سجينه العادات الفصل الثامن عشر

ما شوفنا شرط جزائي للمبلغ ده كده بيجبرنا أننا نشتغل معاه سواء عجبنا شغل أو معجبناش 
نورما هو ده بالظبط اللي مخوفني وخصوصا أن تعاملنا مع وكيل مش مع صاحب الشغل نفسة بص يا احمد احنا حتشتغل ونحاول علي قد ما نقدر نحذر ويكون شغلنا مظبوط لحد أن يثبت العكس وربنا يستر احنا خلاص معندناش حل غير كده احنا مضينا عقد خلاص مش قدمنا غير أننا نشتغل بلغهم برا أن الكل يجي بكرة بدري في اجتماع للكل علشان نحط اساسيات للشغل جديد و نوزع الادوار وانا حتصل بلوكيل علشان لازم يحضر الاجتماع ده 
ياريت بس يا احمد تبلغهم أن محدش يتأخر مرفوض اي عذر من اي حد الاجتماع ده مهم جدا ده علي اساسه حنبني عليه كل شغل في الايام الجاية 
احمد تمام يا استاذة حروح ابلغهم 
نورما تمام وابعتلي سحر علشان عوزاها علي بال ما اتصل بلوكيل
احمد. تمام عن اذنك 
مسكت نورما التليفون
نورما الو صباح الخير ازي حضرتك 
الوكيل صباح الورد مدام نورما خير اؤمري
نورما انا بس حبيت ابلغ حضرتك أن في اجتماع بكره الصبح علشان نشوف حنعمل ايه وحنبدأ ازاي ولازم حضرتك تكون موجود
الوكيل بعتذر مدام انا دوري لحد هنا خلص 
قطعت نورما كلامة ازاي يعني اومال انا حتعامل مع مين اجيب ناس من شارع ولا اعمل ايه
الوكيل اهدي مدام نورما حضرتك مش عطيالي فرصة اتكلم
نورما بعتذر اتفضل حضرتك عاوز تقول ايه
الوكيل كل اللي انا عاوز اقوله أن تعامل حيكون مع المدير. العام للشركات صاحب شركات بنفسة هو اللي يحضر الاجتماع هو و طقم السكرتاريه بتاعة
خبط الباب دخلت سحر شورتلها نورما تقعد 
نورما تمام كده حضرتك يعني حضرتك عاوز تقول ان صاحب شركة بنفسه هو اللي حيحضر الاجتماع طيب. بعد اذنك عاوزين بس نعرف شوية تفاصيل عنه 
وكيل بضحك ايه عندكم عروسة علشانه
نورما بخجل لاء يافندم بس علشان نعرف نتعامل معاه ازي 
وكيل عادي يا مدام نورما زيه زي اي حد عادي
نورما اوك شكرا يا فندم 
قفلت نورما الفون 
نورما سحر احمد بلغك باجتماع بكرة مش عاوزة غلطة المدير عام بنفسة حيحضر الاجتماع هو طقم السكرتاريه بتاعة
عوزاكي بنفسك بنفسك مش تاني طبعا فهماني عوزاكي تشرفي علي بوفية عاوزة كل انواع مشروبات تكون جاهزة عاوزة. فطار خفيف من مخبوزات باتيه كرواسون بيتزات كل أنواع مخبوزات تكون موجوده 
سحر تمام مدام نورما اي أوامر تاني
نورما سحر اتعدلي بالله عليكي أقسم بالله أنا ما مستحملة اتعدلي وبعدين نتعاتب مش وقته خالص 
سحر ماشي يا نورما بعدين نتعاتب خير بقي في ايه 
نورما بكرة في اجتماع مهم يمكن ده اهم اجتماع عملناه من ساعة ما فتحنا وكاله بتعتنا
سحر تمام متقلقيش كلنا شغالين وكل حاجة حتكون زي ما انتي عاوزة 
نورما بقولك ايه الساعة خمسة بعد ضهر اعملي اجتماع صغير لكل روساء القسم بلغيهم محدش يروح انهاردة علشان الاجتماع وماتنسيش تطلبي اكل علشانهم مش حنقعدهم ونجوعهم كمان 
سحر تمام اطير أنا عندي شغل كتير مش فاضية 
انهمكت نورما طول نهار في شغل و عملت الاجتماع مع روساء الاقسام حتي نست نفسها و الوقت اتاخر
سحر نورما كفايا كده اهدي بقي روحي وبكره نكمل شغل دنيا مش حطير
نورما بوخم هي ساعة كام أنا مش فاكرة بجد ظهري وجعني قوي وعاوزة انام وجعانه جداا
سحر طبيعي انتي ما اكلتيش حاجة من صبح 
نورما انا متعودة علي كده لما بكون عندي ضغط شغل مش باكل بس التعب المرادي غريب ماشي اوكية انا ماشية ااه سحر سحر بلحق