مهمشة بقلم اماني السيد

صديق 
طبعا يا سجده بحبك فوق ما تتصورى 
هو أنت ممكن فى يوم من الايام تفكر تتجوز عليا 
عمرى ما اعمل انتى مكنتيش عارفه كانت حالتى عامله ازاى فى الفترة اللى كنتى متجنبانى فيها ليه كنتى بتعملى كده يا سجده وليه بتبعدى هو أنا زعلتك فى حاجة 
عمرك مازعلتنى يا صديق ولا جيت عليا ابدا 
طيب ليه الهجر والبعد اللى بتبعديه ودايما ساكته ومكتئبه طيب ايه رأيك تروحى لدكتورة نفسية تتكلمى معاها ممكن يكون ضغط البيت ومسئولية الولاد كبيرة عليكى 
تانى يا صديق هتقولى دكتوره نفسيه شايفنى مجنونه قدامك 
والله ما اقصد خلاص يا ستى ماتزعليش اعتبرينى ماقولتش حاجه انا بس من قلقى عليكى 
بقولك ايه أنت هتيجى معانا لميار 
صمت صديق فميار كانت زوجته أيضا ويود زيارتها لكنه يعلم جيدا غيره سجده من ميار رغم حبها الشديد لميار وحاله والاكتئاب التى اصطحبتها فتره بعد ۏفاتها هو لا يشك في حب سجده لميار ولكن مؤخرا اصبحت غيره سجده من ميار ظاهره تجاهه هى لا تريد أن يتذكرها بالكلام امامها ولكن مسموح فقط لها وللاودلاد لن يتذكروها حسنا لن يذهب معهم ولكنه سيذهب بمفرده حتى يراعى مشاعر سجده 
لأ يا سجده مش هروح انا مشغول روحوا انتوا 
واحنا مش هنتاخر انا كلمت العاملات يجهزوا ١٠٠ وجبه من الاكل اللى كانت بتحبه ميار هاخده اوزعه وهاجى ونقعد معاها شويه 
خلاص يا حبيبتي لو احتاجتى حاجه عرفينى 
مر اليوم بدون احداث جديده فى اليوم التالى كعادته ذهب صديق لمباشرة عمله ووجد هاتفه الشخصى يرن برقم غريب استغرب كثيرا لأن ذلك الرقم برايفت اجاب صديق على الهاتف وجد صوت امرأه 
السلام عليكى
وعليكم السلام أستاذ صديق معايا 
أه انا مين حضرتك 
انا دكتوره عائشه طبيبه نفسيه 
أهلا وسهلا بس حضرتك جبتى رقمى منين وهل فى خدمه اقدر اقدمهالك
جبت رقم حضرتك من سجده مراتك هى مريضه عندى واتمنى إنك ماتبلغهاش انى كلمتك 
سجده مراتى انا بتجيلك انا اسف مش مصدق 
عارفه إن حضرتك ممكن ماتصدقش بس المفروض انها سيبالى رقمها عشان احدد معاد معاها مره تانيه عشان نكمل الجلسات ولما طلبنا رقم اضافى سابت رقم حضرتك 
انا عايزه حضرتك تشرفنى فى العياده ونتكلم شويه بخصوص مدام سجده 
طيب مناسب امته 
ياريت فى اقرب وقت لو انهارده ينفع 
تمام انهارده الساعه ٦ ٠٠ هعدى عليكى مناسب ابعتيلى اللوكيشن عشان اعرف اوصل 
مناسب بس زى ماوضحت لحضرتك اتمنى مدام سجده متبقاش على علم بالزيارة دى ومجرد ما هقفل مع حضرتك هبعتلك رساله باللوكيشن 
حاضر على معادنا باذن الله مع السلامه 
بعد إغلاق الهاتف سرح صديق أحقا سجده ذهبت لطبيبه نفسيه هو تحدث معها بالأمس وواجه هجوم منها هل تعانى سجده حقا من اكتئاب عليه الذهاب وفهم الامر 
هاتف صديق سجده واطمأن عليها واجابته سجده بشكل طبيعى
عامله ايه يا حبيبتي 
بخير يا حبيبي 
وحشتونى قولت اطمن عليكوا 
احنا بخير قاعدين بنلعب فى الجنينه حاول تيجى بدرى انهارده 
لأ انا هتأخر حوالى ساعتين انهارده اتغدوا انتوا واستنونى على العشا 
طيب ايه رأيك ناخد الولاد ونتعشى بره انهارده 
زى ما تحبى خلاص هكلمكم وانا فى الطريق تجهزوا نفسكم وخاصة هنا وسنا عشان بياخدوا وقت طويل 
هههههههههههه ايوه مش بقوا انسات عندهم ١١ سنه 
هههههههههههه بيكبرونا معاهم 
اتكلم عن نفسك لو سمحت انا محدش بيدينى ازيد من ٢٢
بيظلموكى كبيرك ٢٠ سنه 
انتهى صديق من المكالمه و ذاد شكه تجاه تلك الطبيبه فسجده تتعامل معه بشكل عفوى معادتها عموما سيذهب هو لم يخسر شيئا 
انتهى العمل وجاء موعد الطبيبه وذهب صديق للعياده ووجد السكرتيره تجلس بالخارج ابلغها بأنه على موعد مع الدكتوره وعندما أعطاها اسمه أكدت السكرتيره الحجز ودخلته فورا للطبيبه
السلام عليكم 
وعليكم السلام أستاذ صديق اهلا بحضرتك 
أهلا بيكى حضرتك كلمتينى انهارده بخصوص سجده وقولتى انها بتجيلك 
ده حقيقي هى كانت عندى امبارح 
بس هى مقالتليش انها جتلك و سجده عمرها مخبت عنى أى حاجة أبدا 
طيب الفترة اللى فاتت حضرتك لاحظت تغيرات عليها 
أنا مش هجاوبك غير لما أتأكد أصل انا عارف مراتى عمرها ماتعمل حاجه من ورايا 
طيب أنا هأكد لحضرتك 
قامت الطبيبه بتشغيل كاميرا المراقبه على موعد وصول وموعد ذهاب سجده ورأى صديق المده التى جلستها برفقه الطبيبه ورأى المبلغ الذى دفعته كشف للطبيبه 
ها حضرتك أتأكد من الموضوع ده 
تمام طيب انا ممكن اعرف حالتها 
تشخيص حالتها ده هيتوقف على كلام حضرتك 
إزاى مش فاهم 
كلام سجده ليه ده سرى حدا وأنا مش هقدر ااقولهولك غير فى حاله واحده لو سجده حاولت ټأذى نفسها او غيرها 
هى حالتها صعبه كده 
لأ انا بقول امته اقدر اكشف سر مريض غير كده لأ 
طيب حضرتك محتاجه تعرفى ايه 
حضرتك كنت متحوز واحده تانيه غير سجده اسمها ميار 
أه 
وايه سبب الإنفصال 
انا منفصلتش عن ميار 
ميار ماټت بس ايه علاقتها فى كلامنا 
ظلت الطبيبه تدون حديث صديق وتقارنه بحديث سجده حتى تتأكد من تشخيص الحاله 
طيب يعنى معنى كده انك فعلا جمعت بين ميار وسجده كزوجين 
مستحيل طبعا اعمل كده لأن شرعا حرام
ازاى انت راجل والشرع محلل ٤ 
سجده وميار يا دكتوره اخوات ازاى اجمع بينهم أصلا 
طيب ممكن تحكيلى من البداية خالص اتعرفت إزاى على ميار واتعرفت ازاى على سجده 
صمت صديق يفكر هل يجب أن يتحدث عن ماضى أغلق من سنوات هو لا يعرف وضع سجده وبالكاد اقتنع إنها اتت لتلك الطبيبه 
نظرت له الطبيبه التى كانت تشجعه على الحديث 
ميار وسجده اخوات ميار أكبر من سجده بخمس سنوات كنت بتشغل في نفس الشركه اللى فيها ميار كنت لسه ببدأ حياتى موظف في شركه استيراد وتصدير وميار كانت محاسبه فى الشركه وانا كنت مندوب اتعرفت عليها وقربنا من بعض واتقدمتلها فى البداية اهلها كانوا رافضين لكن اتجوزنا 
وقتها كان بقى ليا علاقات مع مصانع فى الصين فإشتغلت مورد بقيت أورد منتجات جمله وكان شغلى بين هناك وهنا والحمد لله قدرت اعمل لنفسى اسم فى السوق ومنكرش مساعده ميار ودعمها الكبير ليا كانت دايما بتشجعنى ولو قلقت او خفت من حاجه كانت تطمنى وباعت دهبها الخاص بيها والشبكه بتاعتها بس انا عوضتها عن كل ده جبتلها شقه باسمها والدهب جبتهلها الضعف بعد سنه ونص من جوازنا حملت ميار فى بناتنا هنا وسنا وللأسف بعد الولادة حالها حمى النفاس ومحدش قدر ينقذها 
طيب علاقه سجده وميار كانت ايه وانت ازاى قريت من سجده 
اتمنى تكون الالغاز وضحت قدامكم بس برضو مانستعجلش احنا مش ملايكه وهنعرف فى النهايه مين الصادق ومين الكاذب 
الرواية مختلفه والفكره جديده عشان كده البعض اتلغبط
مازال الحديث مستمر بين صديق والدكتوره عائشه وتطرقت الدكتورة لاسئله عن نوع العلاقة بين سجده وميار 
أستاذ صديق ممكن أعرف نوع العلاقة اللى كانت بين ميار وسجده هل علاقة قوية او سطحيه حب غيره كده يعنى 
بصى العلاقة بين سجده وميار كانت غريبه كانت علاقة أم ببنتها كانت ميار متعلقه جدا بسجده وسجده برضو انا فاكر يوم فرحنا كان سجده عندها حوالى ٢٠ سنه وفضلت ټعيط جامد وميار كانت سايبه الفرح وكل شويه تروح تحضنها رغم إن سجده ليها ام واخوات لكن كانت هى وميار علاقتهم قويه جدا وكانت سجده بتفرح بسفرى عشان ميار بتروحلهم 
كيب علاقتك بسجده ايه قبل الجواز من ميار وبعده 
شبهه معدومه انت ظروف شغلى بتخلينى اسافر كتير ووقف سفرى اغلب وقت ميار عند اهلها فلما باجى بيكون اهتمامها منصب عليا 
طيب والدتت سجده كانت علاقتها ببناتها الاتنين ايه 
افتكر انها علاقه عادية لانها من النوع اللى بيفضل الصبيان اكتر من البنات 
ظلت الطبيبه تسجل كل الملاحظات التى يقولها صديق 
طيب انت علاقتك مع ميار ايه كنت بتحبها 
كنت بحترمها وليها معزه فى قلبى احنا جوازنا كان غريب كان فى حاجة بتشدنا لبعض مش حب لا احترام اعجاب تقدرى تقولى تفاهم ولحد اخر لحظه في حياتها علاقتنا كانت كويسه جدا 
طيب اتجوزت ليه سجده او نأجل السؤال ده قربت من سجده ازاى 
بعد وفاه ميار الله يرحمها مكنش ينفع اربى بنتين لواحدى وعمرى عمرى مهأمن لداده عليهم وامى ست كبيره مش هتقدر تراعى اطفال وغير كده بعد جوازى هى راحت عاشت جمب اخواتها فى اسكندرية فبرضو مكنش ينفع اودلها البنات واروح ازورها كل شهر زى ما بعمل 
كان الوضع الطبيعي فى الوقت ده انى اجيبلهم داده بس لازم يكون فى حد متابعها صراحه اهل ميار فى البداية قالوا احنا هناخدهم ومش عايزين دادات دول لحمنا بس انا اصريت الغريب إن سجده كانت بتهتم بيهم بشكل غير طبيعى كانت حنينه عليهم مكنتش بتخلى الداده تعمل حاجه ليهم لدرجة انها مشيت لواحدها سجده كانت فعلا امهم مش خالتهم لما كنت بسافر كنت طبيعي اتصل بيها عشان اشوف البنات واطمن عليهم وكنا بنتكلم كتير عن البنات وكل حاجه اتعلموها جديده وبقيت اشوف حماسها مع البنات ڠصب عنى بلاقى نفسى بقرب منها اكتر وهى كمان كان الشعور متبادل بينا فضلنا كنا حوالى سنه كان وقتها البنات عدت السنه ونص وبعدها الموضوع اتطور لانى بقيت اخرج البنات فهى بتخرج معانا حسيت وقتها بجو الاسره 
يعنى معنى كلامك نسيت ميار بمجرد ما قربت من سجده 
لأ مش بتتحسب كده أولا انا فضلت حوالى ٦ شهور قافل قلبى وغير كده انا راجل ليا متطلبات وده أمر

الله وأنا راضى بقضاءه يا دكتوره طبيعي جدا انى افكر في الارتباط من واحده لو الواحده ظى عجبتنى وسجده مش بس عجبتنى لا أنا حبيتها كانت عكس ميار كانت شقيه 
سجده اتطفت بعد وفاه اختها وفضلت فتره قافله على نفسها اللى خرجها من حالتها بعد وفاه اختها بنات اختها
طيب سؤال لازم أسأله سامحنى عليه بعد ارتباطكم انت وسجده محستش إن سجده لامت نفسها على حبها ليك 
كتير كتير جدا جدا جدا كانت بتقولى المفروض قلبك ده يبقى ملك اختى مش ملكى انا دايما حاسه انها اخدت حاجه بتاعت ااختها كتير جدا حاولت اوضحلها إن انا انسان 
مش حاجه لكن كل فترة يجيها شعور الذنب لدرجة انى لقتها مره بتقولى فى الجنه هتختار مين فينا أنا ولا اختى 
طيب شعورها ده مع الوقت اتغير او كلامها وتصرفتها اتغيرت 
بصى عارفه كان جواها دايما أمنية انها ترجع الماضي واعرفها هى الأول واتجوزها هى الأول وهى اللى تكون وقفت جمبى وساعدتنى مش ميار 
هل انت بتذكر ميار كتير قدامها 
طبيعي الاولاد يسألوا عن والدتهم فأنا حكيتلهم إزاى مامتهم ست طيبه وعملت معايا ايه عشان يبقوا فخورين بيها 
طيب هل بتفضل هنا وسنا عن سجود وسند 
استحالة كلهم ولادى زى بعض بالظبط 
مين سمى سجود وسند 
انا 
ليه سميتهم الاسماء دى 
سند عشان هو الولد والراجل ويكوون سندى لما اعجز وياخد باله من مامته واخواته 
وسجود سمتها كده عشان يبقى اسمها قريب