رواية أسرار الغرف
عن قبل ماتنزل كانت زعلانه ومتضايقه اوى.
استنيتها تدخل غرفتها وراقبت الجو كويس واتأكدت ان محدش شايفنى عشان اقدر اتصنت عليها بحريه.
فضلت واقفه 5 دقايق من غير اى كلام اسمعه ولما قررت امشي سمعت موبايلها بيرن رجعت وقفت وانا متحمسه جدآ للكلام اللى ممكن اسمعه.
كانت بتزعق للمتصل كانت بتقوله انت متفرقش اى حاجه عنه عملت فيها بطل وشهم ووهمتنى انك هتحمينى منه عشان اتفاجئ انك بتفكر زيه بالظبط وكإنى سلعه رخيصه قدامكم وجودى فى بلد غير بلدى مش معناه انى متاحه ليك ولغيرك انا جيت هنا عشان شغل بس وحتى الشغل ده مش هعمله وهرجع بكرة بلدى.
سكتت كمان مرة وبعدها قالت مفيش بيننا تفاهم تانى ابدآ مش عايزة اشوف وشك انت فاهم
والصبح لقوها مطعونه فى قلبها وبطنها 4 طعنات
ايه رأيكم وتفتكروا مين القاټل
على فكرة ده مش آخر سر من سلسلة الأسرار...
خليكم معايا للآخر عشان نحل الأسرار دى مع بعض
الفصل التالت
مر سنه من غير أحداث جديده مهمه في ناس ماكنتش بقدر اعرف عنهم اى حاجه بيجوا ويمشوا من غير ماكتشف أى سر ليهم وفى ناس أسرارهم تافهه جدآ.
عجبنى بشكل مش هتقدروا تتخيلوه كنت بزود الاوقات اللى اقدر اتصنت فيها على باب غرفته كان نفسي اعرف عنه كل حاجه فى حياته بس واضح انه شخص كتوم ومالوش معارف.
بس فى النهايه لازم يجى اتصال يكشفلى سر وانا بعد كده بحدد اذا كان سر مهم ولا مالوش لازمه.
ماقدرش يستمر فى شغله ولا فى بيته وقرر يبعد شويه او يمكن ميرجعش تانى لإن كل مكان هناك بيفكروا باللى حصل واللى ماكانش اول مرة يحصل !!
هو حاول يفهمها كتير انه دكتور جراح مالوش دعوة بالنسا والتوليد وحاجه زى دى بالنسبه له صعب يعملها ده غير انها حرام بس فى الآخر ضعف قدام الفلوس.
بس فى ليله من لياليه فى الفندق جاله اتصال من دكتور فى المستشفى اللى كان بيشتغل فيها وهو اكبر عدو ليه وقاله انه بلغ اهل الراجل بان الوفاه حصلت بسبب خطأ منه وفى طريقه لإنه يبلغ جوز الست اللى عملها اجهاض وتسبب فى انها متقدرش تخلف ابدآ.
هو فى الاول انفعل جدآ على الدكتور بس بعد ماقفل ابتسم بسعاده لإنه بعيد ومحدش يعرف هو فين ولا مكان الفندق حتى نام وهو حاسس بإطمئنان وراحه..
بس الصبح لقيناه مقيد من ايده وبوقه عليه بلاستر ومتعذب بقطع متفرق على انحاء جسمه وشرايينه مقطوعه !!
