اختبار عشق
وجسمها كلو بيترعش وهو باصص قدامة بتوها ...نزلت من العربيه وهو نزل وراها ڠصب عنه وبسرعه شدها لحضنه من غير ولا كلمه وهي اڼفجرت في العياط خالد متسيبنيش انا مليش غيرك اووعي تمشي يا خالد ... ارجوك متكسرنييش ... يااارب كل دا يكون حلم يارب
خالد خرجها من حضنه وباس راسها كأنه بيودعها وهي هزت راسها برفض ساب ايديها للي متبته فيه و أداها ضهره ومشي وهي قعدت مكانها بقهره ...
مليكة بصت لاخوها بملامح مش مفهومه ودموعها نازلة طلعني اوضتي ...
احمد قام سندها وطلع بيها الشقة و الكل استغرب حالتها ...
تمارا مرات احمد مليكة !! في اي ..
مليكة قربت منها ورمت نفسها في حضنها وعيطت ... تمارا مسدت علي شعرها بحنان وقلق مالك يا حبيبتي فيكي اي وفين خالد ..
تمارا باستغراب اي للي حصل وخالد مطلعش معاكي ليه ...ليه مشي
مليكة بعيااط انا مش هينفع اكون ام ...وهو مش هيقدر يكمل معايا كدا هو مشي سابني يا تمارا...خاالد سابني
احمد پصدمة يعني اي مش هتكوني ام .. ويعني اي مشي ومش هيقدر يكمل ...هو قالك كدا ..
مليكة هو مقالش حاجة خاالص هو سكت سكت بس ...
خالد رجع بيتهم دخل اوضته من غير ولا حرف قعد علي السرير بۏجع يعني اي انا مش هكون أب ... مش هنعرف انا ومليكة نكبر عليتنا ... اااااه يااارب الموضوع صعب ياارب ...
ناهد دخلت عنده خالد في اي يا حبيبي... في حاجة في التحاليل ...
ناهد وانت عملت اي قولت لها اي ..
خالد مقولتش سيبتها ومشيت ...
ناهد الحمد لله انك عملت كدا ... وسمعت الكلام وعملت التحاليل ... كان زمانك مدبس فيها وهي مبتخلفش... كويس انك سيبتها...
دلال دخلت پصدمة انت سيبتها يا خاالد ... انت اكيد بتهزر ..يعني دي اخرة حبها ليك ...
دلال طمنتها ياخالد قولتها مش هسيبك ...
خالد افتكر كلامها خالد متسيبنيش... انت هنسيبني ... خالد متكسرنيش ... وبص لاخته لا مكلمتهاش انا مشيت علطول .. تليفون دلال رن وكانت مليكة ردت بسرعة وفتحت الاسبيكر......
مليكة بعياط خالد سابني يا دلال .. انا مش هخلف مش هكون ام وخالد سابني ومشي .. قلبي واجعني يا دلال .. هو سابني بس انتي مش هتسيبيني احنا اصحاب من قبل ما احبه ...متسيبنيش يا دلال معدش ليا غيرك انتي واحمد وتمارا ... حتي مش هيكون عندي بنت اتحرمت من امي وابويا زمان ... ودلوقتي من اني اكون ام ومن حبيبي ...
دلال بعياط عمري ما هسيبك ابداا وخالد ...
مليكة تليفونها فصل حضنت نفسها وعيطت ... وتمارا بټعيط عشانها ماهي مش بس اخت جوزها دي اختها الصغيرة ...
دلال بصت لاخوها قوم روح لها خدها في حضنك وطمن قلبها ياخالد ...كفايه عليها صدمة واحدة ..
خالد فاق لنفسه وقام يتحرك ناهد مسكت دراعه انت رايح فين انت مش هتروح في حتة وانسي انك كنت تعرفها
