ها يا أنسة.. قصه مشوقه

ها يا آنسة هسألك السؤال المعتاد بتاع كل إنترفيو .. شايفة نفسك فين بعد ٥ سنين
واقفة في المطبخ بعملك مكرونة وبانية
وأنا مالي أنا
ما إحنا هنتجوز
ومين إللي قالك إني عايز أتجوز
أنا
وبعدين يوم ما أتجوز هتجوزك إنتي
هي أمك عايزة تجوزك بنت خالتك ولا إيه شكلها إيه أوعى تقولي إنها أحلى مني
في إيه يا آنسة إيه التدخل إللي في حياتي ده

حياتنا .. اسمها التدخل إللي في حياتنا
حاجة غريبة جدا أنا مشفتش كدا
أديك شوفت .. ها تحب نعمل الفرح في الجوهرة ولا اللؤلؤة
اللهم طولك يا روح
إنت واضح إن خلقك ضيق أوي
أوي
إيه ده لا لا مينفعش يبقى في شرب سجاير ع الريق كدا .. فطرت ولا أحضرلك فطار .. قول متتكسفش
إنتي عبيطة
لا منال
طب يا منال والنبي ركزي معايا شوية .. إيه هي مؤهلاتك
بعرف أطبخ وأكنس وأمسح .. من الأخر مش هخليك محتاج حاجة
مؤهلاتك العلمية والدارسية
اه تقصد الشهادات يعني .. لا لا متقلقش من الناحية اي موضوع مذاكرة سيف وملك
ملك وسيف مين
ولادنا إن شاء الله
ولاد مين ها سمعيني تاني
ولادنا ولا إنت ناوي تخلى بيا
لا ده إنتي عبيطة رسمي .. يا آنسة منال ركزي معايا شوية
لا قولي يا منال عادي .. حد بردو يقول لخطيبته يا آنسة
خطيبته نص ثقتك في كلامك .. تعرفي أنا لو معايا ربع ثقتك دي .. شوفي ربعها بس كنت كسبت كاس العالم
مش مهم كاس العالم المهم إنك كسبت قلبي
يا باااااي ع الرخامة
صحيح بالنسبة للرخامة بتاعه المطبخ
مطبخ إيه
مطبخ بيتنا يا أحمد في إيه .. الرخامة كانت عايزه تتغير عشان ممكن لا قدر الله تقع عليا ټموتني ولا حاجة
يا رب يا شيخه يسمع منك ربنا
بتدعي على مراتك يا أحمد .. أنا مش قعدالك دقيقة واحدة في البيت بعد النهاردة .. والله لا أنا رايحة لبيت أهلي
يلا المركب إللي
تودي .. دي مبقتش عيشه
إيه ده إنت مش ه تترجى فيا .. طب مش ه تبكي عليا
في إيه هو أنا إيهاب توفيق .. وبعدين بقى فوكك من الهطل ده و خلينا نخلص أم الإنترفيو ده .. إيه طموحك لو أتقبلتي في الوظيفة دي
هقدم إستقالتي وأبقى شمعة تحترق لتنير الطريق لقرة عيني جوزي إللي هو إنت
شمعة لما تبقى تحرقك يا بعيدة .. ي ستي ركزي معايا
ستك ده إنت إللي سيدي وتاج راسي
يااا ع التناحة
المهم بس هتيجي تطلبني من أبويا إمتى
تصدقي بالله أنا كنت كاره الجواز ومكنتش عارف السبب .. دلوقتي عرفت السبب
فوكك أنا هنسيك كل ده
إنتي عارفة إيه إللي مصبرني على الإنترفيو ده
أكيد سحر عيني مش قادر ټقاومه صح
سحر لما يبقى يقلبك شجرة
شجرة الله إنت رومانصي أووي .. شجرة نقعد تحتها في وقت العصاري تضلل على قصة حبنا
أنا إللي مصبرني هو إن مفيش غيرك أصلا .. طب هسألك