ليه يازمن الفصل31
انت في الصفحة 1 من 4 صفحات
الجزء الثاني الفصل الواحد و الثلاثون....
ليه يازمن
وصل ياسين الحارة وهو قلقان بعد ما حاول يتصل بسناء كتير تليفونها غير متاح إتصل بأمه و أبوه..
إستقبله أوسطى حسن.
حسن
طمنا إيه الأخبار
باسين
أخبار إيه
حسن
المدام ده طول اليوم وهي بتصوط والحارة كلها وقفت على رجل وأنا بنفسي أخدتهم المستشفى.
ياسين
قصدك إن مراتي بتولد
حسن
أيوه ربنا ينتعها بالسلامة.
ياسين
مستشفى إيه
حسن .....
ياسين راح يجري المستشفى في وقت قياسي وصل لقا أبوه وأمه برا.
صباح
ألف مبروك يا بني.
محمد
يتربوا في عزك.
ياسين
سناء عامله إيه
صباح حست إن ياسين متع صب ومش على بعضه.
كويسة بس إدوها حقنة و نايمة و الأولاد في الحاضانه.
ياسين
اللي حصل ده مش مسامحكم عليه إزاي مراتي تولد وأنا آخر من يعلم و أزاي هي تطلع من غير إذني ازاي أول ولادة ماكنش معاها
محمد
حقك عليا يا بني.
ياسين
ممكن افهم اللي حصل.
صباح
مافيش يابني كنا قاعدين لحد ما ابتدت تصوط ما عرفناش نعمل إيه وهي طلبت مانتصلش بيك علشان ماتتخضش وانت مشغول.
إزاي تطاوعوها إنتم عارفين إن سناء بتستحمل أي حاجه المهم أنا أبقى كويس.
محمد
يابني أول ما قالت كده إتلخمنا ونزلنا وأسطى حسن كثر خيره وصلنا هنا.
ياسين
إتصلت كثير بيكم.
صباح
كل الموبايلات في البيت.
ياسين
أنا مش عارف أتصرف أزاي مشاعري متلخبطة وفرحان و زعلان أنا كنت بحلم باليوم ده اللي أكون مع سناء فيه أنا وعدتها أدخل معاها و ماسيبهاش لحظة واحدة.
ربنا يفرحكم كمان و كمان أهو ربنا عوضكم بتوأم. هو إنتم كنتوا عارفين إنهم توأم
ياسين
أيوه بس أنا اللي طلبت من سناء ماتقولش لحد و اقضوا حوائجكم بالكتمان وهي كانت محرجة إنها خبت عليك.
صباح
لا يابني عمري ما ازعل من مراتك دي بنت ناس وكفاية إنها شايلاك من الأرض شيل.
محمد
الحمد لله يا صباح ربنا رزقنا بأولادنا وربيناهم تربية صالحة وحتى زوجة كل واحد ماتتفضلش عن الثانية لك الحمد والشكر.
أنا عايز أشوف سناء.
صباح
روح شوف ولادك الأول.
ياسين
والله مايحصل إلا لما أطمن على مراتي ونشوفهم مع بعض.
جات الممرضه تبلغهم إن سناء إبتدت تفوق ياسين راح يجري عندها.
محمد
خليك هنا يا صباح سيبيهم لوحدهم.
صباح
قلتلك إنها حامل في توأم و ما صدقتنيش.
محمد
صباح
أنا هعمل سبوع كل الحارة تتحاكى بيه.
محمد
وأنا كنت نادر ندر مع نفسي إني أذبح عجل لو ياسين ربنا رزقه بعيل من صلبه.
ياسين دخل الغرفه شاف سناء وشها أصفر بتحاول تفتح عينيها بإرهاق شديد.
ياسين
حمد الله على السلامة حبيبتي حمد الله على السلامة يا شريكة حياتي حمد الله
