ظلمت نفسي الفصل الثالث والرابع كاملين
كالعادة بعد ما خلصنا المحاضرات سلمت روعه علينا ومشيت ومعاها حنين
بصت منه عليهم بضيق وقالتلي
البت روعه دي أنا مبقتش أطيقها!!
سألتها بتلعثم
ل.. ليه
منه بخبث
يا بنتي دا كان سرها كله معايا ومن ساعة ما قالتلي على الولاد إلي بتكلمهم وأنا بعدت عنها وقولتلها في وشها كده تبعد عني عشان مفضحهاش
قلت پصدمة
يعني إيه متفضحيهاش!!!!
ل.. لأ لازم أمسك لساني مينفعش أقولك يا شهد.. لكن إنت أختي ولازم أنصحك تبعدي عن البنت دي وتاخدي بالك منها لأنها مش كويسه
قلت برجاء
لا يا منه بالله عليك قوليلي أنا محتاجه أفهم
نفخت منه وقالت بتردد زائف
طيب هقولك بس توعديني يفضل سر بينا
والله وعد مش هقول لحد أبدا
روعه كانت بتكلم ولاد كتير وأخرهم واحد إنت تعرفيه كويس بس مش هينفع أقولك هو مين
ل.. لأ يا شهد مقدرش أقولك هتتصدمي وأنا خاېفه عليك إنت طيبه أوي ومش حابه أصدمك...
برقت عيني وقلت بقلق
كانت بتكلم عصام!
هزت منه رأسها بالنفي وقالت
ل.. لأ مش عصام
اومال مين! حد من الأخوه في الشات!
لأ...
سكتت منه شويه وكملت بخبث مخفى
ك.. كانت بتكلم عبيده أخوكي
إيه إلي بتقوليه ده! مستحيل أصدق حاجه زي كده!
منه بنبرة مرتعشة
لا صدقي وكمان عبيده أخوكي حاول يكلمني وأنا صديته أكتر من مره عشان كده بقا بيعاملني وحش وبيتجاهلني
قلت بنبرة مرتفعة وحادة
مسمحلكيش تقولي عن أخويا كده!!
فتحت منه موبايلها وكانت ايديها بترتعش وقالت پحقد
طيب هوريك الإسكرينات إلي روعه بعتاهالي
أكيد متفبركه
أخذت منه الموبايل من إيدي وقالت
قولتلك هتتصدمي!! خ... خلاص ولا كأني قولتلك حاجه انسي
قلت بعصبية
عبيده... و... وروعه... معقوله!!.. لا إنت كدابه يا منه وممكن تكوني مفبركه الاسكرينات دي أصلا!!
منه بنرفزة
أنا كدابه!! الله يسامحك يا شهد أنا غلطانه إني بشيل الغشاوه إلي على عينك ومن النهارده اقطعي علاقتك بيا... وطلما مش بتثقي فيا يبقا ملهاش لزمه الصحوبيه المهببه دي
وخليك فاكره إنك قولتيلي وعد مش هتحكي لحد والسر ده أمانه معاك لو طلعتيه لحد هتبقي خاينه
تركتني منه مصدومه ومشيت..
وقفت أكلم نفسي روعه وعبيده!!! الشيخ عبيده أخويا إلي ميختلفش على أخلاقه اتنين! لا مستحيل
مشيت وأنا بفتكر لما كان عبيده بيغض بصره عن منه ومش بيتكلم معاها عشان مش من محارمه!! أكيد منه فاهمه غلط مستحيل أصدق!!..
طرق عبيده باب أوضتي وهو بينادي
فراشه.. يا فراشه
فتحت له وأنا بقول بهدوء على غير عادتي
نعم يا عبيده
عبيده بقلق وبلهفة
إنت مش عجباني! فيك إيه
دخلت الأوضه وقعدت على السرير وأنا بقول بلامبالاه
ولا حاجه أنا بس مرهقه شويه والامتحان قربت
قعد جنبي وطبطب على ظهري وهو بيقول
ربنا يوفقك يا قلبي... طيب أنا كنت عايزك معايا في مشوار
قلت باقتضاب
فين!
شادي صاحبي كتب كتاب أخته النهارده إيه رأيك تيجي معايا
لا مليش مزاج
ولو قولتلك إني هأكلك شاورما وإحنا راجعين
قلت بابتسامة ومرح عاد ليا فجأة
ألبس الفستان الأزرق ولا الأوف وايت
وقف وقال مبتسما
الأزرق يا عسل يلا هقوم ألبس على ما تخلصي
ابتسمت وأنا ببصله وبفكر مستحيل أخويا يعمل كده! بس مش ممكن تكون منه كذابه برده! فيه حاجه غلط مش فهماها!!
نفخت بضيق وقومت ألبس...
وصلنا لبيت شادي كان الرجاله في مكان لوحدهم والستات لوحدهم...
استقبلنا شادي بابتسامة وقالي
اتفضلي تعالي أعرفك على ماما
بصيت لعبيده بستأذنه بنظراتي
