خذلني مرتين

اوي وكانو مقتدرين مديا كمان و بعد ما بدء يتحسن وقفو الجلسات معايا لما حاولت اتواصل معاهم عملولي
بلوك قلت يمكن لاقو حد تاني و محرجين مني و سكت وبعد ست سنين قابلت الام بالصدفة في الشارع ولما سالتها عنة جاوبت وهي مڼهارة وبتقولي أنهم اهملو فيه جدا و بطلو كل حاجة و ودوة مركز داخلي عشان يخلصو من مسؤليتة و أن المركز دا من مدة زارة دكتور كبير اوي جاي زيارة من امريكا و كشف ع كزا حاله موجودين و هما ال يعني عشان يبقو عملو اللي عليهم خلوة كشف علي الولد واتفاجؤ أن الدكتور بيقولهم إن كان في احتمال كبير يكون طفل طبيعي بنسبة كبيرة بس الإهمال وعدم العلاج وصلو الطفل أنه بقا عندة نسبة من التخلف العقلي وال ايه هما ندمانين أنهم اهملو فيه انا مش قادرة أصدق أن في أهل كدة انا تعبت من المهنة دي اللي بضطر اني أقابل فيها نماذج ناس من نوعيتهم 
ميرنا بتأثر ... طيب اهدي ربنا موجود و مطلع انتي مأثرتيش في حاجة منهم لله 
اماني وهي بتمسح دموعها .. ميرنا ممكن ناجل الجلسه لبكرة مش هقدر أركز معاه حقك عليا 
ميرنا ببتسامة ... مفيش مشكلة بس بشرط 
اماني ... شرط ايه 
ميرنا ... ننزل نتغدي سوا انا من امبارح مفحوتة في الشغل و مودي اصلا وحش جدا وانتي كمان تعالي نتغدي سوا ونفصل شوية 
اماني وهي بتبص لىسليم ... ايوة بس 
ميرنا .. عشان سولي بيبهدلني ف الأماكن العامة يعني لا ما انا هعدية ع ماما واروح انا وانتي نتغدي لوحدنا ايه رايك دا هيبقي my time 
اماني ... ماشي يا ستي يلا هقفل و ننزل سوا 
وفعلا عدينا سليم علي ماما و طلعنا ع مطعم حلو انا بحبه واتغدينا سوا و اتكلمنا كتير وقدرنا احنا الاتنين نغير مزاج بعض للاحسن و رجعت علي البيت و انا حسه اني اتخلصت شوية من الطاقة السلبيه اللي كنت حسه بيها 
وعدي روتين اليوم زي ما هو و تاني يوم مرحتش تمرين سليم و وديتة الجلسه المتأخرة و زي ما توقعت حمزة مبطلش اتصال ومردتش عليه إلا بالليل ما انام 
حمزة بقلق ... انتي مبترديش ليه هه انتم كويسين في حاجة 
ميرنا ... احنا بخير مفيش حاجة 
حمزة ...
اومال مش بتردي ليه ولية مجتوش انهاردة التمرين 
ميرنا .. مجيناش عشان جلسه التخاطب بتاعت سليم اتغير معادها من امبارح ل انهاردة مش برد عشان مكنتش قادرة اتكلم 
حمزة بضيق .. يا سلام بسهولة كدة وبيقلدها مش برد عشان مش قادرة اتكلم ايه البرود دا 
ميرنا ... حمزة انا مش قادرة اتكلم فعلا لو سمحت تحترم رغبتي 
حمزة ... ماشي متتكلميش بس تطمنيني عليكم حرام عليكي القلق اللي كنت فيه دا 
ميرنا ... ما انا طمنتك اهو 
حمزة ... ميرنا حي علي خير بدل ما اتعصب عليكي سلام 
ميرنا ... ايه هو دا انت تضايقني و ټحرق دمي وكمان مش عجبك و بتتعصب عليا 
حمزة ... علي فكرة انا بقفل عشان متعصبش عليكي هه انتي كدة مشفتويش عصبيتي لو شوفيتها مش هتعرفني تاني 
ميرنا ... لا و علي ايه ح علي خير يا كابتن
حمزة ... كابتن 
ميرنا ... اه كابتن يلا بقا عايزة انام 
حمزة ... انا راجل مهزء اني قلقت عليكي اصلا سلام 
ميرنا وهي بتضحك ... سلام 
قفلت معاه وانا مبسوطة معرفش ليه بفرح لما بعصبه اصل حمزة لما بيتعصب بيبقي شكلة حلو اوي تكشرتة بتضحكني و ما انام لاقيت مسج منه 
حمزة ... دلوقتي بس هرتاح لما سمعت صوتك واطمنت انكم بخير يا تعبه قلبي 
الله ايه تعبه قلبه دي لا هو قصدة ايه وليه انا حسه ان قلبي هيخرج من مكانة وبعدين معاك يا حمزة اخرتها ايه 
بس رغم حيرتي و تفكيري الا اني نمت وانا مبسوطة وكل طاقة السلبيه اللي كانت جوايا مشيت وراحت خلاص وصحيت وانا كلي نشاط ل يوم جديد خصوصا اني صحيت علي سليم وهو بيصحيني 
سليم ... امي اصحي ماما
ميرنا بفرح ... حبيب ماما انت قلت ايه 
سليم .. امي اصحي قومي قومي 
ميرنا ... صحيت اهو يا حبيبي فين تيتا
سليم بصوت عالي ... تيتا امي صحيت تيتا تيتا ماما صحيت 
ضحكت من قلبي عليه وهو مبسوط اني صحيت طاقتي الايجابيه و فرحتي اللي بجد
هو انت يا سولي 
بدات يومي بنشاط و طاقة وقررت انهاردة يكون ل ماما وسليم وبس امي تقريبا مش بتخرج مش بتعمل اي حاجة في حياتها غير انها بتهتم بيا انا وسليم وبس هي كمان محتاجة تغير جو واحنا بنفطر قولتلها
ميرنا ... حنونة اية رايك انهاردة نخرج كلنا سوا 
حنان ... كلنا دي مين ونروح فين 
ميرنا ... كلنا دي انا وانتي وسليم نروح فين اي مكان تختارية 
حنان ... و شغلك يا بنتي 
ميرنا ... لما ارجع اشتغل ماما انهاردة ليكم انتم وبس ها بقا تحبي تروحي فين 
حنان بصت ل سليم ... سولي يروح باي 
سليم ... سليم باي نادي كابتن
حنان بضحكة
... اهو قالك اهو نروح النادي عند الكابتن 
ميرنا بتهرب ... ما احنا ع طول ف النادي نروح مكان جديد 
حنان ... لا اللي سليم قال عليه هو اللي هيمشي النادي فية كل حاجة وامان ل سليم وانا مش بروح الا كل فين وفين نروح نتغدي هناك وهو يلعب شوية ونرجع
ميرنا لنفسها ... يعني هو لازم النادي من كل الاماكن كلها متخترووش الا النادي بس ما يمكن حمزة معندوش تمرين انهاردة اه صح اكيد معندوش تمرين
فطرنا و جهزنا واتحركنا للنادي وطول الطريق وانا متوترة جدا و بحاول اهدي نفسي هو يعني اول مرة اشوفو لية المرة دي انا حالتي كدة 
اول ما وصلنا لاقيت هند بتكلمني ماما سبقت ب سليم ع جوة وانا فضلت في العربية ورديت
ميرنا ... صباح الخير يا هنودة
خالد بجمود ... ازيك يا ميرنا
ميرنا صدمة ... خالد 
خالد بضيق ... اه خالد 
ميرنا ... خير يا خالد في اية ومتصل بيا من تلفون هند لية 
خالد ... متصل من تلفون هند عشان لو كلمتك من رقمي واثق انك مش هتردي ... متصل لية بقا ف دا عشان بعد ازنك طبعا عايز اشوف سليم ممكن 
ميرنا ... تشوف مين 
خالد .. سليم ابني يا ميرنا
ميرنا بسخرية ... ابنك ! بجد لسة فاكرة انا مش فاكرة حتي اخر مرة شوفتة او حتي سمعت صوتة كانت امتي اية اللي فكرك بية يا خالد مش كنا
خلصنا 
خالد بنفاز صبر ... ميرنا انا مش فاضي بجد مش اخلص من ۏجع الدماغ هنا تستلميني انتي كمان ها مناسب ليكي اشوفو امتي ولا هتمعني عنة 
ميرنا بشك ... انت مجبر مش كدة ضغطو عليك عشان تعمل كدة صح 
خالد ... هيفرق معاكي 
ميرنا ... طبعا لان لو اه هريحك خالص واجيب الرفض مني انا اية رايك كدة اريح لينا كلنا اظن 
خالد .. بس ساعتها انا مش هخلص من الزن بردو
ميرنا ... ممكن اسالك سؤال و اوعدك المكالمة دي هتريحك العمر كلة من الزن اللي واجع دماغك دة بس تجاوبني ع سؤالي ممكن 
خالد ... سؤال اية دا 
ميرنا ... سليم مش بيوحشك 
سكت خالد ل لحظات وبعدين اتكلم
خالد ... بيوحشني يا ميرنا و كتير بتفرج علي صورة اللي بتنزليها استوري ع واتس ليكم وانتم سوا بس ڠصب عني مش قادر ات فكرة ان ابني مش طبيعي مش قادر بجد ف كان الاسهل بالنسبالي
ميرنا قاطعته .. انك تسقطة من حياتك صح وتستبدلة باطفال تانيه مش كدة 
خالد ... انتي عايزة توصلي لاية 
ميرنا ... ولا حاجة مش عايزة اوصل لاي حاجة غير اللي سمعتة منك عشان بيني وبين ربنا محسش اني حرمت اب من ابنة او اني قصرت مع ابني من اي ناحية واطمن يا خالد وعد وحياة سليم لا عمي محي ولا هند هيتكلمو معاك في الموضوع دا تاني خلينا زي ما احنا احسن واريح تمام 
خالد ... بس بس انا فعلا عايز اشوفو يا ميرنا هند و بابا بيحكو انة اتحسن كتير اوي عن الاول وملهمش سيرة غيرة عمل اية وقال اية اتنهد ممكن 
ميرنا ... ممكن اسال الدكتور بتاعة الاول وارد عليك 
خالد ... اوكي هستني اتصالك
ميرنا .. لا انا هبلغ هند وهي هتقولك مش هتصل بيك 
خالد ... زي ما تحبي سلام
ميرنا ... سلام
ميرنا ... السلام عليكم 
حمزة ببتسامة ... وعليكم السلام اية المفجأة الحلوة دي 
ميرنا ... ازيك يا كابتن 
حمزة ... تمام الحمد لله
حنان ... سليم اول ما لمح كابتن حمزة واحنا داخلين جري علية 
حمزة ...
كنا واحشين بعض اوي احنا صح يا سليم 
سليم ... مممم
حمزة .... وحشتني يا سليم قالها وهو باصص ل ميرنا 
ميرنا بتوتر ... هوا هو رتك عندك تمرين انهاردة 
حمزة ... اه ولسة

مخلص وكنت مروح بس الحمد لله لحقتكم 
حنان ... احنا اللي لحقناك
حمزة ... هههههه المهم اني شوفتكم
حنان .. طيب لو مش رواك حاجة تعالي اتغدي معانا لان الاكيد ان سليم مش هيسيبك تمشي بسهولة 
حمزة وهو بيبص ل ميرنا ... مش عايز ازعجكم 
ميرنا ... لا ابدا لو فاضي ياريت زي ما ماما قالت سليم مش هيسيبك
حمزة .. لا فاضي ولو مش فاضي افضي ل حبيب قلبي دا 
حنان ... طيب يلا نقعد بقا تعبت من الوقفة
حمزة ... يلا
ومشينا و انا التوتر اللي جوايا بيزيد انا استحالة انكر اللي شايفاه و حساة من حمزة ناحيتي بس وبعدين 
قعدنا قدام الجاردن بتاعت الاطفال و سليم جري يلعب و شاور ل حمزة اللي شاورلة بيستني شوية
حمزة ... استني شوية يا سليم روح انت وانا جاي وراك 
حنان ... مين اللي كان بيكلمك يا ميرنا واتاخرتي كدة لية صحيح 
ميرنا بتوتر .. ا دا احم هند هند يا ماما
حنان .. طيب عن ازنكم ثواني هسلم ع ناس معرفة وراجعة ع طول
ميرنا لنفسها ... كلمت كملت يا ماما اصلها ناقصاكي
حمزة ... مين اللي كلمك 
ميرنا تغراب
... نعم 
حمزة .. بسالك مين كلمك ولية كدبتي ع ماماتك 
ميرنا ... اية السهولة اللي بتعد بيها