روايه ابني ليل الكاتبه اميره اسامه

او حاجه وحشه انا كمان مش مستغنيه عنك
حسن بحب مفيش لا مشاكل ولا عراك ولا اي حاجه وحشه وكلامك نافذ يا ست البنات وكل اللي جاي احلي باذن الله مش عايزك تخافي يا حرم حسن الجمال قريبا
سماح ربنا يخليك ليا يا احلي حسن في حياتي انت عارف انا هاين عليا نروحوا نصحي سونه ونقولها
حسن لا خليها نايمه بكره ابقي عرفيها وبقولك ايه جهزي روحك عشان هتيجي معانا بكره احنا مش هنطول في الشغل عشان نلحقوا نفرجوا البنات علي اسكندريه قبل ما النهار يروح مننا

سماح هنيجي اكيد متقلقش
حسن طب بنقول ايه بقي سبيني اروح انام عشان هنصحي بدري نخلصوا كل اللي ورانا عشان لما نخلعوا ابويا ميقولش اني سيبتله الدكان فوق راسه
سماح روح يا حبيبي نام وارتاح
حسن هتنامي 
سماح انا حاسه اني لا عايزه ننام ولا ناكل ولا نشرب سنه قدام
حسن بضحك ايه هتصومي عن كل حاجه
سماح الفرحه اللي في قلبي يا حسن مش مخلياني عايزه اي حاجه من الدنيا الفرحه سدت نفسي
حسن بضحك طول عمري نعرف ان الفرحه بتفتح النفس يا فقريه عموما يا ستي ربنا يخليكي ليا ويقدرني نسعدك ونفرحك ونسد نفسك اهو توفري في الاكل والشرب
سماح بنحبك يا حسن
حسن وانا بڼموت فيكي يابت
سماح تصبح علي خير يا ابو علي 
حسن وانتي من اهل الخير يا قلب ابو علي 
دخل هيما أوضته وقفل عليه بعد ما طلعوا بعت رساله لدارين 
هيما لو فاضيه عايز اكلمك ولا هتهربي
رن موبايل دارين وعمل صوت إشعار اخواتها كانوا جنبها 
لمحت اسم هيما فا ابتسمت 
دانه ايوه الضحكه دي انا عرفاها هيما صح هيما هيما قولي متتكسفيش
دارين بابتسامه بس بقي بلاش رخامه
ديما بتخبي علينا يا دودو
دارين حتي انتي 
دانه طيب نشوف باعتلك ايه احنا مس اخوات بردوا
دارين لا مش اخوان ومش هتشوفوا واقولكم يلا انتي وهي من هنا روحوا علي اوضكم
دانه كمان بتطردينا من اوضتك عشان سي هيما
ديما لا ده الموضوع اتطور خالص
دارين عندك حق ولو قعدتوا لحظه كمان الموضوع هيتطور اكتر وهفتح دماغكم يلا
دانه طب
مش هتيجي تختاري معانا اللبس
دارين لا مش جايه بكره بكره امشوا بقي
دانه ماشي براحتك بس ليكي يوم 
دارين لما يجي بقي اخلصي متبقيش بارده
ديما ايه البصه دي انا بقول نخرج بكرامتنا احسن
دانه وانا كمان يلا
دارين اخرجوا بقي
خرجتهم دارين وقفلت وراهم وراحت علي موبايلها فتحت دانه الباب وبصت هي وديما 
دانه بتنادي علينا يا دودو
حدفتها دارين بالمخده خرجوا بسرعه وراحوا علي أوضتهم وهما بيضحكوا
راحت دارين قفلت الباب بالمفتاح ومسكت موبايلها شافت الرساله وبعتتله 
دارين انا فاضيه ومش ههرب 
ابتسم هيما وثواني كان بيرن علي موبايلها 
دارين بابتسامه إحراج الوو
هيما افهم من كده انك بتيجي بالټهديد ولا صعبت عليكي
دارين بابتسامه لا ده ولا ده بس مش ورايا حاجه ورديت عليك
هيما اه يعني اعتبرتيني كيس لب هيسليكي وقت فراغك
دارين بضحك لا خالص والله مش قصدي
هيما ابتسم عارف المهم عامله ايه
دارين بخير
هيما وحشتيني
ابتسمت دارين ومعرفتش ترد
هيما طيب قولي وانت كمان اي حاجه من باب المجامله حتي 
ضحكت دارين وحطت ايدها علي بوئها
هيما بتضحكي صح
دارين لا علي فكره
هيما بلاش كدب بقي ده انتي صوتك لسه بيضحك اهو
دارين ضحكت بس بقي يا هيما
هيما ماشي ياستي هسكت بس بردوا وحشتيني ومش هتنازل يلا نفذي
دارين مش هتتنازل علي ايه وانفذ ايه
هيما والله انا طلبت حاجتين من عيد ميلادي وفاضل 26 يلا قوليلي وانت كمان وحشتني ويبقي فاضل 25
دارين ضحكت ووشها احمر لا طبعا مش هقول كده 
هيما اه افهم من كده انك بترفضي الطلب وجاهزه للعقاپ
دارين ومين قالك اني هنفذ العقاپ كمان انا بعيد عنك يعني مش هتعرف تخليني انفذ
هيما مين قالك اني مش هعرف وبعدين انتي فاكره انك هتعرفي تهربي مني تاني وهنروح بعيد ليه لو الطلب متنفذش هيبقي في عقاپ لو العقاپ متنفذش هيبقي في عقاپ مضاعف وده بكره لما اشوفك انتي حره بقي اختاري وابقي قولي مش هاجي وقولي لدره مش هتيجي ليه
دارين بضحك انت بتستقوي عليا يعني
هيما انا اصلا مفتري

 

دارين طيب لو منفذتش الطلب ايه اول عقاپ 
هيما والله هو الطلب هتقوليلي وانت كمان وحشتني العقاپ هتقولي وحشتني يا قلبي
دارين بضحك انت بتزود كلام كمان
هيما والله انا حر 
دارين طيب لو منفذتش لا ده ولا ده ايه هو العقاپ المضاعف بقي
هيما بضحك لا خليها مفجأه بقي ده انتي هتكوني معايا يوم عيد ميلادي مسكت ايدك تخيلي بقي بكره هعمل ايه
دارين ضحكت وحطت ايدها علي وشها انت بتقول ايه 
هيما والله انا قولت اللي عندي القرار ليكي انا ديمقراطي ها هتختاري ايه
دارين هيما بلاش رخامه بجد
هيما انا رخم عرفتي منين يلا
دارين خلاص هختار الطلب
هيما وانا مستني اسمع
دارين طيب بقولك ايه ينفع اكتبلك في ماسدچ 
هيما ااااه احنا بنفاصل بقي وبعدين مسدچ ايه علي اساس انك مش هتقدري تقوليها فا هتكتبيها بصي قدامك دقيقه لو منفذتيش يبقي الطلب راح ومفيش قدامك غير العقابين وكل ما هتتأخري الوقت هيروح وهتخسري اوبشن
دارين بضحك انت كل الاوبشن بتاعك صعب 
هيما وصعب ليه انا قولتها بسهوله وحشتيني بذمتك في اسهل من كده انجزي قدامك نص دقيقه
دارين لا استني نص دقيقه ايه
هيما بقوا ربع
دارين بضحك وإحراج يا هيما بقي بلاش رخامه
هيما عشر ثواني
دارين علي فكره انا غلطانه اني رديت عليك اصلا المفروض مكنتش قولتلك اني فاضيه وعملت نفسي نايمه
هيما 3 ثواني وهسمع احلي وحشتني يا قلبي
دارين فضلت تضحك وتهوي علي وشها من كتر الاحراج
هيما وراح الطلب وبدانا في الدقيقه التانيه خلصت استحملي العقاپ بتاع بكره
دارين هيماااااا
هيما ايوووووه ياما علي اسمي
دارين بضحك طب ايه هنفضل نضيع الوقت في العد التنازلي ده ومس هتقول ايه حاجه تانيه
هيما والله لو عايزه تخلصي نفذي انتي اللي بتضيعي وقت
دارين ماهو انا مش عارفه
هيما ليه مكسوفه مني 
ابتسمت دارين وسكتت
هيما مكسوفه هاااا
دارين بس بقي 
هيما طيب انا هسكت اهو بس عايز افكرك راح منك نص دقيقه وداخلين علي عشرين ثانيه
دارين هو انا المفروض اقول
ايه
هيما وحشتني يا قلبي 
دارين بضحك هيما متبقاش رخم مش هعرف اقول
هيما براحتك قولتلك انا ديمقراطي بس بكره معنديش اي اوبشن هفاجئك
دارين خدت
نفس طويل وخرجته بهدوء طيب غمض عينك
فطس هيما من الضحك علي كلامها وفضل يضحك
دارين انت بتضحك علي ايه
هيما يعني انا لو قولتلك اني غمضت عيني هتعرفي ازاي اني مش بنكدب وبعدين لو غمضت مش هسمع يعني
دارين ماهو انت موترني اعمل ايه طيب 
هيما يؤسفني اني اقولك العقاپ كمان طار من ايدك وبصراحه انا مبسوط عشان ھموت و انفذ العقاپ بتاع بكره
دارين لا لا خلاص هقول والله
هيما بعد ايه راحت الفرصه من ايدك اسف
دارين لا متهرجش انت طيب وهتزودلي عشر ثواني
هيما مين قالك اني طيب انا شرير جدا
دارين طيب وحشتني ياقلبي
سكت هيما ثواني وفضل مبتسم
دارين علي فكره بقي انا قولت ومفيش عقاپ
هيما والله هنشوف وبعدين انا قولتلك هفاجئك وعشان بعد كده لما اقول الطلب يتنفذ
دارين بضحك علي فكره بقي انا مش جايه بكره وهقول اني تعبانه
هيما وعلي فكره بقي هقلب عيل صغير بجد وهقول قدام الكل دارين بتكدب وهي بتهرب مني وهعرفهم انتي بتهربي ليه
دارين انت مچنون صح
هيما بيقولوا بس انا هعرفك الجنان اللي علي حق بكره
دارين طيب بص هنتفق اتفاق بما انك ديمقراطي يعني
هيما امممم ايه هو
دارين هتعديهالي المرادي وبعد كده مش هعترض علي اي طلب 
هيما لا هو كده كده حتي لو اعترضتي

هيبقي في عقاپ اول رفضتي في عقاپ تاني وده بنفذه من غير ما هاخد رأيك ده اولا اما ثانيا بقي وده الاهم انا مش هعديهالك لان بصراحه انا مبسوط وياريت كل مره ترفضي الطلب والعقاپ الاول عشان تقعي تحت ايدي يا دراين
دارين بابتسامه جميله طلعت شرير بجد 
هيما اوي 
دارين ماشي بس علي فكره انت بتخم وانا قولت وعملت اللي عليا عايز بقي تنفذ عقابك انت وضميرك
هيما بضحك والضمير معډوم متقلقيش
دارين يعني مش هعرف أثر عليك 
هيما لا خالص المهم
دارين قول
هيما بكره علي العصر كده تكونوا جاهزين
دارين علي العصر ده مش بدري هتبقوا مخلصتوش شغل
هيما لا هنخلصوا بدري متقلقيش وبعدين عشان نلحقوا النور اصلا مشوار زي ده عايز بدري اكتر من كده عشان تتفرجوا علي جمال اسكندريه براحتكم
دارين مش مهم نبقي نروح مره تانيه في وقت اجازتكم
هيما اكيد ان شاء الله وعموما متقلقيش انا هخليكي تشوفي اسكندريه كلها
دارين ان شاء الله ايه مش هتنام بقي
هيما عايزه تخلصي مني طبعا
دارين لا والله بس عشان هتصحي بدري
هيما ماشي يا ستي تمام انتي هتنامي
دارين اه هنام
هيما اكيد ولا بتوزعيني
دارين لا والله هنام
هيما تمام يلا تصبحي علي خير
دارين وانت من اهل الخير يا هيما
قفلت دارين وهي مبسوطه ومبتسمه ونفس الحال كان عند هيما
في صباح يوم جديد صحيت دره دخلت الحمام خدت شاور وخرجت صلت ولبست مرضيتش تصحي البنات عشان مكانوش رايحين الجامعه شربت قهوتها وبعدين سابتلهم فلوس ونزلت
عدت عليهم تحت كانوا بيفطروا ولسه محدش نزل فيهم 
خبطت حسن فتحلها 
دره بابتسامه هاديه صباح الخير يا عريس
حسن بابتسامه صباح الفل يا احلي دره في الدنيا ادخلي
دره هما بيفطروا
حسن اه جوه تعالي يلا
دخلت دره علي السفره 
دره صباح الخير
الجميع صباح النور
نبيله تعالي افطري
دره لا مش قادره فطرت خلاص بالف هنا
زكريا فين البنات يا دره
دره نايمين ما هما مش رايحين الجامعه
دعاء سبيهم انا هنبقي نصحيهم ونفطرهم قبل ما يخرجوا
دعاء حبيبتي يا دودو
زكريا ايوه صح نسيت طيب تعالي واقفه ليه
دره هنتأخر والله يا حبيبي انا قولت بس نصبح عليكم
عبدالله صباحك فل ان شاء الله صحيح العربيه تمام ولا فيها مشكله
دره لا زي الفل متقلقش
عبدالله لو حصل فيها اي حاجه عرفيني
زكريا انا بنستغربوا العربيه دي جديده ايه اللي حصلها مره واحده كده
حسن من الركنه يا جدي متنساش انها كانت مركونه وكل فين وفين بتتحرك
زكريا يلا مش مهم عموما لو حصل فيها حاجه وغلبتك هنغيروها خالص
دره اطمن هي ماشيه كويس ومفيهاش
اي حاجه
نبيله ربنا يسلم طريقك ويديكي خيرها ويكفيكي شرها
دعاء امين
دره امين يارب يلا مش عايزين حاجه
زكريا سلامتك يا بنتي
نبيله لما البنات يصحوا دعاء هتطلعلك الحاجه بتاعتك
دره ملهوش لزوم يا بلبله ما احنا علي طول معاكي هنبقي ناكلوا معاكي
نبيله يابنتي الحاجه كتير وبعدين قسمناها خلاص
دره ماشي يا حبيبتي يلا كملوا فطار صباحكم فل
نبيله صباحك هنا بالسلامه يا دره
زكريا خدي بالك من الطريق
دره ربنا يسترها سلام عليكم
الجميع عليكم السلام
نزلت دره بصت علي محل كرم كان في واحد من اللي شغالين بيفتح ولسه محدش فيهم نزل ركبت عربيتها وطلعت قبل ما ينزل لا كان عندها طاقه للكلام ولا كانت قادره