اسر ورنا الفصل الثاني عشر كامل
انت في الصفحة 1 من 9 صفحات
بارت 12
لا أفهمك
يا آنسة...
قالها معاذ لبنت ما... إلتفت له و قالت
مين حضرتك
قابلتك في الكافيه من كام يوم كده... شوفتك هنا ف قولت اسلم عليكي... عاملة ايه
تمام...
بتشتغلي
اها...
بتشتغلي ايه
بشتغل في إدارة الأعمال...بس حاليا بشتغل اونلاين...
بجد طب والله كويس... انا شغال في شركة بابا... ماسك الإدارة مكان بابا... و كنت بدور على وحدة تشتغل معايا...
كنت بدور على واحد يعني... ف ملقتش... ايه رأيك تشتغلي معايا
هشوف...
طب هاتي رقمك...
افندم
انا قولت حاجة غلط يعني بقولك هاتي رقمك عشان لو وافقتي هتصل عليكي...
ما انا لو وافقت مفروض انا اللي اتصل على حضرتك مش انت اللي تتصل عليا...
وجهة نظر برضو... طب اكتبي رقمي عندك اكمل بصوت منخفض كده كده لما تتصلي رقمك هيظهر عندي...
لا لا متاخديش في بالك...
قول الرقم
011
هبعت لحضرتك على الواتس... تقولي التفاصيل و ابقا اقرر اوافق او لا...
ماشي يا آنسة... !!
وئام... اسمي وئام...
و انا معاذ...
اتشرفت بحضرتك... عن اذنك...
إلتفت و ذهبت... ابتسم معاذ و قال
شكلك كده يا واد يا معاذ هتعزم صحابك قريب الحمد لله الذي تتم بنعمته الصالحات... البنت محترمة و جامدة في نفس الوقت...
في ايه يا رغد ما انا قاعد اهو...
قاعد هنا بتعمل ايه
كنت بكلم واحد صاحبي...
صحبك اه نظرت ل ياسين ياسين حبيبي... قولي بقى. عمو معاذ كان واقف هنا بيعمل ايه
كان بيشقط البنت اللي هناك...
يخربيتك يا ياسين !! انا واخدك معايا عشان افسحك مش عشان تفتن عليا !!
طيب... حسابك معايا بعدين...
نظرت رغد للبنت ثم نظرت لمعاذ و ابتسمت
انت لسه بتشقط ولا ايه...
لا متفهمنيش غلط... الصراحة يعني بفكر اكمل نص ديني... يعني لما شوفت رنا و نهلة بيتخانقوا على آسر... عجبني الحوار...
يعني انت لسه مخطبتهاش و بتفكر تتجوز عليها !!
اه و بعدين
الصراحة اتحججت بالشغل عشان اشوفها... ارتحتي
يعني مش طيش منك
استغفر الله العظيم... خلاص توبنا... بتكلم بجد... انا ناوي اخطب و شكلها صاحبة النصيب...
لسه بدري... هتبصي فيها بعيونك دول يبقى هتتفلكش من اولها...
ده انا هدعيلك من كل قلبي...
ياسين انا عايز هوهوز...
مش هشتريلك عشان فتنت عليا... ده انا قولت ياسين بقى صاحبي و هيحفظ أسراري...
قولتلك انا مش بخبي حاجة عن رغد...
رغد و عشان مخبتش عني... انا اللي هشتريلك يا روحي... تعالى معايا
شوف البت... ماشي يا رغد... رايحين فين... استنوني انا جاي معاكم...
آسر هي فين
سهير جوه... نامت من شوية...
دخل آسر ليذهب عندها لكن سهير امسكت يده و قالت
انا متصلتش عليك و قولتلك انها عندي عشان تيجي و تتخانق معاها... اهدى يا آسر...
كانت قالتلي حتى... ده انا جوزها !
يعني هي راحت حتة غلط... دي جات عندي...
انا مشكتش فيها بس كانت قالتلي على الأقل...
خلاص يا آسر... استناها تصحى...
تنهد و قال
ينفع ادخلها
ادخلها...
دخل آسر الغرفة...
