اخرة صبري.
رامي بشرود خديجة خديجة هي المشكله.
حمرة باستغراب خديجة !!! ياخي بطل افترى هي خديجة بتعرف تعمل مشاكل.
رامي پغضب الهانم الهانم باينها كدا بتفكر تتجوز.
حمزة پصدمة قول اقسم بالله.
رامي بصله ببرود.
حمزة لا حقيقي بجد.
رامي پغضب اه عايزه تتجوز الهانم وتعيش حياتها لا وامبارح بكل اريحيه تقولي وماله يعني مش شرع ربنا.
حمزة بجد اد اي انا فخور بيها...طب ما تتجوز اي الي مضايقك كدا ومخليك شويه كدا وهطلع ڼار من ودانك وتقلب تنين.
رامي راحله پغضب ومسكه من لياقة قميصه بقولك هتتجوز هتتجوز تقولي اي الي مضايقني وفخور بيها يا الي معندكش ډم يا بارد.
حمزة طب اوعي اوعي كدا القميص مكوي يا عم... وبعدين اه اي الي مضايقك كدا مش طلقتها عايز اي 
واه شرع ربنا ولا هو حلال عليك وحرام عليها ويجي عندها ويقف مش انت اتجوزت بردو ولا انا بيتهيألي وعملت فرح وشهر عسل 3 شهور وهيصه وبحبها...اي بقا مستكتر عليها تعيش حياتها هي كمان ولا اي هي حره تعمل الي تعمله تحب تجوز تخل.......
رامي پغضب شديد انتوا عاوزين تجننوني هو اي الي حره حره لا مش حره ومش هتتجوز غير ولا هتحب غيري وعلي حثتي الكلام ده يحصل ويبقا حد يقربلها كدا ال حره ال انا هفضل طول عمري حبها الوحيد ومش هتحب غيره انا اتجوزتها وهي عندها 18 سنه لسه طفله وكبرت قدام عيني انا وحبتني انا واتجوزتني انا وفي بنا ولاد كمان وعايز بعد كل ده اسبها لحد تاني كدا يجي يا خدها مني ده انا كنت اموته واشرب من دمه وهرجعها تاني بالذوق بالعافيه بقا هرجعها ليا تاني وابقا اسمع بقا حد يجيب سيرة جوازها تاني.
وسابه ومشي وطلع برا المكتب پغضب اعمى.
حمزة يا نهارك مش فايت بقا كل ده ف قلبك من ناحية خديجة وكنت بتقول مبتحبهاش ياخي حبك برص ياخي ده انت بتعشقها.
وصمت قليلا ثم. تابع بخبث بس احسن تستاهل انت اساسا لازم تتربى وتتسحل كدا ال رايح يسيب خديجة ويتجوز الحيزبونه الي معاه دي ياخي تبا لك.
نروح ف الشركة الي خديجة بتشتغل فيها وتحديدا ف المكتب عندها.
كانت بتتكلم ف الفون مع رنده.
رنده جرا اي يابت هو اي الي حصل بينك وبين رامي خلاه قالب الدنيا كدا.
خديجة پصدمة انتي عرفتي منين ان حاصل حاجة اصلا.
رندة اهو يعني حصل ومحكتيش يا واطياااااااااا.
خديجة اقولك اي بس اسكوتي ده اتجن خالص.
رندة لا ده الموضوع كببر بقا ومش عايز فون بس خلصت انا هجيلك النهارده بالليل وتحكيلي بالتفصيل الممل.
خديجة خلاص مستنياكي اهو بالمره تشوري عليا.
رنده خلاص اشطا اهجيلك الساعة 7 يلا بقا سلام عشان الحق اخلص الي ورايا عشان اجيلك.
خديجة خلاص يلا سلام.
وقفلت الفون مع رنده وحطت اديها علي خدها وافتكرت الي حصل مع رامي ومنظرهم امبارح ف فضلت تضحك وهزت رأسها من تصرفاته.
وجه معاد انصرافها ولمت حاجاتها وبترفع راسها لقت رامي واقف عند باب المكتب ومربع ايده