مصنع حلوان الجزء الثاني والاخير
انت في الصفحة 1 من 6 صفحات
مصنع_حلوان
الجزء الثاني
هو هو الشخص الي شوفته في الحمام وعلي باب العنبر.. قولتله انت متأكد ان ده ابنك... قلي اكيد طبعا ابني.
مكنتش عارف اقول للراجل اي.. هقوله انا شوفت ابنك الي هو المفروض مېت دلوقتي سكت ورحت فطرت ونزلت علي الشغل مش مركز تفكيري كله في الي حصل اليوم عدي بسرعة.. وفي الليلة دي شوفت اغرب حاجة في حياتي.. كنت نايم وصحيت على صوت خبط منتظم... الصوت كان واضح جدا وقريب لما ركزت واتبعت مصدر الصوت كان جاي من اخر العنبر.. كان واحد من زميلنا اسمه عماد.. عماد متدين جدا ورفض يصدق حوار ان العنبر مسكون.. لكن عماد كان بيعمل حاجة غريبة جدا كان بيخبط راسه بشكل منتظم في الدولاب ومش فاهم.. هو بيعمل كده ليه!.. قربت منه وانا بنادي عليه عماد عماد يا عماد.. اتلفتلي عينيه بيضة تماما وقلي دورك قرب دورك قرب... رجعت لورا اعوذ بالله من الشيطان الرجيم.. ربي اعوذ بك من همزات الشياطين واعوذ بك ربي ان يحضرون.. بدأ ېصرخ بشكل هيستيري وجري وخرج بره العنبر.. خۏفت ايوه خۏفت اخرج وراه ولو صحيت حد هيزعقوا معايا.. وانا مش عايز مشاكل انا هنسي الي شوفته ده وهنام اه انا هدخل انام.. دخلت السرير ونمت وصحيت لكن اي ده انا فين
لكن في حاجة غريبة انا محدش شايفني.. الناس بتعدي ومحدش شايفني وفجأه باب العنبر اتفتح ودخل العنبر ناس معاهم سلاح ومولتمين يعني لابسين زي شال علي وشهم او وشاح وبكل فجر وغل فتحوا الڼار علي كل الي في العنبر.. الناس دي كانت بټموت قدام عيني ومسكوا واحد معين وشقوا صدره بالطول بسلاح ابيض.. المنظر صعب مدبحة بس انا ابتديت افهم... الي انا بشوفه ده احداث حصلت في الماضي لكن اي الي يخلي الجحود يوصل للمرحلة دي.
