الفصل الثانى ليه يازمن
انت في الصفحة 1 من 6 صفحات
الفصل 2
في شقه نوال
المعلم نام بعد ما نوال هدت حيله وهي كمان نامت جنبه.
شويه سمعوا صوت ملعلع في الحارة.
كريم: ياناس يا هووو أنا طاير،
اسمعوا يا اهل الحارة انا طاير وأبويا مش حاسس بينا، المعلم الحريم لحسوا دماغه، فوق يا معلم، نانسي عايزاك.
وابتدا يضحك بهستيريا الكل صحي وولع-وا الأنوار.
نوال صحيت ولبست إسدال وبصت من الشباك واتص@دمت من شكل ابنها
راحت تجري عند المعلم
نوال: اصح يا معلم ابنك اتجنن في الحارة.
الوقت دا كريم فقد السيطرة على نفسه وابتدا يك-سر المحلات بعصا لاقاها مرمية.
الحاره اتقلبت على صوته العالي،
المعلم صحي ولبس ونزل تحت مع نوال وهي بتعي@ط.
الكل نزل، والحاجة رحمة كمان نزلت معاهم مش فاهمة حاجة.
المعلم بيحاول يمسك كريم ومش عارف، الحقنه الي واخدها خلته زي الو-حش مش حاسس بحاجه، وبيقول كل حاجه كان كاتمه جوه قلبه.
كريم: انا بكر-هك يا حاج طول عمرك بتفضل ولاد الحاجة على ولاد نوال الرقا-صة، مش هي كانت رقا-صة؟
انت ماشي وراها بس ترقصلك وتشوف مزاجك علشان ماتجبش ليها ضره.
نوال: الكلام اللي بقيوله صح؟
المعلم: اوعي كده خلينا نلم الفضيحة، آدي شايفه تربيتك الوس@خة.
كريم كل ما ابوه يقرب منه يدفعه، لحد ما وصل البوليس وقبض عليه.
المعلم: كلمي علي يروح النيابة نشوف المص-يبه دي.
بعد ساعتين
علي وصل القسم وشاف أبوه
علي: سلام عليكم.
المعلم لما شاف ابنه بالبدلة وليه هيبة كان نفسه يحض@نه.
نوال: خشي يا خويا شوف اخوك ماله.
إدا اوامر للعسكري إنه يبلغ بوصوله،
دخل علي خلص الموضوع وأمضى تعهد إن أبوه حيعوض خسارة المحلات، والناس بحكم الجيرة والعشره تنازلوا، وكريم حولوه المستشفى، لإن حالته كانت صعبة. راحت معاه نوال في الإسعاف وفضل المعلم في القسم
