حب مجهول الهويه الفصل الثالث والثلاثون كامل
ليا..بصراحة طارق وحشني اوي.
بعد وقت اكتر من نص ساعه وكنت خلاص تعبت من كتر التمثيل على اختي اني تعبانه..
سمعت صوت خطوات سريعه بتقرب من باب الاوضة اللي احنا فيها وفجأة الباب اتفتح وانا غمضت عيني عشان مش هستحمل ان شكي يطلع غلط ويكون حد تاني غير طارق.. صوت الخطوات كانت بتقرب مني وسمعت صوت شهقت بسمه وهي بتسيب ايدي وتبعد وايد حنينه اتحطت على جبيني وصوته المميز بيتكلم.
ايوا هو ده صوته وكمان ريحته المميزة بقت في كل الاوضة.. خاېفه افتح عيني يطلع كل ده وهم ومش حقيقي.. دموعي نزلت مني وانا مغمضه عيوني ولقيت ايديه بتمسح دموعي من على خدي وايديه التانيه حطها على بطني وقال احلام فتحي عينيكي قوليلي حاسه ب ايه
ايوا هو طارق انا مش بحلم.. فتحت عيني وشوفته هو بعيونه اللي كلها لهفة.. انتفضت بسرعه من مكاني ومن غير ما افكر حضنته جامد وانا ببكي ومش عارفه انا ببكي ليه بس في اللحظة دي انا عقلي وقف عن التفكير.. انا روحي رجعتلي لما شوفته وخاېفه اسيبه يبعد عني تاني وبكيت كتير في حضنه وقولتله متسبنيش.
عقلي بدء يستوعب كلامه وافتكرت احنا فين وفجأة خرجت من حضنه ودفعته في صدره وقولتله ابعد عني..
ووقفت على السرير قصاده وهو واقف يبصلي پصدمة وانا صړخت فيه پجنون انت!! انت اللي عملت كل ده فينااا
وانا واقفه قصاده على السرير عشان اكون في مستوى طوله وپصرخ فيه اللي خطڤونا دول تبعك صح بتخطفني وفاكرني غبيه مش هعرف!
طارق كان واقف يبصلي پصدمة والدكتور دخل ومعاه طاهر بعد ما خلع القناع اللي كان بيلبسه عشان طبعا مكنش ينفع يستقبل الدكتور وهو لابسه وانا اول لما شوفته صړخت وقولت اهلااا وكمان طاهر معاك.. بس انا عرفته على فكرة.. كنتوا فاكرين اني مش هكشف لعبتكم دي
