روايه ابني ليل الكاتبه اميره اسامه

دعاء ساعديني 
دعاء حالا
بصت دره علي البنات و شاورتلهم بعينها عشان يجوا وراها البنات فهموا وراحوا وراها علي المبطخ 
مها لا وسع كده
بكر علي فين
مها راجعه
بكر بضحك استر يارب 
عبدالله مالك ومالها هتاكلهم يعني اكيد هتساعدهم
بكر انا عارف مها طايره منها
عبدالله اتلهي والنبي يعني بلبله اللي مش طايره منها سيبهم يقفشوا في بعض خلينا نضحكوا

دخلت مها عليهم المطبخ خضتهم 
مها احيييييه
دعاء يخربيتك خضتيني
دره في ايه يا مجنونه
نبيله لو الطبق كان وقع من ايدي كنت سمعتك ربع في ايه يابت
مها يا اختي انا مش واخده علي شغل الضيوف ده و القاعده و الراحه انا عايزه نساعدوا 
دعاء وحد قالك لا ما تيجي 
نبيله بضحك الحق علينا بنريحوكي
مها لا يا اختي خلي الراحله لصحابها انا منبقاش قاعده في بيت بلبله وقاعده علي الكرسي مبنتحركش
دره واخده انتي علي الفرك والجري والصړيخ وقلة القيمه
مها بضحك طبعا
نبيله بحب جدعه يابت بيت بلبله اللي يجي فيه ميبقاش ضيف تعالي يابت اغرفي الرز 
دره جايه يا بلبلتي وسعي يا اختي انتي وهي كده
دعاء شوفي البت
دره ناقصه
البنات كانوا واقفين يضحكوا عليهم 
دانه هو انتوا طول عمركم كده مع بعض 
دره طول عمرها مجنونه كده مبتعقلش
مها لا متترسميش علي عيالك خدوا بالكم يا بنات دي عقلها أصغر من العيال اوعوا يغركم العقل اللي هي قافشه فيه ده ولا يغركم انها بقت دكتوره قد الدنيا 
دي اعيل مني
دره بضحك متصدقوهاش انتي جايه تهزي صورتي في عين ولادي
مها بت يا دعاء انا بنكدبوا ولا دعاء ليه بلبله بذمتك بنتك عاقله 
نبيله بصت للبنات شايفين التلاته اللي قدامكم دول
البنات ايوه
نبيله اهو انتوا اعقل منهم بكتير
ضحكوا كلهم ودخلت عليهم نجوي وهي مبتسمه 
نبيله ياوليه قومتي ليه انتي رجلك وجعاكي
نجوي ولا ۏجعاني ولا حاجه خلينا نساعدكم 
دره تعالي يا نوجا
حضنتها دره من وسطها وسندت راسها علي كتفها
نبيله بحب والله زمان يا ولاد وحشتني الوقفه في المطبخ و اللمه علي مين يخرج اطباق اكتر من التاني
نجوي ربنا ما يفرق بينا تاني ابدا يا بلبله
كل مره حد فيهم يفتح سيره زمان و لمة زمان دره ملامحها تتغير وكأنها حاسه بالذنب و تتوتر 
بصت مها عليها و حست بيها 
مها طب بنقولوا ايه كفايه رغي احنا
ربنا رازقنا برجاله لو الاكل اتأخر عليهم مبيتراضوش غير بقاعدة عرب واولهم ابويا
ضحكوا كلهم علي مها وبدأوا يغرفوا الاكل و يساعدوا بعض نبيله ونجوي كانوا بيحطوا الاكل ودره معاهم ودعاء ومها والبنات بيخرجوا الاكل بره
خرجت دارين وهي ماسكه طبق في ايدها رفعت عينها من بعيد علي هيما
بصلها وبعدين بعد عينه وشه كان باين انه زعلانه منها كان بيحاول يخليها تتشغل بحاجه تانيه غير اللي في دماغها فا قرر يعمل نفسه مضايق او زعلان وفعلا طريقته نجحت نسيت دارين للحظه إحراجها منه وبدل ما كانت بتبعد عينها عنه بسرعه فضلت مركزه معاه عشان تعرف ماله
خرجت مها ودعاء اخر اطباق وبعدين خرج الكل وراهم 
نبيله يلا ياجماعه الاكل جهز اتفضلوا
زكريا قام

وقف يلا يارفاعي يلا ياولاد 
اتفضلوا
رفاعي احمممم تسلم الايادي
نبيله تسلم وتعيش يلا اتفضلوا
دخلوا كلهم علي السفره 
نبيله بابتسامه طبعا السفره الوقت مش هتقضينا عددنا زاد اللهم بارك البت دانه خلت عبدالله وحسن وجدها شالوها وجابت التربيزات ووسعت المكان
نجوي طب والله شاطره والمكان كبر
مها كنت لسه هنسألك سفرتك كبرت ازاي يا بلبله
قعد زكريا علي راس التربيزه ونبيله جنبه وقدامهم رفاعي ونجوي
دره ودعاء ومها قعدوا جنب بعض وقصادهم كرم وبكر وعبدالله
البنات قعدوا جنب بعض واحمد معاهم و هيما وحسن ومحمد قعدوا قصادهم
نبيله بنقول ايه انا مش هنعزم علي حد يلا بسم بالله ومش عايزه اي حد يقوم غير وهو مخلص الاكل
زكريا رفاعي ست نجوي مش محتاجين عزومه طبعا
رفاعي عزومه ايه يا راجل يلا بسم الله 
مدت دره ايدها عشان تاخد طبق معين بتاعها وقبل ما تمسكه ايد مها ودعاء سبقتها والتلاته مسكوا الطبق الكل بص عليهم وهما
التلاته في نفس واحد ضحكوا 
رفاعي تاااااني 
نبيله احيه عليا نفس العاده بتاعتهم زمان
دره شيلي ايدك انتي وهي 
مها انا مسكته الاول
دعاء بلاش كدب انا اللي مسكته قبلكم
دره يابارده انتي وهي ده طبقي
بكر انا لو منكم اسيبه لمها بدل ما تاكلكم انتوا الاتنين
دانه هو في ايه ما في اطباق كتير
عبدالله لا ماهو انتي مش فاهمه المنظر ده من زمان وهو لسه عيال بيعملوا وفي الاخر بترسي علي انهم كلهم بياكلوا في نفس الطبق
دره لا علي چثتي المرادي مش هسيب طبقي
نجوي احيه علي شغل العيال يابت انتي وهي كبرتوا وبقيتوا امهات
مها والنبي لو بقيت جده ما هسيبلهم الطبق
دره بضحك طب ناكل سوا وخلاص
عبدالله بص لدانه ماقولتش حاجه انا اهم هياكلوا سوا
دره بصت علي معلقتها وبعدين بصتلهم
دره طب ايه هنتعارك علي المعلقه كمان ولا ناكل و منفرجوش علينا الخلق
مها لا خلاص خدي معلقتك
بدأوا ياكلوا كلهم دره كانت بتحاول تلهي نفسها مع مها ودعاء عشان متبصش خالص علي كرم 
البنات كانوا بيحاولوا يفصصوا السمك بس مكانوش عارفين طبعا يفصصوا زيهم متعودين ان دره هي اللي تفصصه من الشوك 
كرم كان قاعد وجنبه من اليمين بكر وعبدالله ومن الشمال البنات وبعدهم احمد لمح دارين اول واحده بتحاول تطلع اللحم بالشوكه قرب منها
وهو رافع حاجبه وعلي وشه ابتسامه بسيطه 
كرم السمكه بتسثتغيث انتي بتعملي ايه
بصتله دارين ورفعت عينها لفوق وهي مبتسمه ومحرجه منه في نفس الوقت
دانه وديما كمان بصوله وضحكوا
دانه اقولك علي سر 
كرم بابتسامه جميله مبتعرفيش تاكلي السمك صح
دارين صراحه اه مامي هي اللي بتخرج منه الشوك ليا انا واخواتي بس الظاهر نسيتنا انهارده عشان ملخومه مع مها ودعاء
ابتسم كرم وسحب الطبق بتاعها بهدوء وفي ثواني كان مففصصلها السمكه بتاعتها 
كرم اي خدمه
دارين ايه السرعه دي 
كرم اسكندراني بقي بص علي دانه وديما ايه عايزين مساعده 
ضحكت ديما وهزت راسها وبصتله دانه
دانه حضرتك اااا
كرم بلاش حضرتك ومالك خاېفه كده ليه انا مبنعضش علي فكره
ضحكت دانه بإحراج
كرم هاتي يلا كلهم بيرغوا مش مركزين 
خد منهم اطباقهم و فصصلهم السمك دره كانت مركزه معاه و مبتسمه بحب
خلص كرم وسحب منديل نضف ايدهم وبعدين بصلها وغمزلها ضحكت دره وحطت عينها في طبقها 
كلوا كلهم مع بعض الجو العام بينهم كان جميل اوي الكل كان مبسوط خلصوا اكلهم الرجاله راحوا يغسلوا ايدهم ولما رجعوا كان البنات سالوا السفره كلهم مع بعض ودخلوا علي المطبخ 
كل واحد فيهم بقي يعمل حاجه مها ودعاء ودره كانوا بيفضوا الاطباق ومها تغسل وراهم نجوي وقفت تعمل قهوه ونبيله تساعدها ديما خرجت ترش معطر مكان ريحه السمك وفي دقايق رجعت الدنيا زي ما كانت 
خرجوا القهوه والشاي وشويه وقامت نبيله هي والبنات علي المبطخ عشان يجيبوا التورته ونادوا حسن 
حسن في ايه
نبيله ولا يا حسن لما نقولك طفي النور ابقي طفيه
حسن هتخرج ا التورته الوقت
نبيله اه هنحطوا الشمع بس الاول ونجهزوا الاطباق
حسن ده الولا هيما هيفرح اوي
دانه ايه رايك في عمايل ايدي
بصتلها نبيله بطرف عينها
نبيله عمايل ايد مين يابت والنبي نلبسهالك في وشك
ضحكوا كلهم علي نبيله 
دانه الله طيب سبيني اسرح بيه شويه
ديما معملتش حاجه كانت واقفه تاكل
حسن يعني هو انا اشتريت منها ما انا عارف انها فاشله
دانه انا فاشله طب ايه رايك هتعلمها وهعملها لوحدي ومش هأكلك منها
حسن المهم اتعلميها مش مهم ناكلوا منها
نبيله يلا ياولا بلاش رغي روح طفي النور قبل الشمع ما يسيح
حسن هتخرجوا بيها ازاي في الضلمه طيب حد فيكم يابنات يروح يقفل وانا هنشيلها معاكم 
دارين انا لا هتحرج اقفل عليهم النور
دانه وانا لو سألوني بتقفلي ليه هفتن علي طول انتوا حرين 
حسن بضحك لا خلوا البت دي هنا دي هتجرسنا روحي انتي يا ديما 
ديما لا انا مالي هفتن بردوا
نبيله اقول عليكم ايه يابنات دره هنروح انا وانتوا تعالوا ورايا 
حسن ماشي
خرجت نبيله بره وراحت حطت ايدها علي الزرار 
نبيله معلش يا جماعه دقيقه بس هنقفلوا النور
مها بضحك هتهشي الدبان ولا ايه
نبيله يابت استني
قفلت نبيله النور والدنيا بقت ضلمه
خرج حسن بالتورته دارين كانت ماسكه قدامه ودانه وديما خارجين بالاطباق والشوك 
الكل شايف في شمع بس مش شايفين التورته كويس ولا فاهمين حاجه 
نبيله بابتسامه يلا ياولاد
وبدأت هي والبنات ودره وعبدالله وزكريا ودعاء يغنوا هابي بيرث داي تو يو
حط حسن التورته قدام هيما علي
التربيزه ضحك واتفاجئ والكل اتفاجئ واتبسط وبقوا يغنوا معاهم
فتح حسن النور بعد ما خلصوا 
هيما ايه المفجأه الحلوه دي والله احرجتوني 
نبيله بحب حضنته كل سنه وانت طيب ياولا 
هيما وانتي طيبه يا بلبله بس ليه كل ده
نبيله بقالي زمن معملتش تورته قولت نعملوها عشان عيد ميلادك يوم ما نتجمعوا كلنا
نجوي بحب تسلم ايدك وعينك يا اخلي بلبله في الدنيا
مها يالهوي علي الجمال شكلها حلو اوي
رفاعي تعبتي روحك ليه بس يا ست نبيله تسلم ايدك والله 
نبيله تعب ايه بس ده كفايه لمتنا دي وبعدين العيال عملوا عيد ميلاد هيما واحنا مكناش معاهم فا قولت نحتفلوا سوا يلا يا نجوي قطعي التورته وانا هنروح نعمل الشاي بلبن 
دعاء خليكي ياما انا هنعملوا
بصلها هيما بحب واحراج
هيما مش عارف نقولك ايه والله يا بلبله
نبيله ولا حاجه المهم تبقي مبسوط
ديما علي فكره احنا ساعدنا بلبله
دانه ايوه وانا اللي عملتها 
ديما بضحك دي كدابه متصدقهاش كانت واقفه بتاكل انا و دارين اللي ساعدناها ودارين اللي كتبت عليها 
هيما بأبتسامه تسلم ايديكم كلكم والله 
رفاعي تعيشي وتعملي يا ست نبيله
نبيله تسلم يا معلم في حياتك يارب عقبال ما نعملوا بأيدي تورته الجواز
نجوي يارب يا بلبله 
ابتسم هيما وبص لدارين بطرف عينه ابتسمت وبسرعه بعدت عينها عنه وراحت علي المطبخ تساعد دعاء 
لمحتهم دره وسرحت وبعدين ابتسمت 
قطعت نحوي التورته ودره ومها كانوا بيحكوا وراها في الاطباق ويوزعوا عليهم 
خرجت دعاء وهي معاها ساي بلبن حطتلهم السكر حسب طلبهم وبعدين قعدوا كلهم مع بعض كلوا وكانوا مبسوطين جدا
زكريا ولا يا عبدالله هات الطاوله نغلبوا عمك رفاعي عشرتين
رفاعي بضحك اللي يسمعوا يقول حريف
زكريا ايه تنكر
رفاعي والله النتيجه كل مره هي اللي تثبت ولا ايه يا دره
دره بلاش نتكلموا انا بدل ما يقلب عليا 
زكريا ليه يابت مش مقطعك من كام يوم
دره بضحك والله ما حصل انا نفسي يغلبني مره
ابتسم كرم بحب لدره وهو شايف ضحكتها
زكريا بقي كده يا دره بتنصريه عليا
رفاعي البت بتقول كلمه الحق انت مبتغلبش غير عبدالله
عبدالله ومش ديما والله 
زكريا بابتسامه غيظ اه يابن الكلب انت كمان خلاص اتفقتوا عليا طب ايه رايك يا رفاعي ان هنقطعوك انهارده
رفاعي اتمني 
نجوي بصت لكرم وضحكت ابوك كياد اوي
مها براحه يابا عليه شويه متزعلهوش
زكريا اصيله يا بت يا مها مجاتش من ولادي 
بدأوا لعب اما الباقي فاكانوا قاعدين مع