قصه كامله

اللي حلفته وقت التخرج فاكره ..انت اصلا فاكرربنا ياعلاء.
يبقي تقرا علي روحك الفاتحه ياخيري وافتكر اني جيت حذرتك ...سلااام .
وبعدالمقابله دي وعلاء قام متنرفز من عندي استنيت اليوم دا وقعدت في البيت كنت بفكر اقول واعمل اي للنيابه نمت من كتر التفكير والارهاق وتاني يوم جالي مكالمه من واحد وطلب مني اقابله لانه عنده معلومات تفيدني في القضيه لكن رفض يقولي اي هي ورفض كمان يقولي مين هو كان عندي شك انه ممكن يكون كمين معمولي لكن كدبت نفسي لبست ونزلت اروحله ولكن قبل ما افتح العرببه واركب لقيت اتنين مولسمين راكبين موتوسيكل نزلو من عليه ومش حاسس

غير بضړب علي دماغي من شده الضړب محسيتش باي حاجه غير وانا علي سرير في المستشفي وحوليا دكتور وومرضه بيقيسو الضغط ومتجبس وملفوف علي راسي شاش وجهت السوال للدكتور اللي واقف ..
_ااااه ااااااه انا فين 
حمد لله علي السلامه يبطل الحمد لله انها جات علي قد كده .
_ ليه هو اي اللي حصل 
انت مش فاكر اي اللي حصل 
_لا مش فاكر اي حاجه خالص 
انت بقالك اكتر من شهر هنا كنت في غيبوبه وعندك ڼزيف علي المخ واتعملك عمليه وبعدها دخلت في غيبوبه والحمد لله اديك قومت بالسلامة
_نزيف وغيبوبه لي اي اللي حصلي 
حدثه بس كانت جامده شويه اه انا عذرك للاسف انت فقدت الذاكره في الحاډثه دي بس ان اشالله خير ومع العلاق هتبداء تتحسن ...عن اذنك .
وقتها سابني الدكتور وانا مش فاهم اي االي حصلي ولا فاكر حدثه اي لحد مالقيت واحد داخل الاوضه عليا .....
الف الف الف حمدلله علي سلمتك يا خيري ............
مذكرات_هبه_عزام_الجزء_الاخير
وقتها سابني الدكتور وانا مش فاهم اي اللي حصلي واي هي الحاډثه انا حرفيا مكنتش وقتها فاهم ولا فاكر اي حاجه نهائي لحد ما دخل عليا زائر الاوضه ..
الف الف الف سلامه عليك ياخيري ...
_ مين حضرتك 
اي دا انت مش فاكرني يا خيري 
_للاسف لا مش فاكرك نهائي .
انا علاء درغام رئيس المباحث خبر اي يسياده النقيب متقلقنيش عليك 
_ رائيس مباحث اي
طب انت اخر حاجه فاكرها اي 
_انا اخر حاجه فاكرها لما قبضت علي دينا شربات حراميه الغسيل ..وبعدين مفيش حد بالاسم دا في النقطه عندنا في سوهاج ..
سوهاااااج اه لا انت كويس ياخيري كويس اوي كمان ...واتنقلت عندنا القاهره هنا ...انا همشي دلوقتي وهرجعلك تاني .....
بعدها مكنتش فاهم ليه الابتسامه اللي كانت علي وشه وانا بقوله كنت في بخدم في سوهاج لحد ما اتعفيت شويه واتكتبلي علي تصريح خروج ووصلوني لشقتي في القاهره اللي مكنتش فاكر عنونها ...وعدي عليا اسبوع واخد اجازه مرضيه من الشغل لكن في الاسبوع دا مكنتش مرتاح في حاجه في بالي عايز افتكرها لكن مش قادر اني اوصلها ...لحد ما في يوم بليل قاعد بتفرج علي فيلم في الصاله عيني راحت في النوم وغفلت شويه وحلمت بكابوس كان السبب في ان الذاكره ترجعلي 
لي عملت فيا كده 
لكني مش قادر ارد عليها نهائي 
لي عملت كده ليه سيبت حقي يروح انت الوحيد اللي كنت مرهنه عليه يرجع حقي وحق ناس كتير وقفت عن اللي بتعمله لي انا ضحيه ضحيه ضحيااااااااااااااااااااااه
_خير يست في حاجه .
الاه انا ام مريم الشغاله يبيه .
_ام مريم مين 
يبيه الشغاله اللي باجي كل اسبوع اروق الشقه .
مالك يبيه انت عيان.
_اه شويه تعالي اتفضلي بس متاكده
انك الشغااله .
هو انا هكدب عليك يعني ياباشا حد يكدب علي الحكومه ..
_طب تعالي