ملاك ومراد الثامن عشر
نروح نجيب العروسه بدرى ونعمل السيشن عشان القاعه
يوسف أيوه بقا هو ده صحبى حجى ال بيشجعنى هلبس وأجيلك يا أبو الصحاب
وتركه وغادر المكان
مراد بنفاذ صبر صبرنى يارب
فى المساء
يوسف ومراد وشريف راحوا عند منزل رودينا وأنتظروها تنزل وكانت ملاك معاها شريف طلع يجيبها علشان يشلمها ليوسف ونزل بيها كانت جميله جدا رودينا أصلا شعرها بنى وناعم وطويل وعيونها بنى فاتح وواسعه وبشرته برونزيه كانت ملكه بمعنى الكلمه شريف سلمها
مراد يلا يابابا
شريف لاء ياحبيبى أنا هركب مع السواق وهطلع على الفندق علطول خليكم براحتكم
مراد تمام ال يريحك وتركه وركب عربيته وشغلها وطلع ورا عربية يوسف
ملاك بخجل شكرا
مراد أممم شكرا بس كده
ملاك أحم أومال أقول أيه
مراد يعنى مفيش شكرا ياحبيبى أى حاجه خلينى كده
ملاك ههههه مش بعرف أرد على الكلام الحلو
مراد أنتى منهم
ملاك من مين
مراد من الناس ال مبتعرفش ترد طب خلاص مش هكسفك أكتر من كده بس أيه رأيك فيا
ملاك أحم جميل جدا
ملاك أتكسفت ومردتش
مراد بضحك خلاص هسكت خالص عشان متتكسفيش كده
وبعد وقت وصلوا كلهم ونزلوا عملوا سيشن يوسف ورودينا ومراد أصر يعمل مع ملاك مع أنها كانت رافضه بس هو أصر وبعد ماخلصوا طلعوا على الفندق ال مقام فيه الفرح ودخلوا بعد زفه كبيره جدا ورجال أعمال كبيره كانوا موجودين لأن طبعا يوسف ومراد من أكبر رجال الأعمال والصحافه كمان كانت موجوده
عند مراد وملاك
ملاك بأحراج أنا مبعرفش أرقص
مراد بثبات بالعكس أنتى ممتازه جدا خليكى كده
ملاك فى حزن باين فى عينيها أنا عايزه أقعد
مراد وهو ينظر فى عينيها بشده أنسى اى حاجه تزعلك وخليكى دلوقتى معايا وفى حضنى أنا وبس أنسى ياملاك أنسى
عند يوسف ورودينا
يوسف بفرحه مش مصدق أنك النهارده بين أيدى فعلى مش كلام وبس
رودينا بضحك للدرجه دى
يوسف بحب وأكتر من كده كمان أنا بحبك يارودينا وكلمة بحبك دى قليله عليكى أووى أنتى كل حاجه حلوه حصلتلى ربنا يقدرنى وأقدر أسعدك
رودينا ويقدرنى أنا كمان وأقدر أسعدك ياحبيبى
رودينا بابتسامه وأنا كمان
وفى الوقت ده يوسف رفع رودينا ولف بيها جامد وهى كانت بتضحك بسعاده والجميع سقف وصفر وكان فرح جميل جدا
أنتهى الفرح على خير وكل واحد راح بيته ويوسف أخد رودينا
