روايه ابني ليل الكاتبه اميره اسامه

اني ابنك يا معلم هااا انا اللي باقيلك
رفاعي بكر ابني قبلك يا صايع
بكر بضحك طلعله لسانه
هيما ضحك افرح يا خويا يلا ياعيال قبل ما جدكم يقيم علينا الحد
احمد يلا بينا وربنا لا هنسخن عليك امي ونقولها بيعاكس النسوان في الدكان
بكر بضحك امشي ياولااا 
رفاعي بضحك مچرم
بكر ده واطي بنقولك ايه يا معلم
رفاعي قول
بكر الولا ده واطي وانا عارفه لو سخن مها عليا متنساش تقف في ضهري

رفاعي بضحك الولا سوحك
بكر اصلي عارف بنتك عندها ربع طاير
رفاعي ربع بس ده العقل كله طاير الله يكون في عونك
فضل بكر و رفاعي يضحكوا 
طلعوا البنات مع حسن علي فوق 
فتح حسن الباب بالمفتاح 
حسن بلبله يا دودو
دعاء تعالي يا حسن احنا هنا
نبيله بلهفه شوفي كده دره معاهم 
دخل حسن والبنات
حسن سلام عليكم
دعاء عليكم السلام 
نبيله عليكم السلام دره مرجعتش معاكم
حسن كرم خدها ومشي لما روحنا وراها بس متقلقيش عليها
دعاء تعالوا يابنات اقعدوا واقفين ليه
دارين هنطلع نرتاح فوق لحد ما مامي تيجي يا طنط
نبيله تعالوا يا بنات اقعدوا عايزه اتكلم معاكم شويه 
راحوا البنات قعدوا جنبها 
حسن طيب انا هغير التيشرت ده ونازل تاني لابويا في غيار هنا ليا يا دودو 
نبيله اه ليك كام غيار مغسولين طلعيله من الدولاب جوه يا دعاء 
دعاء حاضر يا اما 
دخلت دعاء طلعتله لبس حسن بسرعه ونزل وسابهم لوحدهم 
دارين خير يا بلبله في ايه
نبيله الاول كلتوا ولا لا
ديما ايوه كلنا حسن جاب فطار وفطرنا مع بعض 
دعاء مش جعانين طيب اعملكم حاجه لحد ما امكم ترجع وناكلوا سوا 
دارين لا يا طنط شكرا احنا شبعانين والله
دعاء بالف هنا يارب
نبيله طيب ادام و اكلين و شبعانين خلينا نتكلموا شويه مع بعض
دانه بملامح حزينه وهدوء انا عارفه إن حضرتك عايزه تتكلمي معانا بخصوص اللي حصل الصبح وعارفه كمان انك زعلانه مني عشان زعلت مامي وبجد انا بعتذر مكانش قصدي ازعلها والله يا تيته
نبيله بعيدا عن تيته دي عشان مقومش يابت اجيبكم من شعرك تحت رجلي
ضحكت دانه والبنات علي خفة ډم بلبله حتي في عز الجد 
نبيله بابتسامه انا مش زعلانه منك يا دانه ولا حتي عايزه نتكلموا علي اللي حصل الصبح لاني مشوفتش أنك غلطانه في حاجه وردك علي ابوكي مش چريمه سواء كان هو غلط معاكم أو مغلطش في النهايه هو ابوكم اللي علمتهولكم دره هو نفس اللي انا ربيتها عليه طاعة الام و الأب واجب عليكم وعلي أي حد في الدنيا مهما كان فيهم ايه طباعهم ايه حلوين او وحشين دي بره عننا في النهايه احنا لازم نحترمهم ونطيعهم ونحسن معاملتهم عشان منتحاسبش عليهم دره زرعت ده فيكم بس كمان عصبيتها الصبح عليكي مكانتش عشان رديتي عليه يمكن هي التعبير خاڼها بس ده من ۏجعها يا ولاد
الست لما بتتجرح من راجلها بتبقي عامله زي المدبوحه لا هي عارفه بتقول ايه ولا بتتصرف أزاي 
أه انتوا مبقيتوش صغيرين بس كمان لسه مش فاهمين الشعور ده
مش هتخسوا بأمكم غير لما تتجوزوا ويبقي ليكم بيت وليكم راجل مختارينه بنفسكم وتبقوا امهات وقتها في عز سعادتكم هتدعوا من قلبكم ما تعيشوا الشعور اللي امكم عاشته 
دارين صدقيني يا بلبله احنا كلنا مقدرين اللي مامي عاشته وبتعيشه وعارفين ان بابي غلط في حقها كتير ومحدش فينا كان قاصد يزعلها
نبيله عارفه يابنتي انكم متقصدوش بس اللي اقصد اقوله انها موجوعه فا متزعلوش من اي رد فعل يخرج منها
دانه انا عن نفسي مش زعلانه منها والله بس انا مضايقه عشان زعلتها
نبيله وانا قولتلك انتي مزعلتيهاش كل الاڼهيار والعصبيه اللي شوفتوها الصبح دي مش انتي السبب فيها يا دانه ولا اي حد فيكم يا بنات اللي في دره ده بسبب اللي عمله معاها أبوكم واللي ۏجعها انه عشان عارف انها مش هتديله فرصه ولا هتسمعه جري عليكم وفي نفس الوقت هو غلط في حقكم طب ازاي وليه بيكلمكم هي مكانتش عايزه تعرفكم اي حاجه بس ڠصب عنها 
ديما بحزن بس اللي مامي متعرفهوش اننا كنا عارفين ان بابي رافضنا ومش عايزنا بس انا خبيت عليها قولت بس لدارين ودانه قبل ما نيجي بيومين بابي كان سايب البيت لحد ما نمشي ويتم الطلاق وقتها كلمته واترجيته نفضل معاه وميبعدش عننا بس رفض وقالي سافري مع مامي قولتله انا عيزاك يابابي انت كمان قالي لا سافري واسمعي الكلام مش هينفع نفضل مع بعض ولا هينفع تفضلوا معايا
نبيله بحزن بلاش نجيب سيرة اللي قاله واللي عمله الله يسهله هو اذي بنتي وانا عمري ما هسامحه بس في نفس الوقت مش هقدر اغلط فيه عشانكم انتوا لانوا في النهايه زي ما قولت هو ابوكم واكيد هتزعلوا عليه
زمان يا بنات انا كنت قريبه من ابويا اوي مكانش عندي غير اخ واحد أصغر مني بس اټوفي وهو في سن صغير يعني 14 سنه تقريبا كنت انا عند ابويا الدنيا ومافيها وهو كمان كان قريب مني اوي في مره زعل هو وامي اوي بعد وفاه اخويا كان بسبب ۏفاة اخويا جاله حمي جامده اوي
دارين يعني ايه حمي
دعاء يعني سخونيه يادارين حرارته ارتفعت 
نبيله المهم زمان بردوا مكانش في فهم زي الوقت والستات علي قد ما كانت شاطره بس كانت علي قد حالها في التفكير واخرهم كان الكمادات طبعا اخويا حالته بقت تسوء اكتر وماټ بعد يومين من السخونيه فا ابويا فضل مصمم ان امي اهملت فين واتعاركوا كتير وكانت اول مره اشوفهم بېتعاركوا بالشكل ده لا ابويا كان قاصد كلامه ان امي هي اللي موتته ولا امي كانت واخده كلامه جد بس الاتنين كانوا موجوعين ابويا موجوع علي اخويا وبيقول اي حاجه يطلع فيها غضبه وامي بردوا كانت شايفه ان اللي ابويا بيعمله مش وقته وانه مدهاش فرصه حتي تحزن علي أبنها واطلقوا 
الكل حاول يتدخل بينهم بس الاتنين رفضوا خالص وقعدوا بعيد عن بعض خمس سنين طول الخمس سنين

دول كنت بنشوف ابويا و بنروحله في بيت ستي وهوكمان كان بيشوف كل طلباتنا وبيهتم بينا بس في بدايه طلاقهم اول اسبوعين كان ابويا بيوحشني أوي وكان بيبقي نفسي نشوفه ونروحله لانه كان حنين وبيحبنت من قلبه لاعمره زعق لحد فينا ولا عمره مد ايده علينا المهم كنت بنخاف نقولوا لامي انه واحشني وعايزه نشوفه احسن تزعل او تتعارك معايا او حتي تقولي انتي بتحبيه اكتر مني 
لقيتها في يوم بتقولي خدي يابت يا نبيله قولتلها ايوه يااما قالتلي هو انت يابت لو اتجوزتي وبعدتي عني مش هتسألي عني قولتلها كلام ايه ده ياما انا هنبقي عندك كل يوم
قالتلي لو مۏت مش هتيجي تزوريني او حتي تقرأيلي الفاتحه كل يوم ونيجي علي بالك زي ما كنت عايشه
قولتها بعد الشړ عنك ياما بس اكيد لأ وعمرك ما هتروحي من بالي 
قالتلي امالي ليه يابت مبتسأليش علي أبوكي ولا بتروحي تزوريه يا قليله الأصل ده ملهوش غيرك 
بصتلها يومها بأستغراب وقولتلها هو انتوا اتصالحتوا ياما
ردت عليا وقالتلي لأ
قولتلها امال ليه بتقوليلي كده
يومها بصتلي بصه عمري ما هننساها كان كلها ڠضب
قالتلي هو انا يابت لازم اكون متصالحه انا وابوكي عشان توصلي رحمك بيه
قولتلها لا مقصدش بس مستغربه انك بتقوليلي كده قالتلي عشان فات اسبوعين من بوم ما اتطلقت وانتي مقولتيش اشوف ابويا او أشقر عليه
قولتلها انا ابويا واحشني ياما وهنتجنن ونشوفه ونقعد معاه بس انا خاېفه منك احسن تزعلي مني لو قولتلك اني عايزه نشوفه 
نزلت دموعها بسرعه وقالتلي يابت ده دخولك الجنه مرهون برضا مني ومن ابوكي معقول انا يهون عليا نشوفك بتتشوي في الڼار عشان شويه زعل جوايا منه معقول انا نقسيكي عليه ونجبرك تبعدي عنه ومتشوفيهوش ولا تكلميه عشان حاجه بيني وبينه سكتت شويه وبصتلي وقالتلي هنقولك كلمتين تحطيهم حلقه في ودنك والكلمتين دول لما يبقي ليكي بيت وعيال تربي ولادك عليهم الست والراجل يقطعوا بعض يخسروا بعد يبعدوا عن بعض يحصل بينهم اللي يحصل بس يفضل ولادهم بعيد عن مشاكلهم لا الام تزعل من جوزها وتمسك عيالها تكرههم فيه وتقولهم متكلمهوش متسألوش فيه ولا الراجل كمان يقسيهم علي امهم ويطلع فيها العبر مشاكلكم بعيد عن عيالكم عشان مهما كان وحتي لو الست کرهت الراجل هيفضل ابو عيالها ولو الراجل كره الست هتفضل ام عياله يمكن ميرجعوش ويمكن يكون النصيب بينهم اتقطع لكن هيفضل في رابط في النصيب اللي اتقطع رابطهم ببعض من غير ما يحسوا وهما العيال 
فرحت قولتلها يعني مش هتزعلي قالتلي هزعل لو أثرتي معاه ولا شوفتيه محتاجك وموقفتيش في ضهره ومش بس كده لو طاوعتيني من جوايا هنخاف منك وهنعرفوا انك ملكيش أصل واكيد هتعملي معايا كده لما تكبري وتتجوزي يومها جريت علي ابويا وانا طايره من الفرحه ومش بس كده عملتلي صنيه بسبوسه عشان ابويا كان بيحبها قالتلي تأكليهاله بأيدك هو وستك وتقعدي معاهم روحت وانا فرحانه واول ما شوفت ابويا بوست علي ايده وقولتله متزعلش مني وحكيتله اللي حصل سوفت في عينه ابتسامه لا يمكن انساها وحسيت وقتها ان رغم زعله من امي إلا انه واثق انها بنت اصول ولا يمكن تقسي بنته عليه 
المختصر انا بحكي كل ده ليه عشان اعرفكم ان اي حاجه تحصل بين ابوكم وامكم انتوا بعيد عنها طاعتهم واجب عليكم وحتي لو ابوكم جه عليكم زي ما جه علي امكم اوعوا تقطعوا يمكن تكون السکينه سرقاه ومش واعي للي بيعمله حتي لو رفض يكلمكم او يشوفكم تبقوا عملتوا اللي عليكم
والاهم هنقولها تاني دره مرفضتش عشان هو كلكم لو كان بيتصل وهو ندمان او حقيقي عايز يطمن عليكم كان هيبقي عادي بس هي خاېفه عليكم وعارفه ان ده مكانش رأيه واكيد في حاجه هي مش فهماها عشان كده اتعصبت عليكم 
دانه انا عارفه يا بلبله والله بس انا مش عيزاها تزعل مني مش اكتر
دعاء تيجي هي بس وانت ا راضوها بكلمتبن امكم مفيش اطيب ولا احن من قلبها والشويه اللي بعدت فيهم اكيد هيهدوها وهترجع ناسيه 
دارين ممكن أسالك سؤال يا بلبله
نبيله أسألي يا قلب بلبله
دارين بابتسامه ايه اللي حصل مع مامتك وبباكي بعد كده بصراحه عندي فضول اعرف قصتهم انتهت ازاي 
نبيله بابتسامه جميله رجعوا لبعض بعد خمس سنين الناس بتوع زمان الراجل والست لما كانوا يتجوزا اغلبهم مكانوش بيتجوزوا عن حب بس بمجرد ما يتقفل عليهم باب واحد العشره بتخلي روحهم متعلقه ببعض وابويا كان حنين اوي وحب امي