قصه كامله

لي بعض وبتفقد بعض في الصغيرة قبل الكبيرة ........
كنت اتمني مؤلم جدا ان يصبح الحق امنية ان اصحي الصباح ولقي امي تعمل لينا في الشاي واقول ليها صباح الخير وتفائل بي ابتسامتها بس لا مقدر لينا نعيش علي ذكري الغايبين ونتحمل عڈاب الموجودين .....
مسحت دموعها ونزلت رجليها من السرير ومشت لي ابوها في الغرفه فتحت الباب قدر ما يخليها تقدر تتكلم معاهو 
لقتو راقد ومدي ضهرو الباب
....ابوي اجيب ليك العشاء.......
...... اشار ليها بيدو لا ما دااير ...
.....طيب تصبح على خير 
طوالي مشت طلعت في سريرها وتغطت ونامت.....

أصبحت الدنيا..
بسمه صحت اتسوكت واتوضت وصلت وبعد ما خلصت دخلت المطبخ ك العاده عملت الشاي وجات صحت بيكو شربو الشاي وجهزو لي المدرسه ومنتظرين ابوهم يطلع عشان يوصلهم معاهو ....
فجاءة دقة الباب .......
.....بيكو پخوف منو بكون جاينا من الصباح يابسمه اختي....... بري مابعرف اللهم اجعلو خير .........اناماشي افتح الباب تكون دي بلبل .....لا لا لا ماتمشي بلبل ما بتجي الصباح كدي احتمال زول تاني....لما بسمة قالت ليهو كدي خاف وجا قعد جنبها .....طيب انت خليك هنا انا ح امشي افتح الباب .......
اثناء ما ماشه علي الباب ابوها ناداها اقيفي يابت انا ح افتح ........حاضر يا ابوي........لما وصل الباب وفتحوا لقاها مني اختو ومحمد ولدها .......اوووو تفضلو ياجماعه شنو المفاجأة دي البيت منور بيكم ........
سلم عليهو وفضلهم مني من دخلت صار لي بسمه.....
وبسمه خجلانه تشيل وتغطي في وشيها من محمد لانو خطيبها ..........
ابوي بستغراب خير يامني شنو الجية البدري دي ما من عوايدكم الا ما في عوجه..............اسمعني ياود امي الحلة كلها ماسكه سيرتكم انتو لمتين ح تبقوا لبانه في خشم الناس 
.....الناس ما خلت ليكم صفحه ترقدو عليها اول حاجه كان موضوع طلاقكم البسوي والمابسوي دخل خشمو فيهو وهسي تاني كررتو نفس الدراما .............
اسمعيني ياختي بليل طلعت من دون علمنا ومافينا زول عارف هي طلعت كيف ولا مشت وين بس حالف يمين ترجع ................لو بتنفذ البتقول فيهو ده بنوتك ما طلعوا بدون ادب ولا حتي بلبل ما كانت فكرت مجرد تفكير انها تهرب بس انت فالح في القول ام الفعل استغفر الله العظيم ..... ..... يااختي احترمي حالك وشوفي انتي بتتكلمي مع منو ......... بتكلم مع واحد ماقدر يمسك مرتو ويحافظ عليها وماقدر يحمي شرف وعرض بنتو ........ جيبي الكلام من اخرو انتي دايره تقولي شنو لانو المناقشه لو استمرت ما بتعدي لخير ......... دايره اقول ليك بنتك الخاطباها لي ولد ما بتلزمنا .......
محمد بخلعه امي ده شنو الكلام البتقولي فيهو ده
............انت تسكت ولا كلمه مصلحتك بعرفها انا نحن مابشرفنا نعرس لينا بت اختها مامعروفه صايعه مع منو ولا بتسوي في شنو وبعدين البضمن لينا شنو ما تطلع زيها......
ابوي لما سمع الكلمه دي دمو فار وپغضب قام علي حيلو رفع يدو داير يكفتها بس محمد وقف بينهم ومسك ليهو يدو معليش يا خالي الكلام بتحل بالنقاش والهدو .......
اسمعي يا مني انتي من اليوم لا اختي ولا بعرفك الصله البينا اعتبريها انقطعت وتاني ما تجي معتبه الباب ده ولا علي جنازتي ما تقيفي ......... واحده من اثار الطلاق قطيعة الرحم وتهتك العلاقات ............
اصلا كنت ح اعمل كدا حتي لو ما طلبت منى يلا يامحمد ارح عارض وانفكه الاقارب وخصوصا المقربين منهم المفروض يقيفو مع بعضهم و ما يتكلموا علي بعضهم وما يصدقو البتقال علي بعضهم لو فعلوا كدا ما كان ح تكون في قطيعة رحم خالص وح تكون منقرطه او شبه موجوده ......
بسمة بكل براءة ورغم قسۏة الكلام ...عمتي منى ما تفوتو اشربو مع ابوي الشاي لانو لسه ماشربو ........
هذه الحياة تحتاج إلى قوة هائلة من الصبر إلى ركن شديد لا يتزلزل إلى طاقة جبارة تعين المرء لإحتمالها ولا شيء كاليقين بالله يفعل ذلك
 
التفتت عليها الناس في شنو وانتي في شنو صدقو القالو البلادة اقسام .....
محمد لما عاين ليها مبتسمه رغم كلام امو القاسې معاهم نزلت دمعه من عينو وسرحه فيها معقوله لسه في ناس بالطيبه دي ولا الالم هدا حيلهم وجردهم من المشاعر ابتسامة ملاك و براءة ممزوجه بي الم لن اتخلي عنك كما فعل الجميع يابسمه س احارب الدنيا من اجلك لكي اسعدك وعوضك عن تعب السنين .....
ومن المستحيل ان يذهب ل غيرك شيء قد كتبه الله لك انا من نصيبك فاطمئني .......
........
امو رجعتو من سرحانو وساقتو وطلعوا 
و خلو علي الډم غالي في عروقو ...
بسمه جات قعدت جنبو بحنيه وشفقه ..... يا ابوي ما تشتغل بي كلامهم اصلا الناس دايرة حاجه تبقي ليهم لبان يمضغو فيها من عدم الموضوع بلبل اختي مستحيل تعمل كدا انا حاسه انها واقعه ليها في مشكله ودايرة مساعدتنا انت لازم تدور عليها يابوي في النهاية دي