عشق في خطړ

رحيم انا خوفا على عمر و الاطفال 
_ كنتي تتصلي بيا أو حتى تردي عليا ما انا رنيت عليكي اول ما شوفتك ماشيه وراهم و حاولت الحقك وملحقتكيش 
_ ما انا كنت خاېفه على عمر 
زعق_ تقومي ټموتي نفسك وتروحيلهم برجليكي يا ندى انا مش حذرتك من دماغك قولتلك بلاش تقربي من الحيتان نفسي مره قبل ما تعملي الحاجه تبلغيني يا ندى 
_ وابلغك ليه انا اصلا مبكلمكش 
بصلي وصوته هدي_ ليه انا عملت ايه يزعلك مني اوي كده 
_ اسأل نفسك وانت تعرف 
ضحك _ هندخل بقى على اسطوانة ما انت لو مهتم كنت عرفت ايه اللي مزعلني 

منعت نفسي من الضحك وبصيت الناحية التانية فوقف العربية وعدل نفسه اتجاهي ولف وشي ليه 
_ انا عملت ايه مزعلك مني يا ندى ردي عليا 
منعت دموعي انها تنزل _ معملتش يا رحيم لو سمحت عايزه اروح 
_ ليه الحزن ده يا ندى بس مش فاهم 
_ مش لازم تعرف انا عايزه اروح ممكن 
اتنهد بضيق وبعدها شغل العربية 
_ اشربي العصير يا ندى عشان شكلك مرهق وخدي المياه دي اغسلي وشك عشان مامتك متخافش ولا تقلق عليكي وبعد اذنك لو شوفتي حاجه بلغيني ممكن 
هزيت راسي وبعدها وصلت ونزلت 
_ انتي كويسه اطلعك 
_ لا طبعا انا كويسه شكرا يا حضرة الظابط 
طلعت شقتنا وبابا قابلني 
_ اتأخرتي كده ليه يا ندى 
_ موضوع طويل يا بابا هرتاح واطلع احكيهولك 
دخلت قعدت على السرير ومش مصدقه اللي حصل معايا عدت ايام وطبعا حكيت ل ماما و بابا ومكنوش عايزين ينزلوني الشغل عمر خدوه ا
في مكان بعيد عن أصحابه عشان يتعالج لانه للاسف ادمن المخډرات في يوم دخلت المكتب عند رحيم 
_ فيه واحده عايزه تقابل حضرتك يا باشا
_ واحده ! خليها تدخل 
دخلت عنده وكان قاعد بيبصلي بدهشه منظره يخطف القلب و العين والله شافني قام وقف 
_ ندى بتعملي ايه هنا 
_ انت طبعا قولتلي لو شوفت حاجه متصرفش من نفسي واجيلك 
_ اممم ده صحيح شوفتي ايه طيب 
_ فيه ناس في الأسواق بتفرض نفسها على البياعين وبياخدوا منهم فلوس بالقوه و ده بيخلي البياعين يغلوا الاسعار 
بصلي بتراقب _ وعرفتي منين الكلام ده 
_ ما انا روحت هناك و شوفتهم و 
زعق _ روحتي هناك يعني روحتي يا ندى مش قولتلك متروحيش بنفسك 
_ يا رحيم الناس دول صعبوا عليا وانا قولتلك قبل كده وانت مسمعتش مني 
_ تقومي تروحي برجلك عندهم 
_ ما انا متصرفش غير لما جتلك اهو فقولتلك 
_ يا ندى يا حبيبتي انا بخاف عليكي اكتر من نفسي ليه مش مصدقه أننا بنخاف عليكي انتي مهما يكون بنت مينفعش تتصرفي من نفسك 
_ ها حبيبتك !
ضحك _ يعني مفهمتيش من كلامي غير الكلمه دي 
شد چاكت البدله من على الكرسي _ يلا اوصلك عشان اروح اشوف الناس دي اللي شاغله بالك يلا يا بنتي ورانا جواز و عيال 
بصتله بذهول _ جواز و عيال !
_ هو انا مقولتلكيش 
_ قولتلي ايه 
_ ما انا ناويت ارحمك من لفك ورايا وارحم قلبي واتجوزك 
_ ها 
ضحك بصوته كله _ يلا يا ندى عشان اطلب ايدك 
_ طيب وحبيبتك
_ ما هي واقفه قدامي أهي 
بصتله پحده _ فين دي 
_ انتي يا ندى حبيبتي وإن شاء الله تكوني مراتي 
_ بس انت قولت حبيبتك مش بتعرف تطبخ خالص
_ ده بس تمويه عشان هند تبعدني عن دماغها هي كويسه وكل حاجه بس انا بحبك انتي حبيبتي اشطر بنوته بتعرف تطبخ 
ضړبته في كتفه _ ده انت مستفز بقى واجع قلبي كل ده وفي الاخر بتحبني انا 
مسك ايدي وضحك _ خلاص بقى المفروض تكوني عارفه اني بحبك لا بعشقك كمان ده انا اللي كنت بخلي مامه تبعتلك عشان بحب المكرونه البشاميل من ايدك و كنت بخليها تبعتلك عشان اشوفك ازاي مش ملاحظه كل الحاجات دي !
فعلا قبض على الناس اللي كانت بتضايق التجار و الاسعار كمان انخفضت تاني وبسبب الموضوع ده و موضوع تجار المخډرات رحيم اترقى وبعدها طلب ايدي واتخطبنا 
_ بقولك ايه انا واقف على السلم قدام الباب افتحي 
نطيت من مكاني _ ايه ده بجد احلف انك بره 
_ لو مفتحتيش همشي 
_ بطل رخامه بقى 
 

طلعت فتحت الباب لقيته واقف وماسك ورد ومبتسم قرب مني وهمس
_ وحشتيني
ابتسمت _ وانت كمان يا رحيم اتفضل 
ايمان_صالح
عطاني ورد وعلبة 
_ افتحيها 
فتحتها وكان فيها خاتم _ الله ده حلو اوي يا رحيم بتاع ايه ده 
_ دي هدية بسبب الترقيه اللي انتي كنتي السبب فيها 
_ ده عشان انت شاطر يا رحيم 
_ لا منكرش برضوا أن حبيبتي ليها الفضل في الترقيه دي 
ابتسمت_ رحيم انا بحبك اوي 
ابتسم وحط أيده على قلبه _ قلب رحيم وقف خلاص 
_رحيم 
_ قلب رحيم 
ضحكت _ اللي يشوفك دلوقتي ميشوفش الكاريزما اللي كنت عاملها علينا 
_ ده بس عشان اداري حبي ليكي
_ ودلوقتي هداريه !
_ لا دلوقتي اقدر اقول للعالم كله أنك خدتي قلب رحيم وملكتيه
أنتمي إليك بكل تفاصيلي وارغب في الحصول على جزء من قلبك