رواية مدللتي بقلم دينا

بس انا فوقت من وهم كنت عايش فيه طول السنين دي كلها مش هتعدا حدودي لكن نا جنبكم وقت متحتاجوني ومش هسيب اريج تمر بالفتره الصعبه دي لوحدها 
اريج تعبانه اوي بجد ي سليم بترجاك انسي ال حصل وانسي ال اتقال مفيش حدود بينا ي سليم متتعبنيش اكتر من كده انا مش عارفه الاقيها منين ولا منين 
سليم ان شاء الله هنسا ....
ف المستشفي
مصطفي انا بشكرك جدا ي انسه هند انتي بجد حاجه نادرة زي م قال الدكتور عماد بجد بنت هايله ربنا يكرمك يارب انا عمري مهنسي انك وقفتي سليم ع رجلو ف خلال الايام القليله دي 
هند ده شغلي ي فندم انا معملتش حاجه
مصطفي انتي صغيرة ي بنتي واالله بنتي اريج قدك وف طب بتمنا تبقا ممتازة زيك انتي قدوة لكل البنات ربنا يحميكي
عماد كان مبسوط اكتر من هند نفسها وانها شرفته ورفعت راسه ومخذلتوش وطلعت قدها .. تاني يوم بالليل ع الساعه. 5 المغرب وسليم راح المستشفي عشان يقابل هند ودور عليها وسأل كتير لحد م قالولو ع اوضتها وراح خبط عليها وطلعتلو ...
هند في حاجه ول اي قلقتني 
سليم لالا مفيش حاجه متقلقيش انا كنت جاي اعترفلك ع حاجه
هند خير 
سليم انا ارتحتلك اوي ي هند انا بجد محتاجك جنبي انا عايز احكي وافضفض واطلع ال جوايا ومحتاج حد جنبي انا حوليا كتير بس انا ملقتش رحتي ف ولا حد غيرك ااانتي صدقيني 
هند انا جنبك ف اي وقت ي سليم
سليم نقضي الليله دي برا المستشفي وبرا البيت نروح ف حته لوحدنا وهرجعك الصبح هند سكتت ومعرفتش ترد فكريي ي هند وردي عليا خليكي واثقه فيا هي ليله انا مش هعملك اي حاجه احنا بس هنقعد نحكي
هند انت شايفني ف نظرك اي ي سليم
سليم اي الهبل ال بتقوليه ده انت غاليه قوي ي هند وفوق دماغي وعمري م افكر فيكي تفكير وحش ع العموم نا كنت بتمنا الاقي حد جنبي بس خلاص مفيش داعي باي ....
مشي سليم وهند قعدت تفكر وهي اصلا محتاجه حد جنبها اكتر مهو محتاج فكرت فيه كتير وانه احسن شخص ممكن تقابله ف حياتها وانه مش زي الشباب التانيه لانها قعدت معاه اسبوع معظم وقتها كانو لوحدهم ف اوضه واحده ولو هو ولد وحش كان عمل فيها ما بداله بس كان بيعاملها بكل احترام وده شخص ميتخفش منه ويتوثق فيه وهي عارفه انه حواليه عيلته كلها بس هو حب يهرب عن عيون الناس ودوشه المجتمع ويقضي وقت معاها هي هي وبس ... جريت ونزلت وراه لحد م وصلتله وكان ركب العربيه وهيمشي راحت وقفت قدامها وهو وقف العربيه راحت هند فتحت الباب ال جنبه وركبت
هند شوف هتودينا فين
سليم بصلها وابتسم وهو بجد فرح من قلبو وعدل وشه لطريقه ومشي باقصي
سرعه وسافر ع اسكندريه ونزلو ف فندق قريب من البحر وحجز اوضتين وخلاها تروح ع اوضتها ..
سليم رن عليها حلوة الاوضه 
هند ايوة جميله جدا 
سليم هتلاقي عندك هدوم ع السرير البسي عشان ننزل
هند الوقت متأخر !
سليم هند وقت اي ال متأخر الساعه لسه 8 انجزي وكمان ربع ساعه هتلاقيني بخبط ع الباب .. باي 
هند بصت ع السرير ولقيت جيبه قصيرة وتيشرت قط لبستهم وبصت ف المرايه واول مره تلبس كده
وحست ان شكلها متغير للاحسن طبعا بدل الهلاهيل بتاعتها ال كانت بتلبسها فردت شعرها وحطت روج وكحل وقعدت ع السرير استنت سليم لحد م راح لعندها وخبط وفتحتلو وبص عليها من فوق لتحت باعجاب واضح
هند بتلف عشان توريه اللبس اي رايك فيا
سليم صغننه اوي ي هند 
هند اي اي نسيت مين ال عالجك وبيعالج تيتاا
سليم لا منستش بس بجد اللبس ده رجعك لسنك الحقيقي وخلاني عرفت انك صغيرة مش الشخصيه ال انتي متقمصاها 
هند يعني اي يعني 
سليم ولا حاجه ي صغيرتي تعالي بقا .. وحط ايده ع كتفها وهي جسمها قشعر ونزل بيها وراحو ع البحر وقعدو ع الشيزلونج استرخي عليه وبصي للميه اتمتعي بجمالها 
هند
استرخت وبصتلو اي هتعمل فيها دكتور نفساني صح
سليم لا ده انتي ال دكتوره وست الدكاتره
هند ع فكره انت ال المفروض تسترخي وتبص للميه وقامت ورجعت دماغه لورا وقعدت جنبه وفضلو باصين لبعض عينيك تسحر ي سليم و شعرياتك حلويييين مووت وحطت ايديها ع شعره وهو لف ايديه حوالين وسطها ونيمها ع صدره ... سليم !
سليم انتي كلك ع بعضك حلووة ي هند انتي جميله بكل م تحمله الكلمه من معني 
هند بس مش احلي منك وبعدت عنه وقامت من جمبه وقعدت بعيد 
سليم احم طيب خلي بالك من نفسك ثواني بس هروح اجيب اكل 
هند لالا متسبنيش انا هخاف خدني معاااك
سليم مسك ايدها يلا بينااا وراحو ع الفندق وطلبوا اكل وقعدو ياكلو هناك خلصو وخدها وطلعو اجرو مركب ليهم هم الاتنين بس
سليم ي عم متولي عايزك تلف بينا ع قد متقدر ... يلا ي هند 
هند سليم انا خاايفه اوي وشكل الميه بليل بيرعبني
سليم انا جنبك متخفيش من حاجه صدقي وخدها وركبو ومتولي طلع بيهم سليم قاعد وهند جنبه ومنيمها ع صدره وهي ماسكه ف هدومه وخاېفه جدا طب قوليلي خاېفه من اي 
هند بصراحه خاېفه من كذا حاجه 
سليم طب احكيلي وفضفضي احنا جايين هنا عشان كل واحد يحكي ال ف قلبو ..
هند انا مشيت وجيت هنا من غير م اقول لحد ولو حد عرف اني معاك لوحدنا ايامي الجايه هتبقا سودا وخاېفه منك وخاېفه من الميه دي
سليم بصي انتي جايا هنا باردتك انا مغصبتكيش يعني متقوليش خاېفه منك دي انتي لولا واثقه فيا مكنتيش جيتي ونا عارف عقلك كبير وبتفهمي 
هند ايوة بس البنت ف الحاجات دي بتبقا غبيه وبتبقا طفله اوي كمان بتفرح باي حاجه ومتعرفش الحاجه دي صح ول غلط. 
سليم حاجاات اي دي 
هند احم .. فكك متاخدش ف بالك
سليم انتي خاېفه ان اهلك يعرفو انك معايا هنا
هند انا لو اهلي موجودين مكنتش طلعت معاك
سليم ممكن تفهميني بوضوح 
هند انا مامتي متوفيه وعايشه مع ستي ام ماما
سليم ربنا يرحمها وباباكي فين
هند بابا متجوز ومعاه عيال ومش سأل فيا من ساعه متجوز وهو رماني وستي ال اخدتني كنت ف 6 ابتدائي وعندي صديقه كويسه جدا اسمها سلمي دي بنت الدكتور ال بشتغل عنده اول مدخلت الثانوي وكانت درجاتي كويسه هو حب يعلمني حاجات بسيطه عشان اساعدو لاني طلبت اشتغل وقبلها كنت بشتغل ف صيدليه ف مسكني من ايدي وعلمني وانا كنت بلقط المعلومات بسرعه شديده لما بقف معاه وهو بيعالج مريض كنت بركز ع كل تفصيله بيعملها وهو بيعالجو واحفظها كويس اوي وبعدين ال عندي ده حساه موهبه من ربنا نزلها عليا اني اساعد الناس مش عارفه اي الكلام ال بقولو ده بس اهو مجرد احساس 
سليم يعني انتي قضيتي معظم حياتك من غير ام ولا اب .. مستحمله ازاي ازاي ال حصل ده معملكيش عقده ي بنتي 
هند بفضل ربنا عليا ادااني القوة ال هعدي بيها المرحله دي ي سليم 
سليم انتي بجد قويه اوي انتي ازاي كده
هند احكيلي انت بقا عن حياتك
سليم مفيش يستي انا كنت طفل عايش مبسوط مع امه وابوه ف بيت صغير ع قدنا كنا عايشين عيشه بسيطه ولبسنا واكلنا بسيط العادي يعني كنا بنحب بعض جدا بس في فتره طلبات امي كترت كترت زياده عن اللزوم ومعرفش ازا كانت هي عامله كدا عن قصد ول لا ف ابويا مكنش معاه مقدرة ع انه يلبيلها طلباتها
فلاش باك 
هدي انت واحد بلا جدوي انا كرهتك وکرهت اليوم ال اتجوزتك فيه عملتلي فيها من عليه القوم لما جيت تتقدملي وفرشتلي الارض ورد معرفش اني هعيش عيشه مره ونا معاك كل م اطلب حاجه تقولي هتفرج معيش دلوقت خلاص خليك في ال انت فيه خليك طول عمرك م معاكش روح خد ابنك واشحت بيه لكن انا مش قعدالك فيها ابدااا ولمت هدومها وهتمشي وسليم مسك فيها 
سليمبكي اميييي متسبنيش ونبي خليكي معايااا بترجااكي متبعديش عني انا هتكسر من غيرك 
هدي ابوك فقير ي سليم انا مش هعرف اعيش العيشه دي انا اتخنقت وصبري نفزت انا زهقت من العيشه سللاااام ....
باك
سليم بعدها انا اټدمرت ي هند مكنتش باكل ولا بشرب وجاتلي حاله نفسيه واتحجزت ف مستشفي ل شهور وابويا اتجوز نبيله امي الحقيقيه هي دي الست ال يتعملها تمثال والله استحملتني واستحملت ابويا وفقرنا وبسببها طلعت من المستشفي وخفيت لحد م ابويا عمل مشروع وباع الارض ال عندنا ودخل بيها المشروع ده وكانت ايد امي ف ايد ابويا لحد م المشروع ده نجح وكسبنا فلوس كتير اوي واهو دلوقت شايفه انا عايش ف اي وبشتغل ف اي 
هند انت بتحب نبيله قد اي 
سليم بحبها قد العاااالم بحبها اكتر من نفسي بحبها فوق ما تتخيلي دي ااامي انا زعلت جدا لما نديتها ب مرات ابويا انا عمري م قولتلها الاسم ده قبل كده دايما اقولها امي
هند وامك الحقيقيه 
سليم نا بكرهها بكرههها من كل قلبي
هند طب واخواتك 
سليم اخواتي هم اخواتي بس. ..
هند بس اي 
سليم ملهمش معزه ف قلبي وعمري مهحبهم زي الاول ابدا ااابداا انا عايز انتقم منهم
هند متقولش كده ي سليم واتعدلت من عليه ومسكت وشه وعدلته ليها الاڼتقام مش حل كويس كده غلط 
سليم بص لعيونها وبعدين بص بعيد وقام وقف ومشي راح
ع اخر المركب وهي راحت وراه ارجعي لورا شويه خطړ الوقفه دي
هند امممم خاېف
عليااا صح قول انك خاېف عليا وبتحاول تستفزو عشان يتعدل ليها وتشدو جو المركب لان ف الحقيقه هي ال خاېفه عليه لايقع وهو حالته ونفسيته وحشين وممكن يعمل اي حاجه ف نفسه من غير ميعرف اي ال بيعملو ... 
سليم ايوة اكيد خاېف عليكي انا ال هشيل مسؤليتك لو حصلك حاجه
هند سليم 
سليم اي بقا
هند مسكت ايده وبتشدو بس هو ثبت مكانه وشدها وكان هيقع راحت زقته باقوي م عندها جوه المركب وايده فلتت من ايديها ووقعت في الميه .....
سليم هنننند ي هننند قلبو اتقبض وقلع القميص
ونط بسرعه ف الميه ومكنش شايف من الضلمه لحد م لمس ايديها