غزاله بفك الضبع الجزء الثالث عشر كامل

في حضنها زي الطفل وبقى يحصنها ويجاهد علشان دموعه متنزلش وقال ...شكلي هخسرها يا امي...هتروح مني..غزال تعبانه اوي
هناء قالت بدموع..لا يا حبيبي متقولش كده... ربنا كبير
سهام وحور زمنى كانو بيبكو خصوصا سهام لانها بتحبها جدا 
وراشد كان قاعد بيدعي وحزين على حزن عيلتو ومنزر واقف جمب شاهر وبيحاول بهديه ويطمنو
اما وليد راح وقف عند الباب بدموع وفضل باصص عليها وبيفتكر طول الوقت الي قضوه سوا ... طفولتهم كانو سوا ..ومدرستهم ....وحتى شبابهم متربين سوا وياما كان يحميها وكانت تجري عليه في اي حاجه تزعلها
شاهر بصلو پغضب وقال..انت بتعمل ايه عندك
وليد قال بهدوء...غزال بنت عمي متربين سوا يا شاهر ..لو سمحت مش وقتو
شاهر محبش بتخانق معاه لانو دماغو حاليا مشغوله ومش بيفكر غير في غزال فضلو طول اليوم قاعدين سوا وبيدعولها والكل كان زعلان عليها وعلى شاهر الي اول مره يشوفووه بالحاله دي
في القصر كانت نور قاعده پغضب بعد ما عرفت ان غزال الي اټسممت وقلقانه جدا وتلفونها رن جريت عليه وقالت ...الو
وكان الشخص الي بيكلمها قال ..ها ايه المرادي
نور اتنهدت وقالت بحزن ...زفت..مفيش فايده ..غزال اټسممت بدالو
المجهول قال پغضب ...انا قولت انتي مش هتنفعيني...هما فين دلوقتي
نور قالت ..في المستشفي 
المجهول قال...خلاص كده انا هعرف شغلي معاه
نور قالت بغيظ...يعني.. وندخل برضو في سين وجيم قولتلك خليه يبان حاډث
المجهول قال...متقلقيش هخليه حاډث ويبقى ترند الحوادث كمان
في المستشفى كانو قاعدين بتوتر لحد ما طلعت الدكتوره وقالت..المدام فاقت تقدرو تشوفوها بس بالدور
اول ما قالت كده شاهر جري على الاوضه من غير ما يستنى والكل بقى يحمد ربنا انها قامت بالسلامه
شاهر اول ما دخل الاوضه ابتسم وعنيه بتلمع بالدموع وقال ...حمد الله على سلامتك
غزال ابتسمت وقالت...احم...انت ..انت كنت بټعيط
شاهر قال بسخريه مصتنععه..ههه..اعيط..علشانك
...واضح ان البنج لسه مأثر عليكي
غزال ابتسمت لانها كانت متأكده انو بيكدب قالت...تمام...هعمل مصدقاك
شاهر وقال...انا حقيقي خۏفت عليكي يا عزال...كنت هتجنن لو جرااك حاجه
ليه..قالتها غزال وعيونها على عيونه
بقلمي...زهرة الربيع
شاهر قال بارتباك..علشان...علشان انتي...انتي مراتي و
بس قطع كلامو لما منى دخلت وقالت ..ايه يا حلوين معلش بقى استحملونا عايزين نطمن بس
شاهر وقف وقال... تعالي يا منمن ..انتي تيجي في اي وقت... ودخلو ورا بعض وشافوها واطمنو عليها حتى وليد دخل سلم عليها وخرج طبعا في وجود شاهر وفضلو لحد ما الدكتوره كشفت عليها واذنت لهم بالخروج
وطلعو كلهم على القصر بعربيات متفرقه زي ما جم كانت غزال وشاهر مع بعض... ومنزر ومراتو ...وراشد ومراتو وهناء.... ووليد وحور
على الطريق كانت عربيات الكل سبقت شاهر وغزال وكان شاهر ماشي على مهل شويه لان غزال معدتها لسه ۏجعاها ...
غزال كانت ساكته طول الوقت وشاهر بصلها وقال..انتي لسه موجوعه يا عزال
فزال اتنهدت و قالت...لا ابدا...بس مستغربه...الي حصل ميبانش صدفه ابدا
شاهر اتنهد وقال..معاكي حق..انا
من ساعة ما شوفت العقرب وانا كنت متأكد انها صحراويه ومستحيل تيجي من الجنينه... وده معناه ان فيه حد كان عايز ېقطي..وبرضو انا متأكد ان العصير الي شربتيه هو الي سممك وبرضو العصير كان طالع ليا..انا لازم اشوف الخدم واعرف ازاي ده حصل
غزال قالت باستغراب ..تفتكر مين ممكن يحاول.. 
شاهر ابتسم بسخريه وقال...واضحه اصلا ومش محتاجه تفكير
غزال قالت باستغراب قصدك مين و
بس قطعت جملتها وضحكت بسخريه لما فهمت قصدو وقالت...قصدك وليد..مش كده
شاهر اتغاظ من ضحكها وقال..هيكون مين غيره
غزال لسه هترد فيه عربيه طلعت قدام شاهر ورمت ماده تحت عربيتو والعجلات نامو في ثواني
غزال صړخت بړعب ومسكت في شاهر والعربيه اختل توازنها و دارت بسرعه ونزلت في منحدر وووووو