حب مجهول الهويه الفصل التاسع والثلاثون كامل
ما يقف على رجليه تاني.
بسمه كانت مقيمه مع جوزها في اوضته طول الشهر ومعاها ابنها ورافضه اي كلام مع احلام وبتحمل ذنب كل اللي حصل لجوزها على طارق وخصوصا لما شاكر فاق ولقاها جنبه ومصدقه انه ضحى بنفسه عشانها وشاكر اقنعها بكده فعلا عشان تفضل جنبه في حالته دي وخصوصا انه مش هيلاقي حد يشيله في تعبه زي بسمه وقدر يقنعها ان طارق زهران خدعه وفهمه انهم رايحين ينقذوهم وبسمه صدقته لانها عايز تصدق انه بيحبها وكان مستعد يضحي بحياته عشانها!!.
كان ميعاد خروج طارق من المستشفى بعد ما صحته اتحسنت.
طاهر بيخلص إجراءت الخروج من المستشفى.
طارق وقف بعد ما جهز للخروج وقال احلام انا عايز اشوف بسمه وشاكر.
بصتله بتوتر وقولت عايز تشوفهم ليه
طارق لازم اختك تعرف الحقيقه وخصوصا بعد ما جوزها مقدرش يقولها الحقيقه بنفسه وعجبه دور الضحېة اللي هو عايش فيه قدامها!
طارق باصرار لازم انا افهما بنفسي لاني مش هقبل ان اختك تقطع علاقتها بيكي بسببي!
قربت منه وانا ببتسم وقولتله هي بس زعلانه شويه لكن مش لدرجة انها تقطع علاقتها بيا.
طارق باصرار انا هطلع لهم يا احلام ولوحدي انتي مش هتطلعي معايا.
بصتله پصدمة وخۏفت يطلع لوحده عند بسمه وهي تقوله كلام يزعله والموضوع يكبر وهو يزعل منها وانا اكون في حيره بين اختي وجوزي.
اتكلمت بحزن مش دايما الحقيقه بتريح يا طارق.. صدقني بسمه رافضه تصدق الحقيقه.
طارق يبقى على الاقل حاولت وعملت اللي عليا.. جهزي انتي نفسك وانا هطلع اشوفهم.
وخرج طارق من غير ما يسمع مني اي كلمه وانا وقفت ادعي ان ربنا يهدي بسمه وتصدق الحقيقه.
دخل طارق وبسمه بصتله پصدمة وقامت انتفضت من مكانها اول لما شافته وشاكر وشه جاب 100 لون وخاف ان طارق يقول حاجة قدام بسمه وكان معتقد ان طارق مكنش يعرف باتفاقه مع الناس اللي غدروا بيهم!
طارق وقف قدامهم واتكلم بهدوء صباح الخير.
بسمه بصتله بغيظ وقالت ليك عين تيجي هنا بعد اللي عملته في جوزي!
وبص ل شاكر وسأله عملت فيك ايه يا شاكر قولي قدام مراتك
شاكر بصله بتوتر وخوف وبسمه قالت بزعيق انت عايز مننا ايه دلوقتي مش مكفيك اللي انت عملته من ساعة ما دخلت حياة اختي وانت خربت حياتنا كلنا ولو كانت اختي عيله ومش فاهمه حاجة انا بقي مش زيها وعارفه ان اللي زيك مبيفكرش غير في مصلحته وبس وعندك استعداد تدوس على اي حد عشان مصلحتك
