قصه مشوقه

بيت في مكان تاني يتجوزها! هو كمان ممكن يتجوزها! 
عند الفكرة دي عيطت مفوقهاش من العياط غير صوته!
بعشق روحك والكلمات
بعشق إحساسك بالذات
كيف بتمشي وكيف بتحكي
قلبي بيشتاقلك پجنون
ما بعرف مع غيرك كون
ولا بقدر مع غيرك أحكي
بالفعل حست إن صوته قريب جدا جريت على البلكونة تفتحها عشان تتفاجئ إنه قاعد على كرسيها المفضل في بلكونتها هي مش بلكونته! بسرعة بصت على السور الفاصل بينهم ورجعت بصتله تاني باستغراب
أنت بتعمل ايه هنا 
بصراحة مسيبتيش ليا حل تاني ليه بتهربي ليه بتبعدي 
أنا مش ببعد ولا بهرب أنا بس .. أنا مشغولة.

متتحججيش يا نور!
أنا مش بتحجج!
فجأة علي صوتها بدون ما تحس.
أنا مش بتحجج بحاجة أنا بس عايزة أكون لوحدي لأن ومن أي حد بيوجعني بس يا ريتني ما حلمت إني مكونش لوحدي يا ريتني ما حبيت 
فجأة قطعت كلامها عشان مترتكبش أكبر غلطة ممكن ټندم عليها ولكن فات الأوان.
فجأة أدهم قام  باستغراب.
حبيتي! حبيتي مين
لفت نور وشها الناحية التانية محاولة للهروب.
محبيتش حد أنا بس عايزة أكون لوحدي لو سمحت.
نور أنت ليه بتعامليني كدا
نزلت دموعها اللي هو مش شايفها.
بعاملك ازاي يعني عادي يا أدهم مفيش حاجة بتفضل على حالها.
مفيش حاجة بتفضل على حالها هو دا كلامك ماشي يا نور براحتك وأنا آسف. 
فجأة اتحرك عشان ينط لبلكونته ولكنه لف ضهره يبصلها نظرة أخيرة بس لمح دموعها اللي كانت بتخبيها عنه فانتفض قلبه ولكن الاستغراب محاوطه.
طب احكيلي مالك بس ووعد مني هبعد عنك بعدها لو أنت عايزاني بعيد لكن متعودتش أسيبك كدا.
مسحت دموعها بسرعة ووقفت قصاده بقوة مزيفة.
قولتلك مفيش حاجة يا أدهم مفيش حاجة.
لا في يا نور وأنا لازم أعرف وعموما أنا كنت بحاول أوصلك عشان أعرفك إني اتقبلت في الوظيفة ومن بكرة هنزل أبدأ الشغل إن شاء الله وحبيت تكوني أول واحدة أعرفها.
أول واحدة وحبيبتك 
نور أنت غبية هو أنا أعرف حد غيرك 
مش فاهمة!
فجأة .
هو ايه اللي مش فاهمة لايمته هتفضلي مش فاهمة لايمته هلمحلك إنك أنت البنت اللي حبيتها 
أنا أنا ازاي أنت 
أنا ايه أنا كل يوم كنت بغنيلك غنوة جديدة أو بسمعهالك كنت كل ما أسمع شعر ويعجبني أكتبهولك وأكتبلك في آخره الجملة المعتادة 
هتفضلي أنت الأولى والأخيرة
كل دا ملفتش نظرك أبدا إنك أنت المقصودة بكل حاجة طب هو في حد بيحب بيشارك حد غير حبيبه
للحظة استرجعت نور كل الذكريات اللي خلتها تحس قد ايه هي كانت غبية! قد ايه كان حب حياتها لكنه كانت مفكراه بعيد قد ايه كانت بتتمنى الشخص اللي ميملش منها ومخدتش بالها إن أدهم الوحيد اللي عمره ما مل من إنه يسمعها ومبيسمعش غير شخص بيحب بيحب بجد!
أنا أنا مش عارفة ..
مش عارفة ايه يا نور مش عارفة ايه غلبتيني!
كنت خاېف خاېف أخسرك