ليه يازمن الفصل27 الجزء الثاني
لو فيه خير ليكم.
وراح الراجل عند مراته وهو مش قادر يصدق فرج ربنا عليه و فرحته إن دعائه إتقبل عند ربنا.
أدهم خلص كل الإجراءات وطلع فوق فضل قاعد جنب باب العمليات بيدعي ربنا إن يقوم مليكة بالسلامة وجملة الراجل رنت في وذانه.
لو فيه خير ليكم ياه حكمة ربنا عظيمة حتى في المصاېب قال يناجي ربنا ينجي مراته من المحڼة دي.
إفتكرت كلام سهى إنه لازم تتأقلم مع الحياة اللي هي فيها تستغل ده تعيش حياة كويسة حياة حلوة فعلا هدومها بسيطة مش مستمتعه بالنعم اللي ربنا إدهالها لا بتروح صالونات ولا تعمل مساج ولا تنظيف بشړة ولا أي حاجة.
فارس حب فيا إيه طريقته كانت حلوة أوي ستايل وجمال و دلع وهي عكسه ست عادية وتقليديه بس إزاي تغير حياتها الحمد لله فارس مش حارمها من حاجه.
لازم تهتم بنفسها وبلبسها و شعرها بلاش لبس عشوائي لبس مش أنيق فارس بيلبس بدل ماركة وحتى لما بيلبس كاجوال بيكون لبس متناسق و أنيق.
فارس
ما صحتنيش ليه
مريم
شفتك تعبان ما هانش عليا أصحيك.
فارس
مالك بتفكري في إيه
بفكر في حياتنا هتكون إزاي بعد اللي حصل بينا.
فارس
قولي الحمد لله مهما اللي حصل كان صعب علينا بس تأكدنا إننا بنحب بعض وإننا ما نقدرش نبعد عن بعض و كمان إنك كويسة وإنك ممكن تحملي تاني يعني كل الأفكار الۏحشة إللي في دماغك تروح.
مريم
عندك حق.
فارس
طيب غيري خلينا ننزل نتعشا.
فارس.
فارس
قلب فارس.
مريم
إتجوزتني ليه
فارس فضل يبص ليها و يستوعب السؤال المفاجئ.
فارس
إيه السؤال الغريب ده
مريم
أرجوك جاوبني.
فارس فهم إن مريم بتحاول تفهم كل حاجه بتحاول تسترجع الأمان معاه والثقة.
فارس
بصي يا مريم أنا من أول مرة شفتك في الحفلة أعجبت بيك و الصراحة ماما هي إللي أعجبت بيكي و قالتلي هي دي البنت اللي تستاهلك عرفت إنك متجوزة بيني وبين نفسي زعلت صورتك فضلت في عنيا عارفه ليه
مريم ليه
فارس
