روايه ابني ليل الكاتبه اميره اسامه
تعمليلي معاكي قهوه لحد ما اطلع البس
دره انت خارج
يوسف اه في ورق مهم نسيته في المكتب لازم اروح اجيبه هطلع اخد شاور بسرعه و أغير هدومي تكوني عملتي القهوه هشربها واخرج
دره اوك تمام
طلع يوسف على اوضته خد هدوم ودخل ياخد شاور
استنت دره خمس دقايق وطلعت وراه بسرعه حطت ودنها على الباب مكانش في صوت فتحت براحه ودخلت واتأكدت انه بياخد شاور من صوت المايه راحت بسرعه على موبايله وشافت اخر رقم متصل بيه استغربت لما لمحت اسم D M هو نفس اسم المستثمر اللي لمحته في الورق بسرعه حفظت الرقم على موبايلها وخرجت من الاوضه ونزلت على تحت وهي بتفكر وبتسأل نفسها
دقايق بسيطه ونزل وهو لابس
ديما بابي ما تاخدني معاك
يوسف بتوتر اخدك معايا فين يا ديما وانا رايح اتفسح وبعدين الجو برد عليكي انتي عايزه ايه
ديما كنت عايزه حجات من الماركت
دانه وانا كمان
يوسف طيب شوفوا محتاجين ايه وانا هخلص مشواري وهجبلكم اللي انتوا عايزينه شوفي انتي كمان يا دارين ابعتولي على الواتس اللي محتاجينه
يوسف مش عايزه حاجه من بره يا دره
دره لا شكرا يا يوسف
مسك يوسف القهوه كانت بردت فا شربها على طول
يوسف يلا انا هخرج يا بنات ابعتولي على الواتس وانا هشوف
دارين اوك يا بابي
ديما متتأخرش
يوسف اوك يلا باي
خرج يوسف وركب عربيته في اللحظه دي مسكت دره موبايلها وعملت انها بتتكلم
دارين في ايه يا مامي هتخرجي الوقت وبالتريننج
دره طنط دينا كلمتني و كانت بټعيط
دانه ليه مالها
دره مش عارفه بس قالتلي انها
محتجاني ضروي هروح اشوفها بس محدش يقول لبابي بدل ما يسيب اللي في ايده ويجي ورايا خلوه يشوف شغله وعشان كمان طنط دينا تتكلم براحتها
دارين اوك يا مامي بس متتأخريش
ديما انا بعت خلاص
دره اوك يلا باي خدت دره مفاتيح عربيتها وخرجت جري على بره بالترنج زي ماهي ولمحت عربيه يوسف من بعيد راحت وراه كانت بتحاول تكون بعيد عنه عشان ميلمحهاش
مر حوالي عشرين دقيقه سواقه بدأت دره تستغرب من الطريق لانه مش طريق الشغل ولأنها حافظه الطريق ده عن ظهر قلب وهنا بدأ قلبها يتقبض شويه بشويه لكن حاولت تهدي نفسها ومتتسرعش في التفكير اللي جه في بالها
وقفت دره من بعيد وهنا كانت صډمتها
لما ركن يوسف العربيه قدام الڤيلا بتاعت دينا صاحبتها
حطت دره ايدها على قلبها مش مصدقه وخاېفه يكون اللي جه في بالها صح قربت شويه بالعربيه اول ما دخل يوسف من باب الڤيلا نزلت بهدوء بصت من بره كان دخل وقفل الباب دخلت بسرعه من الجنينه وراحت على الشباك بهدوء تشوفهم
حاولت تسمع اللي بينهم على قد ما تقدر
دينا وحشتني
يوسف انتي وحشتيني اكتر
دينا طيب ايه هتفضل واقف كده
يوسف مش عايز اتأخر انا قايل لدره اني ناسي ورق مهم في المكتب يعني مش هقدر اطول انا جيت بس عشان قولتي عيزاني ضروري
دينا ايه خاېف من دره
يوسف بلاش كلام عبيط يا دينا مش خاېف
بس دره من وقت ما عرفت اللي حصل وهي مش على بعضها ومركزه معايا وانا مش عايز مشاكل عايزين كل حاجه تحصل زي ما خططنا بالظبط
دينا اه بس متنساش وانت بتخطط اني مراتك يا يوسف زيي زيها انا بقالي ثلاث سنين مستحمله وساكته وراضيه اني اكون مراتك في السر وخلاص جبت اخري
وهنا حست دره ان قلبها بيقف حرفيا متجوزها وكمان بقالهم ثلاث سنين دينا صاحبتها اللي ملهاش غيرها في الغربه ټخونها بتشوفها تقريبا يوميا ومع بعض ديما وهي متجوزه جوزها وكمان بيخططوا من وراها عشان ياخدوا فلوسها
يوسف مش ناسي يا دينا وعارف انك تعبتي معايا بس زي ما قولتلك محتاج وقت دره عرفت ان فلوسها اتسحبت عشان توسيع المشروع اكتر لكن متعرفش ان انتي الشريكه الجديده وهي مصممه تتعرف على المستثمر لانها شاكه فيا ومش قادره تعدي اني ساحب الفلوس من اربع ايام و مقولتلهاش
دينا كده كده هتعرف يا يوسف وانا بيتهيألي ده تضيع وقت لازم نواجه بقى لاني تعبت بجد
يوسف اكيد هنواجه يا دينا بس انا كل اللي عامل حسابه البنات مش عايزهم يتأثروا باللي هيحصل
دينا يوسف احنا قبل ما نعمل كل ده اتكلمنا في كل الحجات دي في النهايه دره اكيد يا هتكمل معاك ڠصب عنها وترضى بالامر الواقع يا هتطلب الانفصال ودي حاجه انا واثقه منها
يوسف انا كمان عارف ومتأكد ان دره هتطلب الانفصال
دينا وفين المشكله مش هو ده اللي احنا عايزينه و بنخططله من يوم ما اتجوزنا ان دره مش هتبقى في حياتنا ولا انت رجعت في كلامك يا يوسف
يوسف لا مرجعتش يا دينا وانتي عارفه رأيي في الموضوع ده كويس بس زي ما قولتلك انا كل اللي شاغلني الوقت هما البنات
دينا وحتى البنات يا يوسف اظن احنا اتكلمنا في النقطه بتاعتهم قبل كده وقولتلك إن وجودهم معانا هيعطلنا كتير على اللي احنا داخلين عليه انا هدخلك مع اكبر اتنين مستثمرين في امريكا يا يوسف وكان شرطي الوحيد انك تبقى لوحدك من غيرهم وانت وافقت احنا هنلف العالم يا يوسف ومش هيبقى عندنا وقت غير للبيزنيس وبس
يوسف وانا مقولتش حاجه كل اللي بقوله اني حاسس إن لسه مش مستعد للمواجهه دي خصوصا يا دينا لما دره تعرف ان مش بس الفلوس هي الحاجه الوحيده اللي خدتها دره لسه معندهاش علم اني خدت منها كل حاجه الشركه والڤيلا والفلوس وكل حاجه
مسكت دره في حرف الشباك بسرعه حست انها هيغم عليها دموعها بتجري على خدها بغزاره قلبها بيدق بطريقه مرعبه وجسمها متلج للحظه كدبت نفسها واعتبرت ان كل اللي
حاصل ده مجرد كابوس مرعب اكيد هتصحى منه وفي حاجه غلط مستحيل ده يكون يوسف حبيب عمرها وابو بناتها اللي قضت معاه عشرين سنه من عمرها
دينا خلاص يا يوسف شوف الطريقه والوقت اللي حابب تواجه فيهم امته وانا عن نفسي مستعده
يوسف طيب ايه مش هنسيبنا بقى من الكلام ده وتيجي فوق شويه قبل ما امشي انتي وحشاني اوي
دينا بدلع هتتأخر
يوسف هو انا مش جيت نتأخر بقى براحتنا
ضحكت دينا وطلعت معاه على فوق
خرجت دره بهدوء من الڤيلا وراحت على عربيتها دورتها وطلعت بيها بسرعه كانت عايزه تبعد بأي شكل وبأي طريقه من المكان
بعدت على قد ما تقدر وبعدين ركنت عربيتها فجأه واڼهارت حرفيا من العياط كأنها معيطتش طول حياتها ابدا
فضلت ټعيط وتصرخ جوه العربيه كتير اوي لحد ما اخيرا حست انها هديت شويه
في اللحظه دي اتصل بيها چاك وهو باين على صوته
التوتر
دره بحزن وكسره معاك چاك
چاك في اخبار مش كويسه دره
دره اكيد مش أسوأ من اللي عرفته چاك
چاك عرفتي ايه
دره يوسف يا چاك مش بس خد الفلوس يوسف خد كل حاجه مني
چاك بأسف عرفتي
دره ايوه
چاك مش بس كده دره الاسم اللي بعتيه ليا DMمش خاص بمستثمر زي ما قال يوسف دي صديقتك دينا محمد
دره بغصه قويه غمضت عينها وهي دموعها نازله مش بس كده چاك يوسف اتجوزها في السر من ثلاث سنين اعمل ايه چاك انا عقلي واقف مش قادره افكر مفيش حل خلاص انا كده هضيع انا وبناتي
چاك اكيد في حل ومن بكره هرفع قضيه
دره لا چاك مقدرش ده ابو بناتي
چاك وانتي ام بناته و شريكته
دره لازم يكون في حل تاني
چاك مستحيل دره الحل هو القضيه
دره حتى لو وافقت ازاي هقدر ارجع حقي ده معاه توكيل عام
چاك لازم يكون في اوراق بتثبت فيها موافقتك ودي لو موجوده اكيد مزوره لو واثقه انك ممضتيش عليها
دره انا ممضتش على اي حاجه چاك
چاك يبقى لازم نطعن بالتزوير والتضليل دره اكيد في موظف من البنك طلب مقابلتك ويوسف منعه ثقي فيا دره انا هقدر ارجع حقك
دره بوج ع مش هتقدر چاك يوسف ودينا متفقين على الخطه وواضح انهم مرتبين كل حاجه انا سمعتهم چاك من غير ما يحسوا
چاك دره لازم تهدي من فضلك وتأكدي اني هفضل معاكي انا مش بس المستشار القانوني الخاص بيكي انتي صديقه غاليه دره وفي بينا سنين كتير
دره بحزن چاك انا مضطره اقفل مش قادره اتكلم الوقت
چاك اوك دره اهدي وخدي وقتك ونتكلم بعدين
دره اوك چاك باي
چاك باي
بااااااااااااااااااااااااااك
مسحت دره دموعها بهدوء وخدت نفس طويل وفضلت باصه من شباك الطياره
وللحديث بقيه
أبن ليل
صاحبة البطل الواحد
أميره اسامه
البارت الرابع
مر كام ساعه دره والبنات كانوا لسه في الطياره
اما في اسكندريه
الشارع كان جهز بالكامل لفرح سمير ابن منطقتهم وجارهم
في اليوم ده الكل مفتحش محلاته خصوصا عيله الرفاعي و عيله الجمال لان سمير اختار اليوم ده بالاخص لانه اجازه الجزارين عموما
كرممممم كرممممممم
كرم مين
نسيت صوتي
كرم صوتك مش غريب عليا قلبي حافظه وعمري ما سمعت غيره بس عارف انه مستحيل يكون صوتك
بس هو صوتي انا مش مستحيل محتجالك يا كرم
كرم قام كرم بفزع وهو بينادي بكل صوته درررررررره
فضل يبص جنبه شمال ويمين پجنون واول ما أتنبه انه كان بيحلم حط ايده على قلبه وقبض عليه كأنه بيعصره
كرم عايزه مني اييييييه جيالي ليه يا دره جايه ليه بعد العمر ده كله ده انا كنت ما صدقت نبطل نحلم بيكي مستلماني بقالك كام يوم ليه يا دره
فضل ياخد نفسه بسرعه وبعدين قام بعد الغطاء عنه پغضب ودخل ياخد شاور يمكن يهدأ بعد الحلم اللي حلمه
في شقه مها وبكر
بكر يا مهاااا فين الفطار
مها جايه اهوو
خرجت مها من المطبخ
محمد احنا مش هنفطروا عند ستي تحت
مها ستك وجدك صاحين من بدري وفطروا خلاص
محمد طيب وكيرو
مها ما تتصل بكرم يا بكر ينزل يفطر معانا
بكر ماشي
مسك بكر موبايله واتصل على كرم
كرم بصوت مخ نوق شويه ايوه يا بكر
بكر صباح الفل
كرم صباح الفل
بكر ايه لسه صاحي ولا ايه
كرم ايوه
بكر ومالك كده شكلك جاضض
كرم على اخري يا بكر
بكر طيب ليه مالك
كرم بتنهيده طويله انسى ايه بتتصل ليه
بكر تعالى نفطروا سوا مها جهزت الفطار
كرم لا بألف هنا انا مليش نفس
بكر ماتنزل يا جدع نفطر سوا
مها يلا يا كيرو تعالى
كرم بالف هنا مش قادر والله يلا روحوا افطروا انتوا
بكر هتحكيلي هااا
كرم اقفل يا كرم
بكر بإبتسامه ماشي يا عم
