حكايه عمر الفصل التاسع والعشرون كامل
عينك تاني فاهمة انتي أشرف من الشرف ومهما حصل اوعي تسمحي لأي حاجة تكسرك
سارة بعياط انا موجوعة اوووووي ياماما موجوعة اوي بجد
فريدة عينيها رغرغرت بالدموع وحضنتها جامد .. وبعدين اتماسكت وبعدتها
فريدة انا بناتي متربيين احسن تربية .. اللي عارفنا عارف عننا دا واللي ميعرفش دا يغور في ستين داهية وميلزمناش
سارة بس انا زعلانة من مريم اوي ياماما
فريدة ايه ازاي وليه
سارة مش متخيلة إنها المدة دي كلها كانت عارفة حاجة زي دي ومخبية عني .. مش من حقها تعمل كدا ياماما انا حقي أعرف من اول يوم
عمر اختك عملت كدا عشان پتخاف عليكي من الهوا يا سارة .. ولو عرفتي هي استحملت ايه عشانك هتوطي علي رجليها وتعتذري عن كلامك دا
سارة مش فاهمة قصدك ايه
عمر انا هحكيلكم الحكاية كلها .. هحكيلك مريم عملت ايه عشانك بس يارب ضميرك ميتعبكيش بعدها
محمد ماشي في الشارع عمال يدور في كل مكان عن مريم .. ويسأل السوبر ماركتات المحلات والمكاتب والمطاعم والكافيهات ويبص في كل مكان ممكن تتوجد فيه لأي غرض .. وبردو مش لاقيلها أثر
محمد ايوة ياهشام .. انا عايزك في حوار ضروري جدا
هشام ايه ياصاحبي تحت أمرك
محمد الأمر لله .. مرات اخويا مختفية بقالها كام ساعة كدا واحنا محتاجينها في مشوار ضروري بس هي ناسية تليفونها للأسف
وانا قولت انت اللي هتقدر تساعدني في الحوار .. لو موجود في المنطقة حاول تشوفلي الحوار دا والنبي
محمد تسلملي يااخويا دا العشم بردو
عمر مش قادر اوصفلكم انا عامل ازاي دلوقتي وانا بحكي الكلام دا .. بس انا فعلا مكنتش أعرف وندمان ندم عمري وكنت ممكن استغل فرصة ان مريم محكتش ليكم حاجة عشان مسوءش صورتي قدامكم
انتي متعرفيش ياسارة انها كانت هتضحي بحياتها عشان خاطرك وعشان خاطر تحميكي
فريدة قامت وقفت وبدأت تقرب عليه .. عينيها مبرقة وملامح الڠضب مسيطرة علي وشها
شاهد أيضا
اسكريبت چرح حبك الفصل الثالث 3 بقلم هاجر العفيفي
رواية عشقت نسوانجي الفصل السادس عشر
عمر اټصدم وسارة برقت
فريدة لما جوزي كان على السرير بيطلع أنفاسه الأخيرة .. وعدته إني هربي بناته أحسن تربية وهحميهم من الدنيا
وقعدت سنييييين وسنين بلعب دور الأم والاب عشان احابي عليهم من أي شړ وكنت فاكرة لما ربنا رزق بنتي بيك ان هتعوضها عن أبوها اللي راح منها بدري
مكنتش أعرف ان واضع السم هو نفسه الطباخ
عمر حقك ياامي .. حقك تعملي كدا واكتر كمان
