حكايه دنيا
انت راجع عشان تبيع البيت ده حقك ومقدرش اقف ضدك بس انت حتى مفكرتش فيا ولا فى مصيرى وانك المفروض تكون سندى بس السند هو الله
راحت دنيا ورمت نفسها ع السرير وهى بتفكر هتعمل ايه ....تانى يوم صحيت دنيا ع صوت خبط ع الباب وكانت خبطة صغيرة فتحت ولقيتها جودى بنت اخوها
جودى عمتو بتقولك مامى الفطار جاهز
نظرت لها دنيا بدموع ونزلت لمستواها انتى اسمك ايه يا قمرى!
دنيا اسمى جودى يلا بقا تعالى عشان نفطر
مشيت جودى ودمعت دنيا وهى بتقول لنفسها حرام عليك يا محمد والله تفرقنا كده وتحرمنى من وجودك انت وعيالك بس هقولك ايه ولا هنتظر منك ايه
دخلت دنيا غسلت وشها وخرجت فطرت معاهم عادى .... ملك بخبث ها يا دودو عجبك اكلى
دنيا بتهكم ع فكرة دى جبن وسلطات مش طبيخ عشان تقوليلى عجبك اكلى
محمد بضحكة خبيثة يخربيت عقلك يا دودو غاوية هزار كده دايما
دنيا محمد كنت عاوزاك فى موضوع مهم اوى
محمد خير يا قلبى
دنيا بصراحة كده انا بفكر اننا نبيع البيت ده ايه رأيك !
محمد بص لملك اللى حاولوا يداروا فرحتهم وحاول يكمل بجدية ايه اللى بتقوليه ده يا دنيا بيت ايه اللى نبيعه! انتى ناسية ان دى الحاجة الوحيدة اللى باقية من ريحة بابا وماما الله يرحمهم
دنيا بتنهيدة لا مش ناسية بس اللى عارفاه كويس ان لو قعدت هنا هتعب نفسيا لو انت عاوز البيت ميتبعش انا موافقة
محمد بسرعة لا انا اهم حاجة عندى دلوقتى راحتك انتى يا حبيبتى
دنيا تمام شوف سمسار او مشترى كويس للبيت وخد حقك واعطينى حقى بما يرضى الله عن اذنكم هدخل اريح شويه
دخلت دنيا ولما اتأكدوا انها قفلت الباب ضربوا كفوفهم مع بعض وقالت ملك انا مش مصدقة بجد انها جات منها هى
محمد والله ولا انا كنت مفكر انها هتقفلى زى العقدة فى المنشار ووقتها كنت هعمل حاجات كتير اوى تجبرها انها تبيع
ملك اهى جات منها هى يلا بسرعة انزل لسمسار او اعرض البيت ع olx خلينا نخلص
محمد حبيبى انا فعلا عملت كده من بعد ما دفنت امى وفيه مشترى جاهز بس انا طلبت منه يستنى عليا لبعد الاربعين عشان منبقاش مكشوفين اوى كده
ملك بغمزة تسلم دماغك يا حمودى
محمد تلميذك يا قلب حمودك
تجرى الايام بسرعة ويعدى الاربعين ع ۏفاة نجاة ويأتى المشترى عشان يشوف البيت وكان شاب مهندس يدعى قاسم المنشاوى
قاسم يا ترى جاهز انك تبيع البيت دلوقتى يا استاذ محمد ولا فيه مشكلة!
محمد لا لا ابدا يا باش مهندس مفيش اى مشاكل ده بس هجيب اختى الصغيرة عشان تمضى ع عقد البيع حالا
قاسم تمام ياريت بسرعة
دخل محمد ونده لدنيا اللى لبست دريس اسود وطرحة زيتى وخرجت اتفجأت
بقاسم بيبص ليها جامد معقول انتى!
دنيا بتفاجئ حضرتك تعرفنى!
قاسم بسرعة ها لا ابدا انا بس افتكرتك حد تانى انا اسف
دنيا تمام حصل خير
نادر المحامى وصديق قاسم العقود جاهزة اتفضلوا اقرأوا البنود براحتكم
مسكت دنيا العقود وقرأتها بتركيز وبعدها مسكت القلم ومضت وكذلك محمد اخرج قاسم شنطة فيها الفلوس وعطاها ليهم وخرج
فى الاسفل نادر ايه يا ابنى اللى هببته ده انت تعرفها !
قاسم فاكر من شهر تقريبا او اكتر لما كنا فى الكافيه وكانت فيه بنت بتهزق خطيبها ووقتها انت قولت بصوت عالى دى بنت راجل وخسارة فيه
نادر بتذكر ايوة فاكر يا ابن الذين ده انت ذاكرتك فلاذية عرفت ازاى
قاسم انا بقالى شهر مراقبها يا نادر وفعلا البنت طالعة من عينى بجد وبصراحة بقا انا معجب بيها وعاوز اتجوزها وووووووووووووووو.........
انا مراقبها من يومها يا نادر وفعلا البنت طالعة من عينى بجد وبصراحة أنا معجب بيها وعاوز اتجوزها
نادر باستغراب قاسم ده جواز مش سلق بيض وبعدين انت متعرفهاش اصلا
قاسم عيب عليك معقول انا هقول انى معجب بواحدة وعاوز اتجوزها ومكنش عارف تاريخها من يوم ولادتها لحد الان
نادر ايوة بقا هو ده قاسم اللى انا اعرفه بس بجد انا مبقتش فاهمك خالص حاسك غامض
قاسم بضحك مش مهم بكرة تفهم كل حاجة يلا بقا عشان ورانا شغل كتير
عند دنيا اللى كانت باصة لشنطة الفلوس وعيونها مدمعة بصت لمحمد
اللى كان فرحان وقالها بصى بقا يا دودا طبعا انتى عارفة ان للذكر مثل حظ الانثيين ادى نصيبك وده نصيبى ربنا يباركلك فيه
دنيا بدموع محمد انا مش محتاجة فلوس انا محتاجة ليك انت تفضل معايا انا مليش بعد ربنا غيرك خد الفلوس كلها بس خليك معايا
محمد طبعا يا روحى وانا عمرى ما هسيبك ابدا بصى قومى خدى الفلوس عينيها ونامى شويه شكلك تعبانة
دخلت دنيا وهى تعبانة فعلا واستسلمت للنوم ... بعد حوالى اربع ساعات صحيت دنيا خرجت لكن مكنش فيه صوت ندهت كتير لكن محدش بيرد دخلت ع الغرف وملقتش اخوها ولا ولاده ولا مراته ...دخلت بسرعة ع اوضتها وملقتش فيها شنطة الفلوس
