بنت صاحب العماره

جايه فرحانه واخيرا اتعينت في مدرسه كنت ماشيه لقيت الشاب وقف قصادي 
_ استاذه هاله انا اسف على الحصل 
رديت عليه _ عايز ايه مني وجاي تعتذر ليه مش كفايه الحصل 
_ حقك عليا انا غلطان والله بس انا كنت عايز اعتذرلك 
_ بعد اذنك متوقفنيش في الشارع تاني عشان مش عارفه المره دي ممكن يحصلك ايه وسع كده 
مشي وانا مشيت خطوتين لقيت عمر في وشي واقف متعصب 
_ كنتي واقفه معاه ليه ضايقك !
اتكلمت بسرعه_لا ده كان واقف بيعتذر عن الحصل 
_ وانتي تقفي معاه ليه اصلا انا هروح أعلمه الأدب عشان يفكر يتكلم مع حد يخصني 

مسكت أيده بسرعه 
_ لا بالله عليك مش عايزه مشاكل يا حبيبي هو خلاص اعتذر ومشي سيبه عشان خاطري 
ايمان_صالح
شدني من ايدي ودخلت العماره وبعدها بصلي 
_ انتي قولتي ايه 
_ قولت ايه يعني قولت عشان خاطري 
هز راسه برفض_ لا قبلها 
بصتله بخبث _ مقولتش حاجه على فكره 
_ لا والله قولتي يا حبيبي صح 
_ لا مقولتش حبيبي خالص ولا هقولك بحبك يا عمر 
ضحكت وطلعت بسرعه وهو وقف بصوت عالي 
_ تعبتيني معاكي يا بنت صاحب العماره بس والله بحبك 
تاني يوم محمد قالي البسي ومش فاهمه فيه ايه لبست ونزلت معاه هو و بابا وبعدها عمر نزل معانا شاور على عربية وبعدها وركبنا وانا مش فاهمه حاجه وقتها عمر ساق ووصلنا عند محل دهب ودخلنا 
_ هو فيه ايه يا محمد 
_ عمر هيرد عليكي دلوقتي 
عمر قرب مني وابتسم _ ايه يا عروسه هنجيب شبكتك 
بصتله بدهشه _ واشمعنا دلوقتي
مسك ايدي ولبسني الدبله وقال بتملك _ عشان كل الناس تعرف انك ملكي بحبك 
همست_ وانا بمۏت فيك 
اختارنا الشبكه وعمر كان بيساعدني وحقيقي ذوقه حلو بعدها عمر قالي انه اختار الشقه في اليومين اللي اختفى فيهم وهننزل نختار العفش بس بعد كتب الكتاب فعلا كتبنا الكتاب ونزلنا نختار كنا بنختار مع بعض كل حاجه وكان متفاهم جدا وبيعجب بذوقي 
وفي يوم كنا قاعدين في كافيه 
_ بس انا فرحانه بخطوبه محمد و رنا اوي يا عمر 
_ عقبال فرحنا يا رب 
_ عمر هو انت بتحبني بجد 
_ لا كاتب الكتاب عشان اهزر انتي عبيطه يا هاله 
_ لا ممكن تكون ندمت انك متجوزتش العقربه بنت خالتك 
نفخ بضيق _ بتجيبي سيرتها ليه دلوقتي
اتعصبت _ وانت زعلان عشانها كده ليه 
_ عشان كل مره پنتخانق ونكد على بعض يا حبيبتي انا بحبك انتي والله وما بحب في حياتي غيرك 
ضحكت _ نكنسل النكد بقى 
في يوم كنت قاعده بكلم عمر في الموبيل 
_ بالله عليك وافق اروح خطوبة صاحبتي هدير يا عمر 
اتكلم بخبث_ ايه ده هي اسمها هدير تصدقي اسمها حلو
اتعصبت _ احترم نفسك يا عمر هو مره هدير ومره شهد 
ضحك _ يا بنتي بتتعصبي بسهوله كده ليه بهزر الله 
_ لا انا زعلانه منك خلاص عشان ټعصبني كويس
_ خلاص متزعليش حقك عليا 
_ لا لا وافق على الخطوبه وانا هصلحك عادي 
_ اها ده انتي بتتلككي بقى 
ضحكت _ الصراحه اها وبعدين مش قولتلي هتخليني اروح اي مكان طالما قولتلك 
_ صح بس انا بخاف عليكي لازم اكون معاكي 
_ ما انا هكون معايا محمد إن شاءالله
تتنهد بضيق _ المشكله اني هبقى في الشغل خلاص روحي ولو كده هبقى اعدي عليكم 
اتكلمت بسعاده _ ربنا يخليك ليا يا حبيبي
ايمان_صالح
قفلت معاه ولبست وكلمت محمد و روحنا الخطوبه دخلت القاعه وسلمت على صاحبتي وقعدت على جنب انا و محمد بصيت ل محمد واتكلمت 
_ هو عمر هيخلص شغل امتى 
بص في الساعه بتاعته_ يعني كمان نص ساعه 
_ يعني ممكن يلحق الخطوبه 
_ إن شاءالله ايه ده رنا وصلت 
راح بسرعه استقبلها وسلم عليها وجت قعدت معانا بعد ما سلمت عليا بعدها قام محمد و رنا رقصوا وانا قعدت زعلانه عشان عمر أتأخر بعدها محمد قرب مني ورقص معايا ورنا وقفت مبتسمه بعدها سبني وكمل رقص معاها وانا وقفت فرحانه ليهم بس زعلانه من عمر خلصنا و طلعنا عشان نروح بس عمر وصل نزل قدامي وابتسم وباس ايدي 
_ اجمل واحده في الحفله 
اتكلمت بضيق_ وايه اللي عرفك انت حضرتها اصلا 
ابتسم _ انا واثق في جمال حبيبتي وبعدين