روايه ابني ليل الكاتبه اميره اسامه
انا مش عايزه اروح مش عايزه اشوفه
ديما ولا انا مش عابزه اشوفه خلاص خليه يمشي وميجيش تاني
دانه بهدوء ممكن تاخدني معاك
بصتلها دره وسكتت وكلهم سكتوا
كرم بإبتسامه ممكن طبعا
دره طب ليه ليه عايزه تروحي لا متروحيش
كرم سبيها يا دره تعمل اللي هي عيزاه
دره طيب هتروح ليه عيزاه ليه
دانه عايزه اروح يا مامي عادي
دره انا كنان هروح معاكم
كرم ليه خليكي انتي
دره مش هسيب بنتي يا كرم
دانه خليها تيجي يا كرم
سكت كرم وندم انه قال اللي عايز يجي يشوفه يجي مكانش عايز دره تروح وتشوفه تاني خالص وكان غيران عليها فا هز راسه بقلة حيله
بعد كام ساعه وصل كرم وبكر ودره ودانه المطار
نزل معاهم لمحوا من بعيد نازل علي وشه هم الدنيا كله مذلول وضعيف ومس قادر يعمل اي حاجه
قرب منهم وهو عينه عليهم پحقد وڠضب
كرم بإبتسامه يارب تكون الخدمه عجبتك اهو في المعاد زي ما قولتلك متأخرناش عليك وجايين نودعك بنفسنا
يوسف وانا مطلبتش من حد يودعني مش خلاص عملتوا اللي انتوا عايزينه وخدتوا كل حاجه
بصلها يوسف وسكت ثواني
يوسف مبقاش في حاجه تتاخد من ابوكي يا دانه امك خدت كل حاجه
دانه بالعكس هي خدت حقها وحقنا وعملت معاك اللي انت عملته بالحرف بس نسيت تعمل اهم حاجه
بصتلها دره بقلق وبعدين بصت لكرم
كرم قرب من دانه مسك ايدها للحظه حس انها هتتهور وتعمل حاجه مش في الحسبان
دانه
وللحديث بقيه
أبن ليل
صاحبة البطل الواحد
أميره اسامه
البارت التاسع والأربعون
كرم بإبتسامه يارب تكون الخدمه عجبتك اهو في المعاد زي ما قولتلك متأخرناش عليك وجايين نودعك بنفسنا
يوسف وانا مطلبتش من حد يودعني مش خلاص عملتوا اللي انتوا عايزينه وخدتوا كل حاجه
بصلها يوسف وسكت ثواني
يوسف مبقاش في حاجه تتاخد من ابوكي يا دانه امك خدت كل حاجه
دانه بالعكس هي خدت حقها وحقنا وعملت معاك اللي انت عملته بالحرف بس نسيت تعمل اهم حاجه
بصتلها دره بقلق وبعدين بصت لكرم
كرم قرب من دانه مسك ايدها للحظه حس انها هتتهور وتعمل حاجه مش في الحسبان
دانه انها توجع قلبك وتحسسك بالخساره
يوسف متقلقيش دره عرفت تعمل ده كويس اوي وخسرتني كل حاجه خدت اللي انا خدته منها وخدت تعبي ومجهودي عملت فيا زي ما انا عملت معاها وبيتهيألي بقينا خالصين
دانه بالعكس مش خالصين انت مستكفتش بنصيبك فا خدت نصيبها وهي رجعت نصيبها وخدت منك نصيبك
يوسف يبقي خالصين يا دانه
دانه لا دي حسبتك انت حسبت الفلوس انت يوم ما خسرتها مخسرتهاش بس الفلوس انت خسرتها حياتها كلها وحياتنا احنا كمان مكانش كفايه عندك انك تاخد كل حقوقها وتخليها ټعيط وتتوجع علي شقاها وتعبها وشغلها طول السنين دي صدقني مهما كان الۏجع كان ممكن مع الوقت يتنسي لان مامي علمتني ان الفلوس اللي بتروح ميتزعلش عليها لان احنا اللي بنعملها ومهما كان صعبان علينا الشقي والمجهود والشغل اللي راح تعبه علي الفاضي نقول الحمد لله ونبقي متأكدين ان ربنا حطنا في الاختبار ده عشان نرجع اقوي من الاول نقف علي رجلينا من تاني ونركز عشان منقعش في مره تانيه في نفس الفخ وبيتهيألي مامي قدرت تعمل كده من اول ما رجعنا دورت علي شغل وقدرت تلاقي وقدرت ترجع ثقتها في نفسها وتقف علي رجلها والحقيقه انا فخوره بيها
يوسف ايه يا دانه جايه تعرفيني علي إنجازات دره
دانه لا جايه اقولك ان اللي انت خدته مامي مزعلتش عليه وقدرت من تاني تبدأ ومستسلمتش وۏجعها مكانش علي شويه ورق
وجايه اقولك ان اللي انت بتعيشه الوقت جزء بسيط من اللي المفروض تعيشه وانكم لسه مش خالصين
بصت دانه لدره وكرم وابتسمت بحب
دانه وجايه اقولك إن ما ربنا عوض مامي عن شغلها وتعبها ووقفها من تاني علي رجلها
فا هو عوضها كمان بأحسن حاجه في الدنيا عوضها بكرم
بص يوسف پصدمه لدره وكرم
دره كانت باصه لدانه ومبتسمه وعينها مدمعه
دانه عوضها براجل انا في حياتي مشوفتش حد زيه ولا حتي انت كنت ديما فخوره بيك وبحبك بجد من قلبي بس للأسف انا اكتشفت اني كنت موهومه ومخدوعه فيك و اتمنيت ان اسمي ميبقاش علي اسمك و اتمنيت اكتر ان كرم هو اللي يكون ابويا مش انت
مامي هتتجوز كرم وقدرت
تحبه عشان عرفت قد ايه هي غلطت زمان لما قلبها صدقك عرفت قد ايه هي غلطت لما رجعت بهد العمر ده كله ولقت الراجل اللي حبها لسه بيراهن علي الوصول لقلبها وانا بجد فخوره بيه لانه كسب الرهان وكسب قلب مامي اللي شوفت في عينها حب ليه
عمره ما يتقارن بالحب اللي كان بيبان في عينها ليك
اتأكدت ان أمي أول مره تحب بجد مشاعرها ونظرات عينها مختلفه وكرم هو اول حب ليها بجد وهو يستاهل ده وامي كمان تستاهل
انت خونت امي واتجوزت عليها وهي في حياتها عمرها ما قصرت معاك غدرت بيها ورميتها وهان عليك عشره عشرين سنه بكل رخص وزي ما ربنا وقف معاها في شغلها وأنها تقف علي رجلها من تاني وقف معاها مره تانيه بس مش وهو بيوقف قلبها علي رجله من جديد هو وقف معاها لما رزقها بقلب جديد مفيهوش غير كرم
مبروك يا بابي انت خسړت كل حاجه بجداره خسړت الفلوس والشغل خسړت مامي وخسرتنا
وانا اسفه اني بقولهالك انا ميشرفنيش أنك تكون ابويا وعمري ما هزعل ولا هتوجع عليك
مهما شوفتك ضعيف ومذلول
امشي واتمني مشوفكش ولا اسمع عنك اي خبر طول ما انا عايشه
بصلها يوسف بۏجع ولأول مره يحس من بداية غدره بيهم كلهم ان قلبه بيوجعه وحاسس بندم غريب
مد كرم ايده ليوسف بالموبايل من غير ولا كلمه
مسك يوسف منه الموبايل وهو عينه علي دانه اللي بعدت من قدامه وراحت عند بكر أدتله ضهرها عشان ميشوفش دموع عينها
فضل يوسف باصص عليها ثواني وبعدين مشي علي صالة المطار وهو كل خطوه بيخطيها باين عليها الضعف والإنكسار والندم
اختفي يوسف ورجاله كرم فضلوا وراه يشوفوا من بعيد عشان بتأكدوا انه دخل من البوابه اللي هتوديه للطياره
راحت دره بسرعه لدانه واول ما قربت منها اترمت دانه بين ايديها وفضلت ټعيط بإنهيار ومقدرتش دره تمسك نفسها كانت عارفه ان بناتها مهما فرحوا برجوع حقها وحقهم لكن في النهايه الموقف صعب وده ابوهم ومش سهل عليهم كل اللي بيعيشوه
بكر حس بالۏجع عليهم واتوجع اكتر علي دانه حط ايده علي راسه وفضل يلف حوالين نفسه مش عارف يقولهم ايه يهون عليهم
قرب منهم كرم ملامحه كان باين عليها الحزن بجد و اتوجع قلبه علي دانه ومش بس هي اخواتها لان حتي رفضهم في انهم يشوفوا
كان ليه ألف معني والحزن كان باين في عيونهم وخاصتا ديما اللي رغم انها توأم دانه إلا انها تبان طفله لسه بريئه بجد وتعلقها بيوسف كان تعلق كبير والموضوع أثر فيها وحتي تمسكها بكرم بالشكل ده رغم انه كان بيسعدوا إلا انه كان بيوجعه لانه كان بيجس بإحتياجها لفقدان الاب اللي فجأه اختفي من حياتهم وبقت مجبره تتأقلم علي وضع جديد عليها
فا كان بيحسها بنته بجد ويمكن هي الوحيده اللي كانت اقرب لكرم عن اخواتها غلاوتهم كانت واحده لكن إحساسه بأنها الصغيره اللي محتاجه إهتمام ورعايه كان بيروح ناحيه ديما اكتر
اما دارين فا كان موجوع عليها بردوا لان ۏجعها وحزنها باين في عينها لكن مش بتتكلم كتير واللي وجعه اكتر دموع دانه اللي ديما بتبان قويه وجريئه لكن خس بضعفها وۏجعها
قرب ومن غير ما يحس ضم الاتنين في صدره وقفل عليهم دراعه باس دانه من راسها وطبطب علي ضهرها
كرم اهدي يا دانه اهدي حبيبتي خلاص عارف ان الموقف مش حلو وعارف انك زعلانه عشانه
بعدت دانه عنه وبصتله
دانه انا مش زعلانه عشانه انا زعلانه عشان هو اللي وصلنا لكل ده هو اللي خلانا نقف قصاده و ميصعبش علينا ولا يهمنا
حتي هو هيعمل ايه من غير فلوس أو شغل هو اللي وصلنا لكده
كرم طيب اهدي عشان خاطري كل حاجه هترجع زي ما كانت واحسن وانتي يا دره بطلي عياط بقي كفايه بقي احنا اتفقنا علي ايه
بكر اهدي يا دره وصلي علي النبي وانتي يا دانه خلاص يا حبيبتي اللي حصل حصل ومحدش فينا يعرف الايام ممكن تخبي ايه كفياكم عياط وافرحوا شويه عارف انه ڠصب عنك يا دانه وطبيعي كل اللي انتي حاسه بيه ده بس لازم تهدي لو مش عشانك عشان دره وكمان متنسيش انكم داخلين علي امتحانات و كده هتأثري علي نفسك
كرم علي فكره بقي انتوا الاتنين لو مبطلتوش عياط والله العظيم هزعل منكم بجد
مسحت دانه دموعها وابتسمت أبتسامه بسيطه
دانه لا خلاص انا سكت اهو متزعلش
ابتسم كرم بحب ولعب في شعرها
كرم انا مقدرش ازعل منك بس بهددكم عشان تبطلوا عياط يلا بقي عشان نمشي
بكر بنقولك ايه انا اه نمت شويه بس لسه فاصل ومش قادر
ھنموت وننام
كرم انت حطيت راسك عالمخده سمعت شخيرك وقلقت نومي
بكر وحد قالك نام تحت كنت طلعت نمت في شقتك
كرم نعم يا اخويا ماهي مراتك اللي قالتلي خليك نام هنا كان يوم مهبب لما سمعت كلامها
دره بإبتسامه من وسط دموعها يلا اضربوا بعض كده مينفعش لازم تفرجوا علينا المطار
بكر بضحك هضربهولك انا عاملك حساب
كرم لا وانت جامد وتعملها ياولا
دانه بضحك مامي تعالي نجري قبل ما نضرب في وسطهم انا مش هعرف احوشهم
دره بضحك مسكت ايد دانه يلا بينا
جريت دره ودانه وهما بيضحكوا
كرم الحق دول جريوا بجد استني يابت انتي وهي يا شبر ونننننص
بكر بضحك الله يخربيت جنانكم يا جدع استني جري هو كمان وراهم
مر اسبوع الوضع هدي خالص عند دره و بناتها الحياه أستقرت ورجعت احسن من الاول طول الوقت البنات كانوا بيذاكروا حتي حسن ومحمد واحمد الامتحان كان بيقرب اغلبهم حالتهم أتحسنت هيما بقي يدوس علي رجله احسن من الاول بكتير وبدأ ينزل الشغل دارين اتعافت بنسبه كبيره دانه وحسن
الچروح اللي كانت فيهم والخياطه بقت احسن
محمد فك الرباط من علي عينه وبقي تحسن كان في علامه بسيطه في عينه لكن للي يركز فيها غير كده العمليه نجحت وكان بيشوف عادي بس
