الخطيئه الجزء الثاني والاخير

مكتبي وانا الي اقر سواء اوافق ولا ارفض مش تدخل زي الطور كده من غير أحم ولا دستور 
نظر لها باستنكار طور وهو يلعن ويسب فيها بداخله فهو من اصر علي زين ليشارك المعتوه ايهم و ابنته هنا لتقلل من شأنه اسف يا لارين مش هدخل تاني مكتبك من غير اذن 
اسمي مدام لارين ..مش لارين ويا ريت تتفضل تخرج علشان عندي شغل 

حاضر مدام لارين وسوري لو كنت عطلتك عن شغلك 
في تلك الاثناء اتاها اتصال من أخيها فارس فقررت الرد سريعا ايوه يا حبيبي انت فين 
فارس انا يا ستي في المول مع باسل قرر يقابلني علشان موضوع مهم 
لارين مش المفروض انك في الشركه 
فارس أيوه بس باسل طلبني فقررت اقابله اشوف في ايه بقولك ما تيجي علشان هو كمان عاوزك 
لارين ده اجتماع قمه علي كده يا حبيبي وفي الاجتماعات الي زي ده لازم أكون أول الحاضرين علشان أقص الشريط 
فارس يا شيخه أتلهي شريط ايه وتوكه ايه انتي كمان 
لارين اخص عليك زعلت منك وهتصالحني بكادوه كبير يا بيبي 
فارس تسمعك مراتي متنسيش ان راجل متجوز يا روحي 
لارين وايه يعني متجوز ولا يهمني مراتك متقدرش تتكلم نص كلمه اكسرلك دماغها يا بيبي 
فارس يلا تعالي بسرعه 
لارين مسافه السكه قولتلي انت فين 
فارس انا في المول.................. عرفتيه 
لارين ايوه عرفتوه نص ساعه واكون عندك 
لم تكن تعلم ان عاصم لا يزال موجود معاه في غرفه مكتبها وسمع حديثها مع أخيها 
انت لسه هنا 
انا ماشي أهو بس قولت اشوفك عاوزه حاجه علشان تعرفي ان قلبي طيب
تشوف الۏحش كله ان شاء الله 
لارين انا عاوز اعرف انتي بتعامليني كده ليه انا معملتش ليكي حاجه وحشه 
اطلاقا يا عاصم ده حتي انت كيوت خالص 
بتتريقي عليا 
ابدا وربنا كان بودي اقعد ارغي معاك بس لازم تمشي من مكتبي ناو علشان اعرف أتنفس في مكتبي براحتي 
غادر عاصم من مكتبها وهو يقسم انه سيجعلها ټندم علي ما قالته فمن هي حتي تتحداه وتوبخه بهذا الشكل 

مالك يا عاصم في ايه زي ما تكون خارج من حرب العصاپات وقافش علي حرامي 
ايه يا ايهم انت خيالك جامد يا راجل 
ده أنا انت بقالك ساعه قدام مكتبي وشكلك عاوز تقولي حاجه 
مفيش يا ايهم بس قرفان ومخڼوق من العقربه الي جت شركتك وخدت كل تعبك علي فاضي 
تقصدي مين !!
اقصد لارين يا أيهم لارين 
مالها عملت ايه تاني 
انا خاېف علي أخوك منها حذره يا أيهم 
أحذره من إيه بس 
خاېف تعمل فيه زي ما عملت زمان فيك 
تعمل إيه بالظبط يا عاصم وضح كلامك 
ظل يدور حول كالحيه يبخ سمه دخلت علشان أشوف التصاميم لقيتها بتكلم حد ودلع وغرام وبتقوله يا حبيبي مراتك متقدرش تعملك حاجه 
إيه الي أنت بتقوله ده 
أنت مفكرني بكدب عليك لو مش مصدقني لو روحت المول............. ده هتلاقيها هناك هي قالتله نص ساعه وهقابلك 
تكلم بهدوء وبرود عكس ما يجول بداخله روح كمل شغلك وبعدين باسل حر هو مش صغير وعارف مصلحته 

نسج شباكه ليصدق علي ما حدث في الماض ..فهل هي خائڼه فبعد كل ما حدث فالقلب لا يعترف أنها تخون مطلقا لكن للعقل قرارات أخري حسم قراره ليتاكد مما قاله صديقه سيذهب الي المول ليري بأعينه الحبيب السري لديها 
انطلق بسيارته الي هذا المول ظل يدور باعينه عليها فاجأه ودون سابق انذار كان بين قدميه طفل يبكي انحني ليه فقد رق قلبه له لا يعلم هويته وما هو اسمه لكن شئ ما بداخله جعله آخذه بين احضانه حتي يكف عن البكاء 
مالك يا حبيبي بټعيط ليه 
نظر له يودي برهبه وخوف مفيش 
لا يا حبيبي فيه وبعدين أنت قاعد كده ليه 
روحت علشان أجيب تشوكلت لجودي و تهت منهم ومش عارف ارجع لهم 
جودي دي أختك مش كده 
لا دي حبيبتي 
نعم يا أخويا انت عندك كام سنه 
اشار علي أصبعه 12 3... عندي خمس سنين 
عندك خمس سنين وبتحب أمال لما يبقوا عشرة هتعمل ايه هتجوز 
نظر له يودي ولا يعرف كيف يجاوبه .. انت بتقول إيه يا أونكل 
لم يعرف سر حزنه حين نطق الطفل هذه الكلمه آنكل ايه بس انا مبحش الكلمه دي قولي عمو ..عمو أيهم 
وهو يمسح دموعه ماشي يا عمو 
سكر يا ... انت اسمك ايه 
اسمي ..اسمي ..يودي 
نظر له وعلامات الدهشه ممزوجه بالاستغراب فهذا الاسم خاص له وحده كانت معشقوته تلقبه بيه تذكر مقولتها وهي تخبره نفسي يا أيهم أجيب ولد أسميه يحيي علشان ادلعه ب يودي علشان يبقي عندي أتنين يودي 
آنكل ..آنكل حضرتك روحت فين 
نظر له بنظره ذات معني فرد يودي سوري اقصد عمو أنت روحت فين 
مروحتش يا حبيبي مرحتش 
في تلك الأثناء كانت هيا وجودي يبحثان عن يحيي في كل مكان حتي وجدوه يجلس مع شخص غريب اندفعت هيا تجاهه 
هيا كده يا يودي ينفع الي أنت عملته ده 
يودي سوري مكنتش أقصد بس كنت بجيب أتشوكليت لجودي علشان مش تزعل 
جودي كده تقتلقني عليك انت مش عارف انا كنت عامله ازاي لما تهت 
يودي اسف يا جودي حقك عليا وأخرج من جيبه الحلوي وأعطاه لها تحت مرئ هيا وأيهم 
أيهم بذمتكوا أنتوا أطفال انا شايف قدام روميوا وجوليت قيس وليلي .. ايه ده علي كده احنا فاتنا كتير وضاعت أيامنا علي حاجات هايفه 
هيا مره تانيه متعملش كده يا يودي 
يودي حاضر 
هيا مرسيي لحضرتك واسفه لو كنا عطلانك عن شغلك يلا يا ولاد 
أيهم مفيش حاجه اي حد مكان كان هيعمل كده بس خلي بالك منه 
هيا حاضر وشكرا ليك مره تانيه 
أيهم وهو يلوح ليودي بيده باي يا يودي
يودي باي عمو 
هيا ينفع كده يا يودي 
جودي مش تزعقي ليودي يا مامي لو سمحت 
هيا بس يا بنت لما مامي تتكلم انتي تسكتي 
يودي انا أسف آنطي ومش هتكرر تاني 
هيا لما نشوف 
.................................
..................................
في تلك الاثناء اتت لارين الي كافيه المول لتقابل كل من باسل وفارس لكن باسل قام ليجري اتصال تلفوني ليطمئن علي أبنته 
في تلك اللحظه أتي أيهم ورأي لارين وهي تقبل فارس وتجلس معه علي نفس الطاوله كان يريد ان ېكذب ما قاله عاصم لكن عيناه لم تكذب فهي علي علاقة بشخص آخر وهي تحمل أسم عائلته لثاني مره لكن هذه المره باسل لن يسمح لها أن