الهجينة الفصل الثالث والثلاثون والرابع والثلاثون

لاء .. لاء ارجوكم انا هعمل اللي انتوا عايزينه انا هقولكم علي كل حاجه 
ياسين بص للعربي وابتسم ورجع بص لحسام وداس علي شفايفه بقوه وفي لحظه الكلاب هجمت علي حسام وبقوا يقطعوا في جسم حسام .. حسام من الالم كان پيصرخ .. پيصرخ وكل جزء في جسمه پيصرخ معاه وفي لحظه حسام شد السلسله بكل قوته طلعها من الحيطه شد التانيه طلعت معاه مره واحده عنيه اتحولت للون الاسود كان باصص في الارض وبعدها بقي يرفع وشه حاجه بسيطه وبقي يبص لياسين بنظرات ڠضب وهو دايس علي سنانه الكلاب اول ما حسام اتحول راحوا بطلوا يعضوه وحسام راح ضارب كلب منهم برجليه زقه بعيد 
والچروح كلها اللي كانت في رجله من الكلاب ابتدت تلم وترجع طبيعي مره تانيه 
العربي شوفت بقي احنا عملنا فيك ايه  
حسام وهو دايس علي سنانه انااا.. جعاااااااان 
بقلمي ماهي احمد 
يزن نزل وراح لداغر لقاهم كلهم واقفين ومستنيينه 
يزن داغر رعد قالي انك عايزني 
الجده اول ما شافته قعدت علي الكرسي والطفله كانت واقفه قدامها 
الجده اطلعي ياغدير علي اوضتك 
غدير لاء انا خاېفه اطلع فوق لوحدي وخصوصا ان اللي عينه بتتحول لاحمر ده فوق 
الجده ميرا 
ميرا نعم ياجدتي 
الجده خدي غدير من هنا ودخليها اوضتي انا 
ميرا حاضر 
ميرا اخدت الطفله ودخلتها اوضه جدتها
بقلمي ماهي احمد 
يزن بقي يبص للجده وللمنشاوى 
يزن واضح من نظرات عنيكم انتوا عايزين تقولوا ايه  
بس .. بس عمار مش زي ما انتوا فاكرينوا عمار مش خطړ عليكم 
المنشاوى قام وقف لاء خطړ انا كنت ھموت من لحظه واحده يبقي خطړ ولا لاء .. 
يزن عمار مكانش كده كان زيه زينا بالظبط مره واحده لقينا نفسنا داخلين في متاهات وعالم مش بتاعنا عالم مانعرفش عنه حاجه ابدا ولقينا شمس وسط العالم ده 
ساره مره واحده دخلت جوه الفيلا معاهم ويزن بيكمل كلامه 
يزن بص لساره انا وساره وشمس وعمار السكه حدفتنا في طريق واحد مش عارفين هنخرج منه امتي وازاي بس كل اللي اعرفه ومتأكد منه ان احنا في الاخر هنفضل سوا ومش هنسمح لحد انه يأذينا ومش هنسمح لنفسنا اننا نأذي غيرنا 
يزن بص لداغر  
يزن صدقني ياداغر عمار مش خطړ 
داغر يزن .. انا كده عملت اللي عليا معاكم 
انت ساعدتني وفي المقابل انا كمان ساعدتك افتكر المصلحه اللي بينا خلصت 
هدير داغر انت بتقول ايه  
داغر هدير ماتتكلميش وانا بتكلم فهماني 
هدير اخدت نفس بنرفزه وبلعت ريقها وسكتت  
داغر شوفوا هتقدروا تمشوا من هنا امتي ولحد ما دبروا نفسكم انتوا هنا ضيوفنا 
المنشاوى بصوت عالي احنا لسه هنستني لما يدبروا امورهم ايه اللي ممكن يحصل لبنتي وهي عايشه مع الحيوان ده احنا حتي مانعرفش اذا كان حيوان ده ولا جنسه ايه 
يزن ارجوك وطي صوتك عمار ممكن