فيروز الفصل ال23/22/21

لو كنت جتلك وقولتلك يا جناب العمده صخر باشا ممكن لو سمحت تتكرم وتديني المفاتيح اشوف اختك كنت هتوافق...لاطبعا...وبعدين انا عملت ايه ..روحت علشان اعرف منها الي انت مش عايز تقولهولي .حبيت افهم منها مش اكتر اكيد مش هأذيها يعني
صخر قال بسخريه..امممم روحتي ..تفهمي منها..من امييره..وضحك وقال..هو انتي لسه مخدتيش بالك من عقليتها لسه عندك امل انها ممكن تشرحلك او تفهمك حاجه ..ويا تري بقى فهمتي ولا الروحه من غير فايده
ابرار وقفت وقربت منو وحطت عنيها في عنيه وقالت..مش شرط تشرحلي علشان افهم منها..نظره العيون كفايه...اختك مړعوبه منك..مړعوبه لدرجه لما سمعت صوتك جالها اڼهيار...انت عملت معاها ايه لكل ده..ده سؤال محدش هيعرف يجاوب عليه غيرك ده طبعا لو كان عندك الشجاعه
صخر اتنهد بحزن وقعد على السرير وقال...اميره عندها ضمور في المخ..من وهيه سنها ٦ سنين يعني عقلها واقف على العمر ده..عمر طفل..والاطفال متعرفش تفرق مين معاها ومين عليها
ابرار قالت ..بس بتعرف تحس...والاحساس بالخۏف بيبقى من سؤء المعامله..ومن موقف صعب موجود في دماغهم بدليل ان الطفل مهما امو قسيت عليه مش بېخاف منها...ولولا ان فيه موقف حصل لاميره منك رعبها كده..اكيد مكانتش هتبقى دي حالتها كل ما تشوفك اوتسمع صوتك
صخر قال بتعب...انتي عايزه ايه دلوك..هاتي المفاتيح دي. وشدهم منها وقال پغضب..يدك لو اتمدت عليهم تاني هقطعهالك ويلا نامي علشان تعبت
ابرار اتنهدت وقعدت على السرير وسط افكارها لحد ما نامت
عند رافع رجع على البيت وهو مش شايف قدامو وخاېف صخر يعرف قعد في الصاله من غير ما يفتح النور وقال في نفسو....لو قالتلو ايه الي هيحصل...ووقف وقال...ايه الي هيحصل يا غبي هتخسرهم الاتنين لانك جبان ..جبان وغبي
بس قطع افكارو لما اتفتح النور وكان ابوه قال ...ايه يا باشا ما بدري..كنت فين الفجر هيدن
رافع بلع ريقه بتوتر وقال...صاحي ليه لحد دلوك يا ابوي
صادق قال..مستنيك يا اخر صبري..كان عندي ليك خبر زين وهيفرحك
رافع قال بشرود..خير
صادق قال بفرحه...اسماعيل بيه صاحب مصنمع الغزل معاه بت دكتوره..وكلمتو عليها ووافق...عايزك تيجي معاي بعد يومين نخطبها ونقرى الفاتحه
رافع قال پغضب مكبوت....مبروكه عليك يا ابوي...عايزها ليك مباركه ...انما انا انت عارف رأي في الحكايه دي
صادق قال پغضب..يعني ايه
رافع قال وهو طالع على اوضتو...يعني تصبح على خير يا ابوي
رافع طلع وصادق بقى يزعق ويقول...هتتجوزها ورجلك فوق رقبتك..فاكرني هشاورك اياك
في صباح يوم جديد رافع كان في الدوار من بعد الفجر على طول اصلا منامش
وصخر كان بيلبس قدام المرايه وابرار بتبصلو باعجاب بطلتو وهيبتو وفضلت سرحانه فيه شويه
صخر خد بالو لنظراتها ابتسم وقال...ايه عاجبين القمر للدرجادي
ابرار ضحكت بخفه وقالت..انت تعجب اي حد
صخر اتفاجأ وبصلها بدهشه وقال..قولتي ايه
ابرار قالت بابتسامه..قوات ..تعجب..اي ...حد...الي يشوفك من بره كده غير الي يعرفك خالص..ديما المظاهر خداعه يا عمده
صخر ضحك وقال...مهانش عليكي تقولي كلمتين حلوين على بعض...على العموم..مقبوله منك انا هنزل علشان رافع مستنيني من بدري مش عارف مالو ده امبارح كان معاي لنص الليل ودلوك جاي من الفجر
ابرار قالت بتوتر...هو..هو انت تعرف رافع ده منين
صخر قال من غير اهتمام...من زمان قوي ده صاحب عمري ..تقدري تقولي اخوي
ابرار قالت في نفسها..لا اخوك فعلا
صخر قال..بتقولي حاحه
ابرار قالت بارتباك..ها لا لا ابدا بقول..بتوثق فيه يعني
بقلمي...زهرة الربيع
صخر ابتسم وقال..اكتر ما بوثق في نفسي...هو دراعي الي بيساعدني وضهري الي ساندني .. واكتر كمان ...بس يعني بتسألي ليه
ابرار اتنهدت وقالن..لو طلع بيخونك تعمل ايه
صخر ضحك وقال..مفكرتش في الموضوع لانو مستحيل يحصل بس لو حصلت معجزه وحصل ابقى انا انتهيت لان رافع هو ثقتي في نفسي الي مقدرش اعيش من غيرها
ابرار قالت بحزن..لدرجادي...يعني ايه سر كل الثقه دي
صخر قال...عادي اتربينا سوا وسافرنا سوا ورجعنا سوا عارفه رافع بيعرج على رجلو الشمال ليه
ابرار قالت..ليه
صخر قال..لانو اخد ړصاصه في رجلو بدالي..كان المفروض تصيبني..هو كان دايما معاي في الوقت الي مكانش فيه حد معاي اخد الطلقه بدالي وجات في الركبه وعملتلو العاهه دي وقالو انها مش هتتحسن كمان بس مهتمش قلي الحمد الله انها مجاتش فيك.... يلا كفايه رغي هشوفو عايز ايه واجيلك شكلك انهارده رايقه ويمكن ربنا يسهل ويكون لينانصيب في حاجه..حلوه
ابرار ضحكت وقالت..والله مريييييض كل ده