علاقه امى بزوجى الحلقه الثانيه بقلم هويدا زغلول

ربنا يخليك ليا وما يحرمني منك ابدا
مروه 
طيب انا
هدخل احضر الاكل واجي على طول هات الشنطه دي يا سليمان علشان ادخلها الاوضه وبعدها دخلت
الحما 
كنت عارفه انك هتيجي وتخليك جنبي
سليمان 
هند شافت المحادثه بيني وبينك وعامله 
تقولي أنها هتقول ل مروه
الحما 
وانت ازاي مش بتمسح المحادثه اول ب اول 
انت اكيد بتهزر
سليمان 
اللي حصل بقي المهم انا مش عارف اتصرف ازاي 
في اللي حصل ده
الحما 
اسكت بس وانا هتصرف في الحوار ده ملكش 
دعوه انت
سليمان 
مش عايزك تعملي اي حاجه بدون ما تخدي 
رأي انا مش عايز اي مشاكل
الحما 
بطل انت الخۏف اللي انت فيه ده وبلاش تظةن 
عامل كده وبعدها خرجت
مروه 
عمتي كلمتني وقالت إنها هتجيب المحامي 
وتيجي بليل يا ماما
الام 
خليها تيجي يا حبيبتي مع أن مش وقته 
خلاص اللي هي عامله تتكلم فيه ده
وبليل الكل كان متجمع
المحامي 
احب اقولكم ان كل حاجه مكتوبه ب اسم 
مروه بيع وشړا
الام 
ازاي يا متر الكلام ده معقول انا يعني مليش 
اي حاجه خلاص معقول عمل فيا كده حتي بعد 
العشره دي
ناديه 
ايوه ياختي اعمليهم عليا اعمليهم على اساس انك ما كنتيش عارفه انت وبنتك وعاملين الحوار ده علينا
مروه 
حقيقي يا عمتي احنا ولا كنا نعرف اي حاجه عن الكلام ده ومش عارفه هو ليه بابا عمل كده مع ان ماما كانت شايلاه في الفتره الاخيره
ناديه 
وانا مش هسكت ومش هسيب حقي وهاخد حقي منك يا مروه ومن امك
سليمان 
لحد هنا ومسامح حدودك بقى انت بتهددي مراتي قدام مني ولا ايه انتي ما تعرفيش انا ممكن اعمل معاكي ايه
ناديه 
اعلى ما في خيلك يا حبيبي اركبهم انت سامع ولا لا المهم أنا ماشيه واعرفي ان مش هسيب حقي 
ومشيت
المحامي 
مش عايزك تشيلي هم يا مدام مروه هي مش هتقدر تعمل معاكي اي حاجه ولو عايزه تروحي تعملي ليها محضر عدم تعرض في القسم انا معاكي
مروه 
ايه الكلام اللي حضرتك بتقوله ده يا متر دي عمتي طبعا وانا ما اقدرش اعمل فيها كده
الام 
هو انتي يا بت انتي هتفضلي هبله لحد امتى خليكي ذكيه شويه عمتك مش سهله
سليمان 
ارجوك يا حماتي انا مش عايز كلام في مشاكل دلوقتي انا عارف مروه لما تكون مضغوطه ما بتعرفش تفكر في اي حاجه سيبيها وهي تبقى تشوف حل يلا بينا يا حبيبتي علشان
ننام وبعدها دخلنا الاوضه
مروه 
تفتكر هو ليه بابا عمل كده ومكتبش اي حاجه باسم ماما
سليمان 
مش عارف يا حبيبتي بس انا عايزك تخلي بالك من فلوسك بعد كده وما تسمحيش لاي حد يفكر يجي عليكي حتي لو مامتك
مروه 
انا فعلا محتاجه انام انا حاسه ان انا مضغوطه جدا ومش عارفه افكر في اي حاجه 
ودخلت ماما
الام 
مش هتنامي يا حبيبتي قبل ما تشربي كوبايه اللبن دي انا مش عايزاك تزعلي نفسك خالص وانا في ظهرك واكيد هقف قصاد عمتك
مروه 
ربنا يخليكي يا ماما ما يحرمني منك ابدا انا بس عايزه موضوع يعدي