قصه كامله مشوقه
دلع بقه يلا روح
ليقول طب ماتجيب
لتضحك انت بقيت قليل الادب اوي
والله
لتدفعه عند الباب وتهتف يلا يا بابا وقتك خلص
ليمسكها طب عشان زقتك دي مش ماشي ويلا ارزعيني واحده ادوخ فيها اروح مسورق وانام
لتضحك انت بتدلع اوي يلا بقه
ليهتف اه بدلع ومبسوط هو فيه احلي من الدلع ويلا بقه يا بت انا مخي جزمه ومش ماشي
ليهتف طب قابلي بقه واندفع يجري ورائها وهيا تضحك وتقفز بعيدا ليحاول وهيا تدور حول احد المناضد وتخرج له لسانها ليغتاظ لتهرب الي الحمام ولكنها سمعته يتأوه لينخلع قلبها وتعود جري اليه لتجده موجوع لتهتف بلهفه مالك يا عمري فيك ايه والنبي
لم يرد وكان محڼي الراس ويمسك صدره لترتعب وتهتف داغر قلبي فيك ايه والنبي
لتهتف بلهفه دانت روحي اخص عليك
ليندفع ويحملها من وسطها لتصرخ ليهتف وانت قلبي من جوا
لتخبطه اخص عليك وقعت قلبي ينفع كده
ليهمس عشان اشوف لهفه القمر ليتلمسها بحب ربنا يخليكي ليا
لتتعلق به ويخليك ليا يا قلبي
ليهمس اكني قلبه قلبه قلبه يعني
ليهمس يا لهوي عالدلع اروح فين بس ولكنها ابعدته ليستسلم ويذهب لتجلس مهمومه يا تري متخبيلك ايه يا غنوه هيجي يوم وتفرحي والا الدنيا هتحط عليكي
ذهب داغر وقضي مع زوجته الليل ولكنه لم يعرف ان ينام واحس ان الارق اصابه بالجنون فهو اعتاد تلك الجميله ووجوده جنب ميساء يؤرقه لينتصف الليل ليشعر انه سيجن ليهب ويقوم ليذهب الي غنوه ليدخل الحجره ليجدها هادئه ولم يجدها في سريرها ليستعجب ليجد باب الشرفه مفتوحا
حكايات
البارت الحادي عشر
دخل جمال علي داغر وهتف بص يا داغر انا جبت اخري اسابيع واختك مصدرالي الوش الخشب والواد الزباله ده نازل نحنحه لو مش هتجوزهالي قول هخطفها واتجوزها والله هعملها
ليتنهد داغر ويهتف بطل وش مش ناقص عالصبح عندي صداع اهمد
لېصرخ جمال مانت قلت هتحلها وسيادتك نايم في العسل ونازل حب وسحسحه ياخويا ووشك ورد وانا بعض في الارض
ليهتف ايه يا بومه فيه ايه
ليهتف داغر حرمي المصون ميساء رجعت البيت وقضيت ليله سوده
امبارح دا من غلبي اتسحبت ورحت عند غنوه ورجعت الصبح زي الحراميه انا مش قادر انا خلاص
ليهتف جمال حبيتها يا داغر
ليهتف داغر ماعرفش بس كل اللي حاسه اني عايز ابقي جنبها ابصلها وماشيلش عيني من عليها انا امبارح كت ھموت محصور ميساء ماعتش حاسس بيها
ليتنهد يعني اخرتها بعد سنين اطلقها مش عارف ماقدرش اعمل
كده انا مش واطي
ليهتف طب خلاص نظم نفسك مانت كت قبل كده متجوز اتنين
ليهتف داغر لا غنوه غير غنوه ملكتني مش قادر ابعد عنها
ليهتف جمال طب طبيت يا نحنوح خلاص قشطات يا معلم
ليتنهد داغر ويبتسم تفتكر يا جمال
ليهتف جمال يبني انت وشك نور من ساعه مالبت دخلت حياتك وبتبقي قاعد عنيك هتتهبل عليها انا بتاع نسوان وعارف
ليضحك داغر اه بتاع نسوان لو مريم سمعتك
ليهز جمال راسه اه اصلها ناقصه هم هتجوزهالي امتي البت انهبلت والزباله اكرم بيصطاد في الميه العكره
ليتنهد طيب يا حبيب اخوك هتصرف بس يلا زق وانا هتصرف
ليستدعي مريم لتدخل عليه ليهتف اقعدي
يا مريم دلوقتي جمال عايز يتجوزك
لتهب وتهتف انا قلت لا يا ابيه لا دا واحد قليل الادب
ليهتف بس جمال معذور يا حبيبتي وانت بتحبيه
لتدمع عينها حتي لو بحبه استحاله اتجوزه
ليهتف داغر حتي لو عشان اخوكي
لتقطب جبينها عشانك ازاي
ليجلس ويتصنع الهم بصي يا قلبي انت عارفه ان جمال شريكي في كل حاجه والمجموعه زي ماليا ليه جمال حاطط جوازك قدام خړاب المجموعه
لتنظر اليه بذهول ايه ده بيهددك جمال بيهددك يا ابيه
ليهتف ايوه المجموعه هتتخرب وتعب السنين هيروح انا واقع فيكي يا مريم وجمال رافض اي اتفاق الدنيا هتخرب وانت في ايدك السبب
لتجلس مقهوره موجوعه بقي جمال يهددك ليه دا اخوك متربي معاك اخص عليه عشان يعمل كده اټجنن ده
ليهتف بيحبك يا مريم
لتصرخ اللي يحب ما يوجعش وهو وجعك و وجعني
ليهتف مالكيش دعوه بيا انا طالب منك تفكري تنجدي اخوكي
لتظل مهمومه وتجلس تفكر في اخيها فهو كابيها لتتنهد وتهتف انا موافقه يا ابيه بس عرفه اني هتجوزه وهطين عيشته ولا هيطول مني حاجه مش البيه طاح فينا انا بقه هوريه وهندمه علي عملته دي حتي لو موتني في ايده واه شرطي هنقعد عندنا
لبهتف با مريم تقعدو فين يا حبيبتي
اه تنوري بس جمال له بيته وحريته يا حبيبتي
لتهتف اومال ياخدني ويقهرني لوحدي
خلاص يجبلي فيلا جنبكو لازق والله ماهقعدله في بيته ساعتها
ليتنهد ويبتسم حاضر يا قلبي
لتقول وتاكد عليه مايستناش مني حاجه ولا هفرحه وهسود عيشته ولا هيلمسني بقلك اهوه ولو عمل ايه وقامت وتركته وذهبت علي جمال وفتحت عليه الباب وهجمت عليه وصړخت لتكون فاكر انك بكده هتذلنا وانك قدرت عليا ياسي جمال
كان جمال مبهوتا لا يفهم شئ
لتصرخ والله لاسود عيشتك وجوازتك هتبقي طين وهندمك علي الجوازه دي مش انا اللي تعمل فيها كده والله لاحړق قلبك واعمل حسابك ماهتلمسنيش ولا تطولني جواز ه زفت علي دماغك وتركته مذهولا وخرجت
ليهتف جوازه ايه اللي زفت هيا اټجننت ليقوم ويدخل علي داغر فيه ايه مريم ھټموټني مالها عملت فيها ايه دا اتحولت
ليضحك داغر دانت هتشوف ايام جاز وحكي له كل شئ
ليتهالك جمال نهارك اسود ودي هعمل معاها ايه
دا وبور انت طينتها طب ايه
ليبتسم داغر ايه ايه مالهاش حل لو مش عايز فركش
ليهب فركش ايه اټجننت انت لا انا راشق بس ايه دا هتقتلني
ليضحك داغر امال بتاع نسوان ايه مش هتقدر عالبت الغلبانه و الله صعبانه عليا
ليهتف جمال طب اعمل ايه بمۏت فيها وهيا نازله نطح وبتحبني اعمل ايه قلبي شقق
ايهتف طب يا خويا عليك بقه وعالنحنحه سحسح لحد مالبت تنخ هوكتب كتاب بس جواز انت وشطارتك
ليهتف جمال لا والنبي اتجوز يا داغر بالله عليك ادهالي والله هلين دماغها
ليتنهد طب نكتب ونشوف اهدي وركز بقه
ليهتف جمال تسلملي يا حبيب اخوك ربنا يسعدك
عند غنوه كانت تتجنب ميساء تماما وكذلك ميساء لا تقربها ولكنها بدات في التخطيط لازاحتها لتمر الايام وتبدا ميساء في الشجار مع الخادمات فهيا تدعي انها تفقد اشياء من مجوهراتها والكل يستعجب مما يحدث ليمر ايام اخري وتهدا ميساء وكانت كل حين واخر تفتعل نفس الاعمال وټتشاجر مع الخدم ليدخل عليها داغر ايه هو كل شويه تخانقي فيهم ماتقفلي علي حاجتك او جايز بيتنطرو هنا والا هنا
لتهتف اقفل ليه دا مش بيتي واماني من امتي يا داغر ايه اللي جد في البيت عشان اقفل لا ماهقفلش ان شالله كل حاجه تروح بس والله لو قفشت اللي
بيعمل كده لاطين عيشته
ليهتف مين يعني
لتصرخ ما ده اللي مجنني يا داغر الخدم دول معايا من سنين منال ونجلاء انتو مربينهم وغلابه اوي انت مش عارف ايه الجديد في البيت هتجنن
ليتنهد ويهتف جايز اتنطرو روقي كده هجبلك غيرهم
لتهتف تسلم يا حبيبي ربنا يخليك ليا يا قلبي
كان القلق يعتريه ويشعر بان هناك شيئا خاطئا
لتجتمع ميساء مع فتيات الخدم لتهتف بصو بقه انتو هنا بسببي وروحكو في ايدي انتو غلابه ولو مانفذتوش هسرقكو والبسكو التهمه وماحدش هيصدقكو ويكذبني يبقي اللي اقوله يتنفذ
لتخاف الفتيات وتهتف احداهن اللي تامري بيه يا هانم
لتهتف خلاص اسمعو بقه تنفذو ولا فيه كلمه تنقص ياما هلبسكو مصېبه واقول انكو اللي سړقتو الحاجه
لترتعب الفتيات لا يا هانم احنا غلابه
لتهتف طيب اللي قوله يتنفذ واللي هتنطق هلبسها مصېبه انا هنا ست البيت ووكلمتي مصدقه هتشتكو هتتحبسو من البيه فاقصرو شړي لتمتثل لها الفتيات وتبدا في التخطيط لتفتعل مصېبه يتغير مجري البيت كله
كانت ناديه تجلس ومعها ملك لتاتي لها احدي الخادمات هاتي يا هانم عنك انت تعبتي كفايه لتعطي ملك لها لتاخذها الخادمه وتذهب بها الي حجره ميساء التي كانت قد خرجت بره البيت لتذهب غنوه ولتسال عن ملك لتخبرها الخادمه انها مع منال الخادمه الاخري لتصعد اليها وتدخل عليها غرفه ميساء لتقوم الخادمه الاخري بتصوير غنوه وهيا تدخل حجره ميساء وهيا تقفل ورائها لتدخل غنوه ايه يا منال ملوكه كويسه هاتيها عنك
لتهتف منال اتفضلي يا هانم واعطتها كيس اسود
لتقطب غنوه ايه الكيس ده
لتهتف منال دا كيس فيه الرضعه والبامبرز والمناديل شيلاهم عشان ما يتنطروش وانا بنضف
لتاخذها منها غنوه لتاخذ غنوه الطفله لتهتف الخادمه طب خدي الحاجه يا هانم انا هرضع
ملك دقيفه واجبهالك
لتهتف غنوه ماتجيبها ارضعها
لتقول لا ماينفعش نقطع الرضعه انت خدي الكيس وانا هجبهالك الاوضه دقيقه لتمتثل غنوه وتترك الخادمه في الحجره لتصورها الخادمه مره اخري وهيا تخرج بالكيس الاسود بمفردها وهكانت الايام تمر وميساء تخطط مع الخادمات ويتكرر نفس الفعل وغنوه لا تشك في شئ فالخادمات يتعاملون باريحيه معها ولكنهم من خوفهم مجبرون علي تلك الاڈيه
كانت غنوه تقف في احد الايام تكلم اخيها حازم ليخبرها ان اختها ستتزوج لتسعد هيا ولكنه اخبرها ان المصاريف كثيره لتهتف وهيا تتذكر مرتبها الذي تاخذه من داغر ولا يهمك انا معايا فلوس كتير وهتصرف ليدخل عليها داغر ويستمع لها وهيا تخبر اخيها ان معها اموال وستتصرف له ولكنه لم يعير الامر
اخيها ليهتف وحشتيني
لتبتسم وتهتف انت كمان والله ليهتف كتب كتاب مريم قرب وعايزك تبقي معاها البت طايحه
لتهتف مانت برضه ضغط عليها ماتقلها الحقيقه
ليهتف هتعند عيله صغيره وهيا بتحبه وهو كمان يبقي خلاص بقه اجوزها واخلص وافوق للقمر اللي واحشني
لتضحك انت ايه ده مانت كل يوم معايا
ليضحك والله بخاف اتقفش عامل زي الحراميه بس ڠصب عني لو مانمتش في القمر بتبقي ليله غم
لتخجل منه وتهتف بجد يا داغر انا مهمه اوي كده
ليهتف ياختاااي اسكتي اسكتي دانتي مخدر المس القمر يخدرني واسيح فيها وانام زي العيل الصغير دا قمري بيهبلني
لتهتف انا مبسوطه اني مهمه عندك وانت كمان والله بقيت كل حاجه عندي
ليقترب منها ازاي ماتقولي كده ازاي
لتخجل وتحني راسها ليهتف ليهمس بحب لا وحياه القمر خرجلي اللي جوا كله كله
لتتنهد وتهتف أخرج ايه بس يعني مش حاسس
قربها بحنان حاسس وقلبي هيتفرتك بس عايز اسمع
لتركن علي قلبه وتسمع دقاته لتهمس حاسه اني طايره كنت بجري وتعبانه وفجأه ارتاحت ووقفت اريح قلبي كنت لوحدي طول عمري وحسيت ان دنيتي اتملت كنت بخاف اقرب من حد ودلوقتي قربك بيريح قلبي انت بقيت دنيتي وحاسه اني في
