اسر ورنا الفصل الخامس كامل
و يتنفس پغضب... نقل خالد على ڤيديو آخر و شغله أمامه
ده انت و في اوضة ياسين...
ايوة ده انا... و الڤيديو ده يثبتلك ان مش انا اللي حطيت القنبلة...
للأسف لا... كمل الڤيديو كده... انت قومت اهو... خرجت من اوضته... دخلت الحمام حطيت القنبلة في الدرج... مش مصدقني بص للوقت بتاع كل الڤيديو...
طب فين ڤيديو لما دخلت الحمام اغسل ايدي لقيت القنبلة و مسكت اللاسلكي بلغتك بكده
فحصت كل اللقطات الكاميرات ملقتش التسجيل ده...
ضحك آسر بسخرية و قال
ازاي يعني
هو انت مصدق فعلا اني عملت كده
كصديقك طبعا مش مصدق... لكن كرئيسك مصدق طبعا لان الدليل اهو قدامي...
آسر... انا هنا رئيسك و بس... قبل كده قولتلك صداقتنا حاجة و شغلنا حاجة تانية خالص و لازم تفصل بينهم... اللي انا بعمله دلوقتي ده واجبي كرئيس للمنظمة دي وبس... يعني مفيش مشاعر صداقة هتدخل في القضية دي...
طيب ماشي... نفترض إني فعلا انا اللي حطيت القنبلة... أكيد هبقى غبي لما اكون عارف ان في كاميرات في كل حتة و ادخل كده عادي احط القنبلة... و لو انا فعلا اللي عملت كده... الإرهاب ليه طلعت القنبلة من المستشفى بنفسي و كنت ھموت بسببها !!
تسقفولي !
قالها آسر بتعجب مما يسمعه من صديق عمره... ابتسم ابتسامة مريرة ثم قال
طالما حضرتك شايف ان كل تضحياتي اللي قدمتها للمنظمة و الوطن مجرد تضيحات عشان الناس تسقفلي و ابان انا البطل... اكمل و هو ينظر داخل عينيه پغضب من اللحظة دي و من الدقيقة
