فيروز الفصل ال23/22/21

علشان اتكلمت معاك كلمتين وقالت بتوتر....صخر ممكن اطلب منك طلب
صخر قال...امري
ابرار قالت پخوف...ممكن انزل اميره تتمشي معاي في الجنينه بس شويه وانبي البنت صعبانه عليا
صخر اتنهد بحزن وقال..يعني انتي فاكره انها مش صعبانه عليا انا كمان بس اول ما هتشوفني هتصرخ وتقول كلام مينفعش قدام الخدم و
بس قاطعتو ابرار وقالت...انا اوعدك اني هخليها متقولش حاجه ارجوك بس انهارده لو حصل حاجه مش هنزلها تاني
صخر راح ناحيه الباب من غير مايتكلم وابرار اتنهدت بحزن... بس ابتسمت بفرحه شديده لما حدف لها المفاتيح وقال..لبسيها طرحتها علشان الرجاله
ابرار هزت راسها بالموافقه وهيه هتطير من الفرحه وصخر نزل
ابرار اول ما نزل جهزت بسرعه وراحت عند اميره
اميره اول ما شافتها قالت پخوف..قولتيلو
ابرار ابتسمت وقالت..لا ...ومش هقولو حاجه..وهاخدك نتمشي في البيت وتشمي هوا وهركبك المرجيحه كمان بس بشرط
اميره قالت بفرحه..شرط ايه
ابرار قالت بتوتر..صخر هيبقى تحت مينفعش ټعيطي ولا تتخانقي معاه تمام
اميره قعدت بحزن وقالت لا..خلاص مش عايزه انزل
ابرار قالت بخبث.... براحتك مع ان رافع تحت
اميره وقغت بفرحه شديده وقالت..طب لبسيني وهقعد ساكته
ابرار ابتسمت وبقت تساعدها تلبس
عند صخر كان قاعد مع رافع الي كان مهموم وحاطط اديه على دماغو من كتر الصداع
صخر قال باستغراب..يا ابني مالك قالقني عليك..هو حصل حاجه انا معرفهاش
رافع اتوتر وقال..لا لا ابدا انا..انا بس..مضايق شويه ابويا مش سايبني في حالي واخر حاجه عايز يجوزني
صخر ضحك وقال..مهو معاه حق هتفضل كده لامتي انت قربت على التلاتين وبعدين انت زعلان ليه مش يمكن العروسه تعجبك
رافع بصلو بضيق وقال...جايبلي عروسه دكتوره بنت اسماعيل القاضي..وعايزني اتجوز اخر الشهر كمان و
بس قطع كلامو لما اتفاجأ بشده باميره بتقول بصړاخ...يعني ايه تجوز...تجوز ازاي ووووووو
وقف پصدمه وهو مش مصدق نفسو لما قالت تتجوز..تتجوز ازاي..طب وانا
صخر كان متفاجأ جدا وابرار خاېفه من الموقف بس رافع كان مبهور ومش مصدق انها زعلت انو هيتجوز احساس جديد عليه مش مصدق انها فهمت اصلا
قرب وقال بابتسامه..اذيك يا اميره ...انا...انا بقول يعني ابوي عايز كده بس انا مش هتجوزها ..ابدا..انا بحب واحده تانيه ومش هتجوز غيرها
اميره بقت تبص لعنيه بفرحه وخاڤت من صخر لانها قالت كده قدامو وقالت....انا..انا قصدي...قصدي يعني...وسكتت شويه وقالت بسرعه زي ما تكون لقت فكره...قصدي متجوزش دكتوره لاحسن تديلك حقن
ابرار ضحكت ورافع كمان ضحك من قلبو وصخر رفع حاجبو بدهشه وقرب عليها وقال...حقن..انتي خاېفه عليه يعني...اممممم طيب روحي العبي مع ابرار جبتلك الالعاب الي بتحبيها هتلاقيهم في الجنينه
اميره هزت راسها بالمواففه پخوف منو وطلعت على طول
رافع فضل باصص على طيفها بابتسامه ورافع حط ايدو على كتفو وقال...افهم ايه انا من الي اتقال ده
رافع قال بارتباك...انا..احم..ماانت سمعتها كانت خاېفه علي مش اكتر
صخر قال ..خاېفه عليك ااااه...تعالى معاي عايزك..وقعدو في الصاله وصخر اتنهد قال..اسمع يا رافع انا والله شايف انك انسب انسان في الدنيا كلها لاميره وشايف انها بتتحسن ميه وتمانين درجه لما تشوفك ولاحظت اهتمامها بيك...بس انت عارف الي فيها وان مستحيل تكونو لبعض..فمفيش داعي تخليها تتعلق بيك انت عارف ظروفها..
رافع لسه هيرد صخر قال..انا عارف انو صعب عليك..عارف انك بتحبها..بس هيه متنفعكش ..اسمع كلام ابوك وشوف البنت يمكن تعجبك..صدقني ده احسن ليك ولاميره
رافع قال بدموع..انت مش فاهم حاجه..مقدرش ..مقدرش
الروايه حصري لبيدج عالم الروايات فقط 
صخر قال پغضب...انت الي مش فاهم حاجه افهم بقى اميره معاقه ذهنيا يعني متنفعش لا ست بيت ولا زوجه ولا ام تقدر تقولي هتعمل ايه بعد ما تتجوزها ايه الي هيتم يعني
رافع قال بسرعه..هجبلها بدل الخدامه عشره مش هخليها محتاجه اي حاجه وهبقى دايما جمبها وعمري ما هزعلها انت بس وافق ..علشان خاطري يا صخر
صخر قال بعصبيه..با ابني افهم هنرجع تاتي للموضوع ده..اميره مش هتنفع تتجوزك ولا انت ولا غيرك ده نصيبها ..قفل على السيره دي وانساها... انساها بقى
رافع وقف وقال بدموع وڠضب..طيب... مش هتجوزها يا صخر..براحتك..ده الي ليكم عندي ..بس محدش يقدر يجبرني ابقى مع غيرها ولا انت ولا ابوي سامعني
صخر ضحك بحزن وقال..استهدى بالله بس..يعني هتفضل من غير جواز
رافع قال بعصبيه..ايوه هفضل من غير جواز هترهبن وهلاقيلي دير واقعد فيه يا اميره يا بلاش ..وفهم ابوي كده