قصه كامله

ما حافظت علي سمعت اسرتها ح تحافظ ع سمعتنا ومستحيل تعمل حاجه تخجلنا او تزل راسنا ..........
أحيانا عثرات الحياة ليست ضدك بل هي لأجلك لتعي ما هي الحياة لتفهم مواقف لم تكن تفهمها لترى أشياء لم تكن تراها
زي ما حافظت علي سمعة اسرتها ح تحافظ ع سمعتنا ومستحيل تعمل حاجه تخجلنا او تزل راسنا ..........
خالدة انتي ما عايزة تفهمي ليه انا قلت ما ح يعرسها يعني ما ح يعرسها اقفلي الموضوع ده سريع ...........
بس ياامي انتي لازم ترجعي تفكري في قرارك ده لانو ما صاح انتي بتظلمي انسانه بريئه طيب خليني اسالك لو ام عثمان عملت فيني ال حتعمليهو في بسمه وتكلمت ع بالباطل وفسخت الخطوبه ح ترضي......... يمين بالله اسمع منها كلمه ساي بالغلط ما بترضي الا انا ما من النسوان البرضوا الحقارة وبعدين انتي ما تقارني نفسك ب بسمه لانك مربيه علي الاصول وديك من قامت امها جادعها والله اعلم إذا شافت الاصول بعينها ........

بس ياامي اذا مابترضي الحاجه دي لبنتك ليه بترضيها لي بنات الناس الرسول صل الله عليه وسلم قال حب لأخيك كما تحب لأنفسك و مسالة الاصول دي ما حاجه بعيرو بيها الانسان لانها بتولد معاهو كفطرة وانا شايفه بسمه رغم غياب امها ما في بنت في الحلة دي كلها بتحترم الناس وبتراعي الاصول زيها 
وبعدين بسمه بنت اخوك ومن لحمك ودمك انتي المفروض تبقي ليها زي امها وتقيفي معاها مو تتكلمي عنها زي الناس الغريبه ........
نديكم نبذه قليله عنهم مني عمة بلبل وبسمه اكبر من علي ابوهم بسنتين عندها خالدة ومحمد وطبعا محمد خاطب بسمه من قبل سنتين وحاليا جاهز لي الزواج وخالده خاطبها ود خالها من بدري ومغترب 
......ماانتي لسه صغيرة علي الحاجات دي بكرة لما تكبري ح تعرفي انا عملت كدي عشان شنو الدنيا دروس يابنتي وانا تعلمت الكتير منها .......
اثناء ما بنتكلم جا داخل محمد اخوي ...
وووووووا تاج راسي وحبيبة قلب اخوها قاعدين بتحكو في شنو دخلوني معاكم .......
........محمد امي دايرة تف....قاطعتها امها دايرة اعرس ليك في نهاية الشهر ده واخيرا ح افرح بيك .....
....الله اكبر يا امي كلام جميل اخيرا قررتي تعرفي انا كنت منتظر الخبر الجميل ده من سنين .....
.....بس يا محمد اخوي امي مادايرة... خالده قومي عليك الله سريع اكوي الملابس الفوق السرير ديك عشان محمد داير يلبس الجلابيه الجديده ....
......خير داير يمشي بيها وين ......كيف يعني ما شين نقابل العروس ..........اي عروس يا امي وانتي..........انتي اصلك ما بتعرفي تعملي حاجه زي الخلق بلا تسالي انا قلت تمشي يعني تمشي قومي يلا........حاضر يا امي اللهم اجعلو خير......
في البيت...
بسمه جابت كم عيشه ومعاهم لبن قعدو في الارض وبقوا ياكلو طبعا بسمه ماكان عندها نفس تاكل بسبب الكلام السمعتو من الدكتور بس كانت بتجبر نفسها عشان خاطر بيكو .............انتي يابسمه بلبل ليه لسه ما رجعت حبوبها دي دايرة تقنع منها لمتين انا اشتقت ليها ياخ البيت كعب بدونها............. ح ترجع قريب قالت لي وانا زاتي مشتاقه ليها..... ......سرحت بخيالها مع اختها والدموع نازله من عيونها ياربي بلبل هسي بتكون وين والحاصل معاها اكيد بتكون بخير وربنا معاها لانها دايما مع ربنا و البكون مع ربنا في الرخاء ربنا بكون معاهو في الشده وبحفظو ويكون ليهو خير معين واثناء ما هي سارحه نزلت يدها دايرة تشيل ليها لقمه بدون ما توعي ل نفسها نزلت يدها في الارض بجانب الصحن ......... رجعها من السرحان صوت بيكو بسمه أختي عيونك بقوا ما بشوفوا من دفرت ابوي القبيل صح من أجمل أنواع الرزق أن ترزق ب سند كالاخ 
رفعت رأسها وبقت عامله كدالالا لا منو قال ليك انا بشوف كويس ........لالا موصاح لو بتشوفي ماكان نزلتي يدك في الارض بدلا عن الصحن انا شفتك بعيني ......
بسمه بقت في موقف محرج وتفكر تطلع منو كيف.....
انت يابيكو منو قال ليك ابوي دفرني.......تذكري لما نمت بعد ما رجعت من المدرسه لما صحيت سمعت اصوات ناس پتبكي زي عمر صاحبي لما كان ساكوا كلب ناس ساره قمت داير اشوف الكلب المره دي ساكي منو بس لقيت ابوي ماسكك من قميصك وجارك ب الارض لحدي ما دفرك علي الطربيزه وبعد ما شفتك وقعتي تاني حسيت بالنعاس ورجعت نمت طوالي......
التظاهر بأنك على ما يرام ليس بالشيء السهل 
بسمه في اللحظه دي ۏجعها قلبها مسكتو عليها شديد وبقت تحكي ليهو في الحصل..................
عارف ليه ابوي كان جاريني ب الارض يلا ركز معاي كويس انا وابوي كلنا عاملين سباق وقال لي البصل قبل التاني التاني يغسل العدة وانا بخاف من العدة وبكرها يلا بدينا السباق وانا لما سبقتو مسكني من قميص بس انا وقعت منو في الارض عشان