مصنع حلوان الجزء الثاني والاخير

لكن مع الوقت بدأت اروح في النوم.. صحيت على صوت بيقولي.. الدور عليك الدور عليك.. فتحت عينيا لقيت واحد طويل جدا ملهوش ملامح واقف عند السرير بتاعي خلاص.. واضح ان الدور عليا فعلا وحسيت بأيد بتخنقني بحاول ابعدها لكن دي لا يمكن تكون ايد بشړ دي حاجة مكلبشة في رقبتي مش قادر اخد نفسي وحاسس اني خلاص بمۏت لكن في اللحظة دي في حد دخل العنبر وشغل النور.. كل حاجة اختفت وفضلت اكح جامد لحد ما فوقت وقدرت اخد نفسي.. انا كنت على بعد خطوات بسيطة من المۏت عارفين يعني اي.. انا خلاص كنت ھموت بس حتي لو مكتوبلي اموت.. يبقي لازم افهم وهبدأ من اول الخيط.. عم ايوب الراجل ده اكيد عارف الحكاية كلها ده راجل في المكان ده من زمان جدا وجايز يكون ابنه ماټ في الھجوم الي حصل على المكان... صحينا الصبح وانا مقرر اني هروح لعم ايوب لازم افهم اي الي حصل.. في اليوم ده خلصنا شغل ورحت على المطعم لقيته قاعد وسرحان.. قعدت قدامه هو اتفاجئ وقلي اهلا يبني.. قولتله 
_بقولك اي انا مش جاي عشان ادردش معاك.. انا خلاص الدور عليا وھموت زي الي ماتوا قبلي بس لو ھموت اموت فاهم.
_ انا مش فاهم حاجة يبني.. طيب فهمني عشان اعرف اساعدك
_ لا انت فاهم كويس يا عم ايوب وهتحكي كل حاجة تعرفها.. اي حكاية العنبر واي كم الجرايم الي بتحصل في المكان ده طيب على الاقل قولي ابنك ماټ ازاي
عم ايوب بدأ يبكي وقال انا هحكي كل حاجة هحكي عشان مش عايز يحصلك زي ابني وبدأ يحكي حكاية اغرب من الخيال واصعب من قصص الړعب وافلام الفنتزيا والخيال العلمي 
لانه قال
_ الحكاية بتبدأ من زمان في التسعينات لما خواجة اسمه سكار يقرر يشتري حتة ارض ويبني عليها مشروع مصنع بسكويت.. في الوقت ده المنطقه كانت نائية جدا وصحراوية وساعتها كانت عايشة بالقرب من الارض قبائل العرب كانوا مشهورين جدا في المكان ده وليهم اسمهم 
بدأ سكار ده في بني المصنع ده وعمل عنبر عشان العمال تنام فيه.. خصوصا ان بيوتهم بعيدة وهيقعدوا هنا فترة.. وعشان المكان كان يعتبر شبه مقطوع اتفق مستر سكار مع القبائل دي الحماية مقابل فلوس كتير.. وفعلا القبائل دي وافقت وبدأت تسيب كام راجل من رجالتها 
تحمي المصنع والمصنع بدأ يتبني ويعمر ومكنش في سور بيحيط بالمكان زي دلوقتي.. بدأ الخواجة يستخدم اسلوب في الدعايا مميز جدا وهو اسلوب معروف حتي الان وهو انه عمل اعلانات عن وظيفة في مصنع في حلوان وساب العنوان.. وبعد اربع ايام بس بدأت الناس تاجي وتشتغل في المصنع ومكنش فيه اي مشكلة 
انا كنت شغال هناك وعشان انا مراتي