رواية رايات العشق بقلم فاطمة الالفى

يضع شرائح اللحم اعلى الشوايه ورؤى وسما يضعون الكفته داخل اسياخ الشوي ..
وايسل تجلس جانبهم تقطع الخضروات لعمل الصلطه وحياه تجلس عابثه الوجه 
واتى عاصي يقدم المساعده 
محتاجين مساعده يا شباب 
التقطت معتز الصينية الفارغه وقدمه له أمسك دي يا دكتور 
نظر عاصي ليد معتز أعمل بيها ايه 
ضحك معتز وهو يقول هوي بيها على اللحمه يا دكتور انت ماشوتش قبل كده ولا ايه 
ضحك الجميع على حديث معتز 
الا الثنائي العابث ماجد وحياه لم يتحمل رؤيتها بهذا الشكل فاقترب منها قليلا وهو يحدثها بجديه 

انسه حياه من فضلك خمس دقايق محتاج منك ترجمه مهمه 
نهضت من مكانها وهى تسير جانبه دون ان تتفوه بكلمه الى ان ابتعد عن الكامب ثم وقف مكانه وهو ينظر لها باسف 
أنا آسف بجد على انفعالي أنا بجد كنت مستغرب ليه خدتو الخطوه دي من غير ما حد فينا يعرف مش يمكن كنا حابين نشارك معاكم 
لا احنا قاصدين عشان دوركم بقي تشجعونا 
طيب حصل خير ممكن ماتزعليش وتفكي التكشيره بقي 
حاضر 
حاضر ماتنفعش فين ضحكتك الحلوه عشان اتاكدت انك مش زعلانه 
ابتسمت بارتياح بعدما استمعت لكلماته وهى تهز رأسها باسي 
بصراحه مش قادره افهم حضرتك
ماتستعجليش بكره تفهميني يلا بقى نرجع لهم 
يلا 
سارت جانبه وداخلها فرحه عارمه بسبب انه لم يتحمل اغضابها واتى ليعتذر منها وهذا يكفيها فى الوقت الحالي ..
لاحظت ايسل الخصام الذي مازال بين اشقائها وكل منهما يتجنب الآخر .
بعدما انتهت من إعداد الصلطه الخضراء نهضت من مكانها وهى تقترب من عمر ودون ان تتفوه بكلمه سحبته من يده لينهض واقفا جانبها دون فهم لتسير الى حيث علي وتسحبه هو الاخر وتسير بيهم الى حيث الشاطئ ليبعدون عن الجميع وقفت بينهم 
ممكن اعرف ايه ممكن يحصل ويبعدكم عن بعض بالمنظر ده انتو اخوات وتؤام يعنى بتحسوا ببعض وبتتالمو لالم التاني عارفين رغم أن أنا واسر كنا بعاد عن بعض بالاف الاميال وماحدش فينا يعرف بوجود التاني الا ان جوانا كان فى إحساس بالنقص لم قابلت اسر إحساس الخنقه والاحلام المرعبه اللى كنت بشوفها راحت اسر كمان كان عنده إحساس بالضيق ومش قادر يتنفس أنتم بقى ليه كده مافيش أهم من وجودكم جنب بعض ومافيش حد يقدر يدخل بينكم ويزعلكم من بعض عشان أنتو ببساطه واحد مش اتنين فاهمين أي كان الخلاف بسبب ايه وعن ايه فهو ولا حاجه قاصد حضڼ الأخ اللى يكون سندك وامانك ماعرفتش يعني ايه امان وسند وضهر غير بوجودكم جنبي 
تطلع كل منهما للاخر باعين دامعه فقد شعرو بصدق كلماتها وكل منهما يحتاج للآخر 
اقترب علي ليعانق عمر بقوه انت واحشتني اوى 
عانقه عمر بشده واحشني حضنك اوي 
نظرت لهم بفرحه وتحدثت بمرح وأنا بقى ماوحشتكوش 
تلاحم الاشقاء فى عناق دافئ..
اشعل عمر الموسيقى الكلاسيكية ليتناولون الطعام وعندما انتهو اراد اشعال الكامب بالاغاني المفضله لديه .
لتجحظ انظارهم بذهول عندما وقف عمر بمنتصف الحلبه وهو يدندن بصوته بكلمات الاغنيه ويجذب تؤامه ليشاركه الآخر جنونه فى الغناء والرقص لتعلو ابتسامتهم من اجل هذا الثنائي 
ليقف معتز ويطلب من سما مشاركته أيضا هذه الثوره من الجنون 
وأيضا يجذب شقيقته رؤى وعندما حاول جذب ماجد رفض الأخير وفضل المشاهدة فقط .
نهض اسر هو الاخر وهو يمسك بيد شقيقته لتبتسم له وتنهض معه تقف جانبهم وتنظر لهم باعجاب فلا تعلم ماذا يجب عليها ان تفعل كانت تسقف لهم الى ان جذبها عمر ويطلب منها بان تفعل مثله لتحاول ان تتمايل معه 
كانت حياه تشاهدهم وتوثق اللحظه بكاميرتها لحظه سعاده لن تتكرر ..
بعد تلك اللحظات
السعيده خلد الجميع للنوم منهم من ظل ساهرا فقد جفاه النوم شارد فى محبوبته ومنهم من يحلم بسباق الغد والآخر يغط بنوم عميق ولا يحمل هم الغد ...
في الصباح استعدت الفتايات من اجل هذا السباق وارتدت كل منهما ستره جلديه سوداء وبنطال من نفس الخامه ورفعت كلاهما شعرها لاعلى وتضع خوذه اعلى رأسها وتقف بجانب السياره الرياضة التى سوف تقودها داخل السباق ..
وقف اكرم القائم على هذا السباق باطلاق الصافره لبدء السباق .
استقلت كل منهما السياره وثبتت الخوذه باحكام وانطلقوا فى طريقهم للوصول الى النقطه المحدده فى زمن قياسي يتجاوز الجميع ثم يعوده الى حيث نقطه البدايه ليعلن عن فوزهم ...
تطلع اليهم اسر عاصي ماجد معتز علي وعمر بترقب وقلق فجميعهم يشعرون بالخۏف الان ..
اقترب اكرم من معتز بدهشه 
مستر معتز معقول تبقى موجود وماتشرفنيش 
اهلا بحضرتك يا اكرم بيه معلش اعذرني بس البنات اصرو نقعد فى كامب بس هم هنا مشتركين فى السباق 
والله ده شرف ليه طبعا اخواتك 
اختى وبنت عمي وخطيبتي مشتركين فى السباق 
ربت على كتفه بود ان شاء الله حد فيهم يفوز بالسباق 
ربنا معاهم 
اقتربت منه زوجته وهى تعانق كفه وتنظر له برقه حبيبي لازم تتابع السباق بنفسك 
نظر لها ثم عاد ينظر لمعتز آسف يا معتز بس هشوفك تاني أكيد 
تحدث بضيق بعدما نظر الى ياسمين أكيد 
ابتعد اكرم وزوجته ليجلس ويتابع السباق باهتمام
كانت ايسل تقود سياره رياضيه صفرا ورؤى سياره حمراء وسما سياره سوداء اما حياه فقد كانت تقود سياره زرقاء 
وكل منهما تحمل رقم اعلى السياره وسط مجموعه من الشباب يتراوح اعدادهم باثنى عشر متسابق سوف يصل التصفيات النهائيه الى خمس متسابقين ثم شخصين فقط لينتهى السباق بفوز الشخص المناسب . 
اول جوله استمرت قرابه الساعه والجوله الثانيه خمسه واربعون دقيقه اما الجوله الثالثه والاخيره فسوف تستغرق نصف ساعه فقط ...
وصلوا الفتايات الاربع الى الجوله الثاني ولكن عند الجوله الثالثه لم يتبقي سوا ايسل وشاب اخر ..
لتتحمس الفتايات وهى تشجع رفيقتهم من اجل الفوز بالسباق .
وعندما اقتربت ايسل من خط النهايه ليعلن عن فوزها فجاه تقدم الشاب الآخر يجتازها بسرعه الفائقه ليتم الاعلان عن فوز الشاب 
ايهم الفقي ...
الفصل الخامس والعشرون 
وعندما اقتربت ايسل من خط النهايه ليعلن عن فوزها فجاه تقدم الشاب الآخر يجتازها بسرعه فائقه ليتم الاعلان عن فوز الشاب 
ايهم الفقي 
نفذ البنزين فجاه لتقف السياره قبل خط النهايه بمتر واحد فقط كان يفصل بينها وبين الفوز لينتهى الوقود فجاه لتعلم بانه مجرد خدعه ليس الا فشعرت بالضيق بسبب الغش التى تعرضت اليه من قبل اداره السباق والقائمين عليه لتترجل من سيارتها وتنزع عنها الخوذه وتحملها بين يديها لتتقدم الى وجود عائلتها لتجد الشاب يقف امامها وينزع الخوذه من اعلى راسه ويبتسم لها بسماجه ويمد يده ليصافحها 
احيكي على اصرار على الفوز ولكن خيرها فى غيرها 
نظرت له وليده وتجاهلتها تماما وهمست له قبل ان تتخطاه 
وأنا لا احيك على هذا الفوز لأنه خدعه مدبره 
ابتعدت عنه ليقف الشاب متسمرا مكانه فجاه انتبه الى الصوت المنادي باسمه من اجل الفوز بالسباق ليتقدم من والده المسئول عن هذا السباق ويبتسم له بثقه ليتم مصافحته وتقديم الجائزه المعلن عنها من اداره الفندق ...
اما ايسل فرفضت ان تتقدم وتصافح المسىولون عن هذا السباق المزيف أستغرب الجميع تصرفها هذا وظن منهم انها حزينه بسبب خسارتها لهذا السباق .
تقدم اسر ليضمها لصدره ويمسد على خصلاتها بحنان 
مش عايزك تزعلي يا حبيبتي ايه يعني مجرد سباق وكمان كفايه انك وصلتي للنهائي 
أشعر بالضيق بسبب استخفافهم بعقولنا كمتسابقين 
اقترب منها ماجد يريد منها تفسير تقصدي ايه يا ايسل مش فاهم 
هذا السباق قائم على الغش والخداع هذه ليست مسابقه نزيهه 
تحدث معتز بدهشه تقصدي عشان ابن اكرم هو اللى فاز بالسباق
جحظت عين ماجد ونظر الى شقيقه ايهم ابن اكرم 
هز راسه بالايجاب ايوه ابنه 
من اكرم 
نطقت بها ايسل 
أخبرها ماجد بانه القائم على السباق ومن احدى المسئولون عنه 
هزت رأسها بتفهم إذا فالامر واضح تماما يستغل السباق لفوز ابنه والنهايه محسومه من قبل 
تحدث ماجد بضيق فهميني اكتر ولو ليكي حق فى الفوز انا مش هسكت 
نظر لها الجميع باهتمام وهى تتحدث بجديه 
هذا السباق الضخم من المؤكد انه تم فحص السيارات قبل دخولها السباق من قبل متخصصين اليس كذلك 
ده الاكيد 
إذا لماذا سيارتي نفذ وقودها قبل وصولي لنقطه النهايه بمسافه قصيره جدا لابد وان يكون بها وقود كافي فلماذا حصل هذا الا انها مقصوده أنا افهم بالسيارات وبالقياده والطريق بفرنسا سريع واتقن القياده لذلك اعلم بان هذا الحدث استخفاف بعقولنا جميعا اللذين شاركو بهذا السباق الخادع ..
لم يتحمل ماجد هذا التصرف فوجدها فرصه لكى يسحق بهم فهو يشعر بالغيظ بوجدها سعيده وتنعم بالحياه المرفهه وصديقه تحت التراب وهى المتسببه بكل
ما حدث له ولصديقه فتقدم فى خطواته الى اكرم ووقف امامه يتحدث معه پحده 
لم شخص محترم زي حضرتك يعمل سباق يبقى يعمله بضمير ومايتسخفش بعقول الناس وبلاش الخدع عشان تنسبو الفوز لحد مايستهلش الفوز 
نهض اكرم من مجلسه بعصبيه انت بتقول ايه ايه الجنان ده يا ماجد انت مش عارف بتكلم مين ولا ايه 
للأسف عارف 
انت مضايق عشان ابني اللى فاز بالسباق وعشان كده فاكر ان غشيت لا فوق لنفسك اكرم الفقي مش محتاج يفوز ابنه على حساب غيره 
وتسمي اللى حصل ده ايه مستحيل تكون غلطه لم سياره متسابق البنزين يخلص قبل وصولها لخط الفوز تسميه ايه حضرتك غير انها خدعه ولا ماحدش كشف على العربيات قبل السباق ولازم تعرف ان ممكن اوديكم فى داهيه واقفلك الفندق بتاعك عشان اللى حصل يا محترم كان ممكن ياذى السياره ويضر المتسابقه اللى جواها وأنا مش هعدي اللى حصل بالساهل عشان دي حياة اختى اللى اتعرضت للاذى بسبب استهتراكم وغشكم فى السباق 
شهقت ياسمين ووضعت يدها اعلى كتف زوجها لكي تهدئه 
أكيد في حاجه غلط ماتتعصبش يا حبيبي
رمقهم ماجد بنظرات غاضبه وهم بالمغادره ولكن صوت اكرم القوي منعه من المغادره وهو ېصرخ مناديا باسمه 
استني عندك كلامنا ماخلصش ومش أنا اللى أقبل بالاتهمات اللى بتتهمه السباق قائم على اعلى مستوي ومافيش اى غلطه ممكن اسامح فيها ولازم تفضل موجود لم نتاكد من كلامك واللى قصر فى السباق مش هسامحه 
من المستحيل ان اجازف باسمي وسمعتي عشان مجرد سباق .
وقف ماجد يتطلع اليه ببرود تمام نشوف سيادتك هتتصرف ازاى 
صړخ اكرم بعصبيه مناديا على احدي الشباب المسئولين عن التنظيم واخر مسئول عن فحص السيارات ولم يقصر احد بعمله نظر الى ابنه بتسأل .
وانت يا ايهم ممكن اعرف فوزت بالسباق ازاى انت ليك يد باللى حصل 
ابتلع ريقه بتوتر وهز رأسه بالايجاب أنا اللى قللت البنزين من العربيه التانيه عشان انا اللى اكمل السباق وافوز بيه وده كله عملته عشانك 
جحظت عين اكرم پصدمه وهو يقترب من ابنه عشاني أنا
تحدث ايهم بانفعال ايوه عشان اخد ولو جزء بسيط من وقتك وكمان اهتماماتك تهتم